HOSEA 4:6 - PATHIAN LEKHABU THIANGTHO (BSI)

⁶ Ka mite chu hetna a tâksap ziak un sukmangthai a hiu a; nang in hetna la paithâk ziakin, ka thiampu la hi’na kipat in ka hun paitha tai. La Pathian dan la hetmil tâk ziakin, ke’nle la chate hemil ding ka hi.

HOSEA 4:6 ပူးပေါင်းရင်းမြစ်များ

2 KHANGTHU 15:3

Israelte chu hun sawt tak Pathian dik tak nei lo in, amau thuhil ding thiampu leh dan nei lo in a la um tau a;

JOB LEKHABU 36:12

A ngaisak lo ua leh vang, chemjam ah tha’gam ah um in, hetna bei in a thi sek ui.

SAM 119:139

Ei do-te’n la thu a hetmil ziak un, ka phatchuam ngaina’n ei val zo ding ahi tai.

SAM 119:153

Ka genthei dan hi ngaitua inla, ei hukhing ta’n; la dan chu ka hemil ngai paw’ngal a.

SAM 119:61

Migilote khauhual chun ei zem tom maleh, la dan chu ka hemil diak puai.

SAM 18:27

Nang in mi kingainiamte la hukdok sek in, mi kingaisângte vang chu la bêng niam sek hi.

THUPILTE 10:21

Midik kam chun mi tam tak a vak in, ahi’n, mingolte chu pilna tâksap ziakin a thi sek ui.

THUPILTE 19:2

Hetna bei ah thil khat doina mai chu a pha pua hen; kalsuan kin-gang talua chule chotkhialna ahi.

ISAI 1:3

Bawngchal in a neipa a hia’n, sabiltung in a enkolpa anpiakna a hia’i; maleh, Israelte’n a hepuau in, ka mite’n a hechian puau hi.

ISAI 17:10

Nang in la hukdamna Pathian la hemil ta’n, la kisêlna Suangpi chu la he’pha ta paw’ngal a; ziaziakchun, thâichi doi um tak tak te chîng malehchin le,

ISAI 27:11

Thingbâkte chu a hung keu phat leh, nutsia in a um un; numeite’n thingkhua dingin a mang sek tau hi. Zia namte hi hetthiamna neilote ahi ngal un; ziaziakchun, amau Siampa chun, lainatna nei ta pua’n tin, amau a la guanggalpa chun a chung un, doisakna hi’lang ta pua’n a.

ISAI 28:7

Amau hinle uain a dawn kham un, zukha kham in a hoi dong dong ui; thiampu tawh jawlneite’n le zukha a dawn kham ui. Uain dawn ziakin a ngaituanau a buai zo ta’n, zukha dawn kham ziakin a hoi dong dong tau hi; a kilâkna muu le a dik ta pua’n, a thutannau in a kisui tau hi.

ISAI 29:12

Chuleh, zia lekhabu chu lekha simtheilote kiang ah pia kit uh hen la, a kiang un, “Hun sim tiam un,” tileu; amau chun, “Lekha ka sim thei puau,” a la ti kit ding a hiu.

ISAI 3:12

Ka mipite haw, naupangte chu a chuanden in a pang tau in, numeite chun a chung un vai a hawm ui. Aw ka mipite haw, la puituteu in a hun pui khial tau in, la lampiteu a subuai zo tau hi.

ISAI 45:20

Namtin lak ah a suakcha sunte haw, hungkhawm unla, hung kipung khawm in, ei hun nai tiam un! A thing milimteu paw tawl tawl ah, amau hukdok theilo pathian ho zingte chu, hetna nei lo a hiu.

ISAI 5:13

Ziaziakchun, hetna a nei lo ziak un, ka mipite chu sal ah pui in a um tau in; a milianteu chule gilkial in a thi tau in, mipite chule dangchâk in a keu zo tau hi.

JEREMIAH 2:8

Thiampute’n, “Lalpa chu khoi ah a um tam?” a ti puau a; Dan mangte chunle ei he’pha ta puau hi; thuneite chun ei do un; jawlneite’n le Baal min in thu a gen un, milim mantheilote ei hosan tau hi.

