HOSEA 5:4 - PATHIAN LEKHABU THIANGTHO (BSI)

⁴ A thilbawlteu in a Pathian kiang ah a kile’kit ding uh a phal puai. Kizawk ut tun tunna lungthim a nei ziak un, Lalpa a hepuau hi.

HOSEA 5:4 ပူးပေါင်းရင်းမြစ်များ

SAM 78:8

a suanteu dungsûn ah suan lochal leh, kiphin chîngte, suan thumang lo, Pathian lak ah lungthim ginum lo pu’, a umlo’na ding un.

SAM 9:10

Chuleh, la min hete chun a hun taksang un; aw Lalpa, nang in vang a hun hawlte chu la kilepsan ngai puai.

JEREMIAH 24:7

Chun, keima hi Lalpa ka hi ti ei hiattheina ding un lungthim khat pia’ng ka; a lungthim zosiau ah ka kiang lam ah hung kile’kit ta ding a hiziak un, amau chu ka mipite hita’n tiu in, keile a Pathian uh hita’ng ka.

JEREMIAH 50:38

A tuiteu chawp kang ah do ding khawkhâl chu! A gam uh milim in a dim in, milimte chu limpi in a ngolpi zo ta’ngâl un.

JEREMIAH 9:24

a suang nuam tapo in, Keima Lalpa hi, ngilneinate, vaihawm diknate, felnate leh zia lei chung ah mang sek ka hi ti ei hiatthiamnau chu suang zaw tau hen; zia chu ka lung lam ahi ngal ah, Lalpa‘n a tii.

JEREMIAH 9:6

Kinuaisiana’n chintawk a nei pua’n, kithepna’nle chintawk a nei puai! Keima ei het ding uh le a nuam puau hi, Lalpa‘n a tii.

HOSEA 13:13

Numei nauvei natna gual a chung in a hung tung a; himaleh, ama chu chapa ngol ahi. A pian hun tak in nau pianna kot lam a hun zuan ta puai.

HOSEA 4:1

Israel mipite haw, Lalpa thu hi ngai un; zia gam ah chêngte hi, Lalpa‘n thiamlo chansak in a awimaw hi. Zia gam ah hin ginumna leh thutakna a um ta pua’n; Pathian hetna le a um ta puai.

HOSEA 4:11

Zu leh zu thak chun a hetthiamnau a lamang hi.

HOSEA 4:12

Ka mite chun thing milimte po a dong un, a âisânnau mol chun thu a hil a. Nawchi zokna lungthim chun a pui mang a, a Pathian uh kiheisan in hukna’n a kihel thanghuai zo tau hi.

HOSEA 4:14

La chanuteu nawchi man leh, la moteu a ângkawmnau chu gawt pua’ng ka; pawsalte le nawchizuakte tawh a kipui chuam un, tempul ah nawchizuakte tawh a kithawi khawm un; tichun, hetthiamna neilote chu a puksia tau hi.

HOSEA 4:6

Ka mite chu hetna a tâksap ziak un sukmangthai a hiu a; nang in hetna la paithâk ziakin, ka thiampu la hi’na kipat in ka hun paitha tai. La Pathian dan la hetmil tâk ziakin, ke’nle la chate hemil ding ka hi.

HOSEA 7:11

Ephraim chu vakhu lung mawl, hetna nei lo gual chu ahi; Aiguptate a ko un, Assuria lam in a chiau hi.

HOSEA 8:11

Ephraim in gitlo thoina ding ah mâichâm a sukpun po leh, gitlona ding mâichâm bep a hung hitau hi.

JOHAN 16:3

Pa leh keima ei het lo ziak un, zia thilte chu hun bawl in au.

JOHAN 8:55

ama chu helo maleu chinle, keima’n vang ama chu ka hia’i; ama chu ka hepuai ti leng, nanghaw gual tho ah zuau thei hiding ka hi; himaleh, ama chu ka hia, a thule ka jawm ahi.

1 SAMUEL 2:12

Tu’hin, Eli chate chu mi chavai a hiziak un, Lalpa a ja puau a;