HOSEA 5:1 - PATHIAN LEKHABU THIANGTHO (BSI)

¹ Aw thiampute haw, he tau in! Aw, Israel Inkuante haw ngaisak un! Aw lengpa Inkuante haw, a la ngaiphau in! Vaihawmna chu la chung un hung tung ding ahi ngal a; Mizpah ah thâng kikam leh, Tabor tâng ah lên kijak tawh bang la hitau in;

HOSEA 5:1 ပူးပေါင်းရင်းမြစ်များ

JEREMIAH 11:7

Aigupta gam ah kipat ka puidaw lai ah kipat tu’ni tiang hin, a kiang un gunchu tak in, “Ka thu ngai un,” ti’n ka la hillawk zing a.

JEREMIAH 13:18

Lengpa leh lengnu kiang in, “Kingainiamna chutna’n kitung un; la luchang ua kipat lal lukhuk mêlpha tak chu, lâkthâk hiding ahi ta’ngal a,” ti in.

JEREMIAH 46:18

Lengpa, a min Sepai honte Lalpa chun, kihaksial hial in, Tângte lak ah Tabor gual leh, tuisuagiat pâm ah Karmel gual in, mi pakhat hung kuan ding ahi.

HOSEA 10:15

Aw Bethel, la nunsiatna a nasat ziakin, la chung in zia gual chu hung tung in a. Phalvak in Israel lengpa chu sât thâk in um ta’n a.

HOSEA 13:8

Savom no kiluak gual in amau chu man ing ka tin, a lungchang tuamnau chu puai thêk piak ing ka; sakeibaknei in a nêk zaw gual in, amau chu val zo ing ka tin, gamsa’n a puaitel gual in hun puaitel ding ka hi.

HOSEA 4:1

Israel mipite haw, Lalpa thu hi ngai un; zia gam ah chêngte hi, Lalpa‘n thiamlo chansak in a awimaw hi. Zia gam ah hin ginumna leh thutakna a um ta pua’n; Pathian hetna le a um ta puai.

HOSEA 6:9

Suammangte’n mi a chânguk gual un, thiampute a pung khawm un; Shekhem zawtna lampi’n mi a that un, tualtha’na huaisia tak a bawl tau hi.

HOSEA 9:8

Jawlnei chu ka Pathian â dingin, Ephraim chung ah gâlvengpa ahi; tichun, a lampi zosia ah chun, thângkamte thâng a um in, a Pathian In ah chun kihuatna a um hi.

JOEL 1:2

Putêkte haw, zia hi hiau in, zia gam ah chêng zosiate haw, la bil uh dawu in! Zia gual thil hi nangmau khang leh, la pu la pateu khang inle a tung kha ngai em?

AMOS 3:1

Aw Israel mipite, Aigupta gam ah kipat ka puidaw Inkuan zosiate haw, nang uh demna thu Lalpa‘n a gen hi ngaitha tau in:

AMOS 7:9

Isak thoimualte chu nutsia hung hi’n tin, Israelte mun thiangthote chu suksiat hung hi’n tin, Jeroboam Inkuan lang dingin, chemjam tawh hung kuan ing ka,” a ti’n.

MIKAH 3:1

Nanghaw Jakob Inkuan hotute leh, Israel Inkuan ah vaihawm zosiate haw ngai un! Vaihawmna dik chu he lo la hiu em? ka ti’n.

MIKAH 3:9

Nanghaw Jakob Inkuan ah hotute leh, Israel Inkuan ah vaihawmte haw, vaihawmna dik zosia ki’dak ah, dikna zosia bangmalo ah koite haw, zia thu hi a la ngai un.

MIKAH 7:2

Lei chung ah hin mi ginum a um ta pua’n, mi diktat him him le a um ta puai; thisan sua ding châng in a um zo tau in, mitin in mi dang khat chiat lên in a ngîm tau hi.

MALAKI 1:6

Aw Thiampu, ka min simmawte haw, cha’n a pa a chawihoi in, suak in a pu a chawihoi hi; kei pa ka hileh chawihoi ah ka umna bang ahi em? Hotu ka hileh ja ah ka umna bang ahi em? ti’n sepaite Lalpa‘n a hun dong la hiu. Nanghaw chun, “Bangti’n la min ka simmawu ah a hem?” la tiu a.

MALAKI 2:1

Tu’hin, nang uh thiampute haw, zia thupiak hi nang uh â ding ahi.

VAIHAWMTE 4:12

Chun, Sisera kiang in, Abinoam chapa Barak chu Tabor tâng in a chia to tai ti a hil phat un,

VAIHAWMTE 4:6

Ama chun Naphtali gam ah Kedesh mun ah chêng, Abinoam chapa Barak ko dingin mi a sawl ah, a kiang in, “Lalpa, Israelte Pathian in hiti hin thu a hun pia’i: ‘Chia inla, Naphtali leh Zebulun phung te ni ah kipat mi sîng khat ko khawm in, Tabor tâng ah vapang un,

1 SAMUEL 7:16

Kum si’n leh Bethel, Gilgal leh Mizpah a chuantha zing ah; tichun, zia munte ah kipat hin Israelte chung in vai a hawm tai.

1 SAMUEL 7:5

Ziaphatchun, Samuel in, “Israel mipi zosia chu Mizpah ah hun ko khawm unla, Lalpa kiang ah hun dot piak ing ka,” a tia.

1 SAMUEL 7:6

Tichun, mipi zosia Mizpah ah hungkhawm in, tui a khai un; kithoina thillat in zia tui chu Lalpa âng in a sungtha tau a. “Lalpa chung in ka la bawlkhial tau hi,” ti’n, zia ni chun an a ngawl tau a. Tichun, Samuel in Mizpah ah kipat in Israel zosia chung in vai a hawm tai.