HOSEA 4:9 - PATHIAN LEKHABU THIANGTHO (BSI)

⁹ Mipite thok gual chu thiampute chung inle tung in a; a tawi dan dungzui un gawt ing ka tin, a thilbawlteu chu thuk ing ka.

HOSEA 4:9 ပူးပေါင်းရင်းမြစ်များ

THUPILTE 11:31

Midikte bawn lei chung ah piak thuk kit a hiu chun, mi nunsia leh migilote chu, bang gual bep ah nasa’n thuk kit a hita diam uh maw!

THUPILTE 12:14

Min a kam thiam man kinêk intin; a khut sepgim man chu piak hi’n a.

THUPILTE 5:22

Migilo chu ama gitlona ma ah awk intin; ama gitlona khauhual ma ah zem chak in um in a.

ISAI 24:2

Mipite chung ah tung gual in, thiampute chung inle tung intin; suaknu leh a pu chung ah tung gual in, a pi chung inle tung intin; van chawtu chung ah tung gual in, a zuaktu chung inle tung intin; a thunglâkte chung ah tung gual in, a thunglâksakte chung inle tung intin; sumpung nei ding ah latu chung ah tung gual in, sumpung um ding ah petu chung inle tung in a.

ISAI 3:10

Mawna neilote chun a khut sepgim gau, ne ding a hiziak un, mi vangpha ahi dan uh hil in.

JEREMIAH 5:31

Jawlneite’n diklo tak in thu a gen un, thiampute’n le jawlneite thupiak dungzui in vai a hawm ui; ka mite chun la zia gual nei chu a nuam un, a tawpna hung tung ta leh, bangti’n la bawl ta diam uh?

EZEKIEL 44:10

Himaleh, Levi mite, gamla tak ah ei nusia, Israelte a vâkmang lai ua a milimteu zui ah gamla tak ah ei vâkmang sante chun, a gitlo man uh kipuak in au.

EZEKIEL 44:12

Himaleh, a milim ho’nau a bawl piak ah, a thil bawl khial ziak ua Israel Inkuante â ding ah kipalna a hung hitau. Ziaziakchun, gawt lo in koi pua’ng ka, ti’n Lalpa Pathian a kihaksial tai.

HOSEA 1:4

Chun, Lalpa chun a kiang in, “A min dingin Jezreel a sa’n, a ziak chu, Jezreel thisan phuba chu Jehute Inkuan chung ah chom lo kâl sung in la ding ka hi; chun, Israel Inkuan lenggam chu sutawp ding ka hi.

HOSEA 10:10

Mi chanlam beite gawt dingin hung ding ka hi; a gitlonau ziak ah a le’ni ah, amau chu gawt ah do dingin, namdangte pui khawm hi’n au.

HOSEA 12:2

Lalpa‘n Judah chu maw a chansak hi, Jakob chu a umdan dungzui in gawt intin, a thilbawl dungzui in thuk in a.

HOSEA 12:3

A nu sûl ah kipat khan a u makhel a gua’n, a hung pitin phatin Pathian a buan hi.

HOSEA 7:2

A gitlonau zosia ka he suak hi ti lam a ngaitua puau hi. Tu’hin, a thil bawlteu in a umchil ta’n, ka ma-âng ngei in a um tau hi.

HOSEA 8:13

Amau in doichuam thillatte pemaleu, sate chu ne maleu, Lalpa‘n ziate chu a pom puai. Tu’hin, a khawlonateu chu hezing intin, a gitlo’nau chu gawt in a; amau chu Aigupta lam in kile’kit in au.

HOSEA 9:15

A gitlonau zosia kipatna chu Gilgal ahi’n; zia kipat khan ka hua ahi. A thilbawl uh sual tak ziakin, ka In ah kipat in deldok ding ka hi. Hepi ta pua’ng ka; a milianteu zosia chu helmang ahi ngâl un.

HOSEA 9:9

Gibeah ah a um lai gual uh khan, amau leh amau nasa tak in a kisubuak ui; a khawlonau chu hezing intin, a gitlonau chu gawt ding ahi.

ZEKARIAH 1:6

Ka dante leh ka thute khan ka suak jawlneite kiang ah ka la piak haw kha, la pu la pateu a la makhel man ta hilo a hem? Tichun, a kisik ua: Sepai honte Lalpa chun I chung ua bawl ding a guanggal gual tak in, I umdan leh I thilbawl dungzui tak un ei soisa ta ahi,’ a tiu kha,” a tiu a.

MATTHAI 15:14

Amau chu ngaisak kiu in; mitthûm te puitu mitthûm a hiu a, mitthûm in mitthûm ma a pui chun, kawkhûk ah ke’lut khawm ding a hiu, a tia.