HOSEA 3:5 - PATHIAN LEKHABU THIANGTHO (BSI)

⁵ Zia nung chuleh, Israelte hung kile’kit in, Lalpa a Pathian uh leh David, a leng uh chu hun hawl ta’n au; ni nunung lam ah chun Lalpa leh a phatna chu lau kawm in zuan in au.

HOSEA 3:5 ပူးပေါင်းရင်းမြစ်များ

1 LENGTE 12:16

Israelte zosia chun lengpa’n amau a ngaisak puai ti a het phat un, mipite chun lengpa kiang in, “David ah pat bang chan I nei ua a hem? Jesse chapa ah gochan bangma I nei puau hi. Aw Israelte haw, la puanbûk lam un chia kit tau in! Aw David, la Inkuan ki-etphat mai in,” ti’n a dawnhu tau a. Tichun, Israelte chu a puanbûk lam chiat un a kihemdok zo tau hi.

ISAI 17:7

Zia ni phat chuleh, mihingte’n amau Siamtu hun ja in, Israel Mi Thiangthopa lam hun en ta’n au;

ISAI 2:2

Tu’nung lam leh Lalpa In umna tâng chu, tâng sâng pen hung hi’ntin; tâng dang zosia sâng ah chawisa’n in um ta’n a; chuleh, namtin hung kitawl lut ta’n au.

ISAI 2:3

Mipi tam tak hung khawm intin uh: “Hung un, Lalpa tâng, Jakob Pathian In ah chun chia to hitiu; a lampite I zuitheina ding ua, a lampite ei hiltheina dingin,” ti’n au. Zion ah kipat in dan hung pawt intin, Jerusalem ah kipat in, Lalpa thu hung pawt ding ahi ngâl a.

ISAI 60:5

Ziaphat chuleh, mu’n la tin vâkdok ta’n la; la lungthim thanuam talua’n kipak intin, tuisuagiat ah hausakna leh, namtin hausakna chu la kiang ah, hun paw tung ding ahi ngal un.

ISAI 9:13

Mite chun amau vaw’pa lam chu a nga nuam nai diak puau a; sepai honte Lalpa lam chule a hawl nuam diak puau hi.

JEREMIAH 23:5

David â ding ah Bâk dik tak ka hun tun dinna ding chu hung tung ngei ngei ding ahi. Ama chun leng gual in vaihawm intin, pil tak in ngaitua in ah; dikna leh thu tak in a gam chu vaihawm ta’n a.

JEREMIAH 30:24

A lungtup a bawl zawah a mualsua masia, Lalpa lungnatna tizat um tak chu, hung kile’kit ziang pua’n a. Hun nunung lam leh, zia chu hun hechian ta’n la.

JEREMIAH 30:9

Lalpa a Pathian uh leh a lal ding ua ka hun tundin ding David na bep chu sêm zaw ta’n au.

JEREMIAH 33:17

Lalpa‘n zia gual hin a gen hi: David in Israel Inkuante lalchutpha chu ding mihing tasam ta pua’n tin,

JEREMIAH 33:9

Chun, zia khawpi chêngte â ding ah thilpha ka hi’piak zosia hun he dingte ma-âng ah chun, zia khawpi hi kei â ding ah kipakna leh choihoina leh lopina hung hita’n a; zia khawpi â ding ah thilpha leh vangphatna ka piak ziakin, lau in kithing ta’n au.

EZEKIEL 16:63

la thilbawl dan zosia ka ngaidam phat leh, la het zing ziak ah la zachat man ah bangma gen ding neilo in, la kam ka hawm ziang ding la hi, Lalpa Pathian in a ti ahi.

EZEKIEL 38:16

sûmpi’n lei chung a khû gual in, ka mipi Israelte do dingin hung kuan in lau. Hun nunung lam leh, ka gam do ding in hun pui ing ka tin, ka thiantho’na a muthei ding ua nang chung ah ka hun hilat phat leh, aw Gog, namtin in Keima ei hun he ta’n au.

EZEKIEL 38:8

Kum bang jat a hem nung leh hung khawm in lau; hun nunung lam ah chun, kido’na kipat hukdaw ah um leh khawvel namtin lak ah kipat Israel tânggam ah chêng ding ah pui khawm ah umte, kum sawt tak tawden ah umsate do dingin kuan ding la hiu; zia gam ah mipite chu namtin lak ah kipat kiladok, tu’hin gâl muang tak ah a leng ua a um lai tak uh ahi.

DANIAL 10:14

ni tawp lam leh la mite chung ah bang gual thil hung tung ding a hem, ti hiatthiamsak ding ah la kiang ah hung ka hi,” ti’n a hun gen a.

DANIAL 2:28

himaleh, van ah Pathian pakhat, thugûk zosia taklang sek a um in, ama chun khawvel huntawp ding lam ah bang gual ah thil hung um ding ahi em ti Lengpa Nebukadnezar kiang in a hun hiatsak ahi chu. Lupna chung ah la lup ah, la mang leh kilâkna la mu chu ziate hi a hiu:” a tia.

HOSEA 1:11

Chun, Judah mipite leh Israel mipite kigawm khawm intiu in, amau â ding luchang pakhat, kiguat in au; zia gam chu lua ta’n au, Jezreel nikhua chu nasa ma ma ding ahi ngal a.

HOSEA 11:10

Sakeibaknei gual ah kitum Lalpa chu hun zui ta’n au; a hung kitum phat leh a chate chu, tumlam ah kipat in lau ah kithing kawm in hung in au.

HOSEA 5:15

A hi’khelnau a hun hetdawu ah, ka mai a hun hawl masiau chu, ka umna lam ah kile’kit ing ka. A lunggimna ziak un ka doisakna chu hun don ta’n au.

HOSEA 5:6

Lalpa hawl dingin a belam honteu leh, a bawng honteu tawh chia intiu in, himaleh, mu zo pua’n au; amau a kilepdok san ta’ngal a.

HOSEA 6:1

“Hung un, Lalpa kiang lam ah kile’kit hitiu; ei puaitel chu ama ahiziak in, ama’n ei hi’dam ding ahi, ei vaw liam maleh ei tuam piak ding ahi.

AMOS 9:11

Zia ni chuleh, David bawkcha a la pûk ta chu, tungding kit ing ka tin, a siatnate siampha’ng ka tin, a chipnate lem to ing ka tin, masang lai ah gual khan sapha kit ing ka tin;

MIKAH 4:1

Tu’nung tak leh Lalpa In umna tâng chu, tângte lak ah a sâng pen, mualte chung lam ah chun sukdet in hung um in a. Namtin zia chun chia khawm in,

KISIMNA LEKHABU 24:14

Ziaziakchun, tu’hin, ka mite kiang lam ah chia kit ta’ng ka; zia mite hin tu’nung leh la mite bang hun law ding a hiu em ti hun hil ing ka,” a ti’n.

ROMTE 11:25

Suapite haw, zia thugûk hi helo ah la um ding uh ka dawi puai, dan leh nangmau ngaidan mai in kipilsak kha tawl in lau; Jentelte bukimna a hung tun masia mu theilo dingin, zia tawhbang mitthûmna chu Israel lak ah khenkhatte chung ah le a um hi.

ROMTE 2:4

Ahiloleh, Pathian phatna, zaidawna leh thawk-hatna thûk zia chu musit ziang la hem? Pathian phatna chun lungheina dingin a hun pui huai zing hi ti helo la hem?

DAN LEKHABU 4:30

Tu’nung ah buaina zosia la hun tuak ua, la hung lungkham phat ua leh, Lalpa la Pathian lam ua hung kihei kit in, a thu zawm ta’n lau.