JEREMIAH 4:22

“Ka mipite chu a ngol ziak un, ei he’pha pua’n au; chapang mawl a hiu ah, hiatthiamna neilote a hiu; thil phalo bawl dan a thiam ma mau ah, thilpha bawl dan vang a hepuau hi”.

JEREMIAH 5:21

Aw, mingol leh ngaituana beite haw, mit nei ngâl ah mulote, bil nei ngâl ah helote haw, zia thu hi ngai un:

EZEKIEL 44:23

Ka mite chu thilzek thiang leh a vantang kibat lo dan a hil diu ahi; chuleh, a thiang leh thianglo hetkhen ding dan le a etsak diu ahi.

HOSEA 13:6

Amau ka vâk lai khan a vâ un, a lungkim ma mau a; a vâ phat un a lungthim uh a hung chapo ta’n; tichun, ei hemil kit ta mai sek ui.

HOSEA 2:13

Baalte â ding kût nite ziakin amanu gawt ing ka, zia hun ah chun ama khutsebi leh, suang mantamte’n a kichei in, a dawichâkte a vazui ah, keima ei hemil tai, Lalpa‘n a tii.

HOSEA 4:1

Israel mipite haw, Lalpa thu hi ngai un; zia gam ah chêngte hi, Lalpa‘n thiamlo chansak in a awimaw hi. Zia gam ah hin ginumna leh thutakna a um ta pua’n; Pathian hetna le a um ta puai.

HOSEA 4:12

Ka mite chun thing milimte po a dong un, a âisânnau mol chun thu a hil a. Nawchi zokna lungthim chun a pui mang a, a Pathian uh kiheisan in hukna’n a kihel thanghuai zo tau hi.

HOSEA 4:14

La chanuteu nawchi man leh, la moteu a ângkawmnau chu gawt pua’ng ka; pawsalte le nawchizuakte tawh a kipui chuam un, tempul ah nawchizuakte tawh a kithawi khawm un; tichun, hetthiamna neilote chu a puksia tau hi.

HOSEA 5:4

A thilbawlteu in a Pathian kiang ah a kile’kit ding uh a phal puai. Kizawk ut tun tunna lungthim a nei ziak un, Lalpa a hepuau hi.

HOSEA 6:6

Kithoina hilo in ja’ngaina ka dawi in; hâlmang thilpiakte sâng in, Pathian hetna chu ka doi zaw ngal a.

HOSEA 7:11

Ephraim chu vakhu lung mawl, hetna nei lo gual chu ahi; Aiguptate a ko un, Assuria lam in a chiau hi.

HOSEA 7:9

Gamdang mite’n a hatna a nêk zaw piak un, ama’n la zia chu a hepuai; a kumte chu tiam himaleh, zia chu a hepuai.

HOSEA 8:1

Pengkul chu la mukteu tawh sutuau in! Lalpa Inkuan chung ah mulukol gual khat a um hi; ka thuthung a botsiau ah, ka dante a bawsiat tâk ziak un.

HOSEA 8:12

Ka thuhilnate tampi zik piak maleng, thil lamdang hi’n a ngai ui.

HOSEA 8:14

Israel in ama Siampa a hemil in, lal Inpite a sau a; Judah in khawpi kul neite a hi’pung a, ahi’n la, a khawpite chung ah mei sawl ing ka tin, a khawpi siamdette chu kâng tum in a.

HOSEA 9:17

Ama a ngaisak lo ziak un ka Pathian in nol intin; nam dangte lak ah vâkchek ta’n au.

MATTHAI 1:6

Jesse chu lengpa David pa ahi’n; chun, David chu Uria ji tawh a chau Solomon pa ahi.

MATTHAI 15:14

Amau chu ngaisak kiu in; mitthûm te puitu mitthûm a hiu a, mitthûm in mitthûm ma a pui chun, kawkhûk ah ke’lut khawm ding a hiu, a tia.

MATTHAI 15:8

Zia mite hin a kam un ei chawihoi un: a lungthim un vang ei gamlat ui.

1 SAMUEL 2:12

Tu’hin, Eli chate chu mi chavai a hiziak un, Lalpa a ja puau a;