HOSEA 4:12 - PATHIAN LEKHABU THIANGTHO (BSI)

¹² Ka mite chun thing milimte po a dong un, a âisânnau mol chun thu a hil a. Nawchi zokna lungthim chun a pui mang a, a Pathian uh kiheisan in hukna’n a kihel thanghuai zo tau hi.

HOSEA 4:12 ပူးပေါင်းရင်းမြစ်များ

2 LENGTE 17:7

Zia gual chun, Israelte chun Aigupta gam ah Lengpa Pharaoh khut nuai ah pat puidokpa, Lalpa a Pathian chung un thil gilo a hun bawl kit ua; pathian dang a hun ho kit tau hi.

2 KHANGTHU 21:13

Israel gam ah lengte dung sûn zaw’n, Ahab in Israel mipite siatna lam zuan ah a pui mang gual in, nang inle Judah mipite leh Jerusalem khua mite la pui mang ziak leh, nangma sâng ah phazaw ngen la suapite, la pa suan leh pâkte ngen la thâ gam tâk ziakin,

SAM 106:39

Tichun, amau thilbawl ah chun sukbuak in a um zo tau a; amau thilbawl ma ma ah chun a thanghuai gam tau hi.

SAM 73:27

Ahi, nangma hun gamlat tapo chu, mangthai ding a hiu; nang hun kilepsan tapote, tawpna ding la bawl ngal a.

JEREMIAH 10:8

Amau haw vang a ngong un, a ngol ui; milimte zilsakna chu vang, thingbong panna bei gual ahi.

JEREMIAH 2:27

thingbul kiang ah, “Ka pa la hi,” tite leh, suangtum kiang in, “Nang ei hin ka hi,” tite zosia chu zakcha’n au. A mai lam uh ei ngat lo in, ei nungngatsan zaw tau ah; a buai phat uh leh, “Hung kipan inla, ei hukdok in,” a ti sek ui.

JEREMIAH 23:13

Samaria gam ah jawlneite lak in, ki’dak um khat ka mu tai; Baal min in thu a genlawk un, ka mipi Israelte chu a pui mang tau hi.

EZEKIEL 20:32

I kîmvêl ua nam dangte gual in, I gam ua um namte gual hin thingbul, suangbulte ho hitiu, ti’n lunggel maleu chin, zia gual chun um him him pua’n lau, ti in.

EZEKIEL 21:21

Babulon lengpa chu âisân in, lamlian pani kisuktuana lampi kidaidanna mun in a um ta’ngalah; a thalpi a thing ah, a milimte chu a dong ah, sathin a endik tai.

HOSEA 14:3

Assuria in ei hukdam pua’n tin, a sakol chung ah chuang pua’ng kau; ka khutsuakteu kiang in, ‘Ka Pathian uh la hiu,’ ti ta pua’ng kau. Nangma ah chun nauchagate’n, ja’ngaina a mu sek ngal un,” ti in.

HOSEA 5:4

A thilbawlteu in a Pathian kiang ah a kile’kit ding uh a phal puai. Kizawk ut tun tunna lungthim a nei ziak un, Lalpa a hepuau hi.

HOSEA 6:10

Israel Inkuan lak in thil huaisia tak ka mu ta’n; Ephraim nawchi zawkna chu a um a, Israel chu sukbuak ahi tai.

HOSEA 9:1

Aw Israel, kipâk kin! Namdangte gual in lim kin; nawchizuak in, la Pathian la nusia ta’ngâl a. Buphual jawl tin cheng ah nawchi man la ngaina tai.

THIAMPUTE LEKHABU 17:7

tichun, thithate kêlcha kiang ah kithoina a piak ua, nawchi ei zoksan tâklona ding ua, a khang zosiau ah a zui ding uh dan chu ahi.

THIAMPUTE LEKHABU 20:5

zia mihing leh a Inkuante chu ângngat in do ing ka tin, tichun, Molekh ho’na ziak ah kisubuak zosia tawh ama chu a chipite lak ah kipat paitha ding ka hi.

MIKAH 2:11

Mumal lo leh diklo tak ah: “Uain thu leh khamthei thu la kiang ah hun hil ding ka hi,” ti ah min zuau a hun gen ua leh, ziate chu zia mite â ding bep ah chun, a thugentuu hiding ahi.

HABAKKUK 2:19

Thingbong kiang ah, “Hung khanglo tiam in,” tite leh, suangtum kiang ah, “Hung tho in,” tite chung chu a gik hi! Mi a hil thei awm? En tia, sana leh dangka tui kiluan khum mai ahi’n, a sung ah hinna a um puai.

KISIMNA LEKHABU 15:39

Zia puanmong kihual chu la bawlphat si’n uh leh, nang uh â ding ah Lalpa‘n thu a hun piak zosia la hetdawna ding uh leh, la zui ding uh a hi’dan la hiattheina ding uh hi’ntin; tichun, la lungthim un a doidan leh la mit un a dawi dan dan chu la bawl ziang lo ding uh ahi.

DAN LEKHABU 31:16

Lalpa‘n Mosi kiang in: “La pu leh pate kiang ah chawldam pai ta ding la hi. Zia mipite hin, zia gam pathiante lak ah chun ei hun ângkawmsan pai in, ei kiheisan intiu in; a kiang ua ka thutepna thuthung chu bawtsia’n au.

VAIHAWMTE 18:5

Amau in a kiang ah chun, “Ka chiana ding lam ua chun lawting ding ka hiu em ti ka he nuam un, lungsiat tak in Pathian ei dot piak in,” a ti tau a.