HOSEA 3:1 - PATHIAN LEKHABU THIANGTHO (BSI)

¹ Lalpa‘n ka kiang in, “Chia inla, Israel mite’n pathian dang kiang lam ah ei kiheisan in, grep ho vaithumte ngaina ziang maleu, Lalpa‘n amau a hepi tei tei gual in, jawlsai leh ângkawm lai numei pakhat vahepi in,” a ti kit a.

HOSEA 3:1 ပူးပေါင်းရင်းမြစ်များ

2 SAMUEL 6:19

Israel mipi zosiate kiang in, a numei a pawsal kidang lo in, mi tin kiang in vaithum tang khat tawh, sa bâk khat tawh grep ho vaithum tâng khat chiat a hawm a. Ziazaw chun, mipite zosia chu a In lam chiat un a chia kit tau hi.

2 LENGTE 13:23

Himaleh, Lalpa chu a chung un a hung ja’ngai ah, amau a lainat ta’n; Abraham, Isak leh Jakob kiangah a thuthung ziakin amau lam a nga tai, amau chu hi chimit lo in, tu’tiang in a mau chu a umpi’na ah kipat a naw mang nai diak puai.

1 KHANGTHU 16:3

numei hi’n pawsal hileh, Israel mipi zosia lak ah chun, kibang chiat in vaithum pei khat chiat, sabâk khat chiat leh grep-ho ah vaithum kisiam tangkhat chiat a hawm tai.

NEHEMIAH 9:31

Chuti maleh, la ja’ngaina a nasat ziakin amau chu sumangthai ziang lo in, la nusia diak puai; nang mi hepina dim leh ja’ngaina hau Pathian la hiziak in.

SAM 123:2

Suakte mit in a pu khut a et zing gual leh, suaknu mit in a pi khut a et zing gual in, zia gual chun, I Pathian ja’ngaina, I chung ua a hung tun masangsia, I mit un Lalpa chu I en zing uh ahi.

PAWTDAWNA THU 32:6

Tichun, a jing ah chun ma tak in a tho ua, hâlmang kithoina a lân ua, kichamna thilpiak le a hun lau ah; mipite chu ne leh dawn dingin a chukhawm ua, tawtbawl dingin a ding tau a.

SOLOMON LÂ 2:5

Grep ho in ei hi’no inla, epul in ei hi’hal kit in; jawlgûk ngai ah damlo ka hi ve’i.

ISAI 45:22

Nanghaw, kawlkil tiang ah umte haw, keima lam hun ngau inla, hukdam in um tau in! Keima bep hi Pathian ka hi’n, a dang a um puai.

JEREMIAH 3:20

Chuti sâng in, numei ginum lo in, a pawsal a taisan gual in, aw Israel Inkuan ah mite haw, kei â dingin ginum lo tak in la um tau hi, Lalpa‘n a ti ahi,” ti in.

JEREMIAH 31:20

Ephraim chu ka chapa dawi tak hilo a hem? Ka kipakna chu hilo a hem? Ama demna thu ka gen daw si’n leh, ama ka hezing hi. Ama ziakin ka lungthim a na ma ma hi; matheilo in a chung ah jaidaw ing ka, Lalpa‘n a tii.

HOSEA 11:8

Aw Ephraim, bangti’n hun haisan thei ding ka hem? Aw Israel, bangti’n hun pedok thei ding ka hem? Admah gual ah bangti’n hun siam thei ding ka hem? Zeboim gual ah bangti’n hun bawl thei ding ka hem? Ka sung ah hin ka lungchang a kitum in, ka khawtuana a nasa’n, a thûk ma ma hi.

HOSEA 2:5

A nuu chu a thanghuai sek a, amau vopnu chu jachâk um tak in a um tai. “Ka an leh ka tui, ka samul leh ka pat, ka sathau leh ka dawn ding ei pete, ka hepite delzui ing ka,” a ti’ngal in.

HOSEA 4:11

Zu leh zu thak chun a hetthiamnau a lamang hi.

HOSEA 7:5

I lengpau ni ah chun miliante chu, uain salum in a nat khawlaw un; ama chun musitte tawh a khut a jak khawm hi.

AMOS 2:8

mâichâm bul tincheng in kitepna puansil chung ah a lum un; chuleh, a mi gapnau uain chu Pathian In ah a hun dawn uh ahi.

AMOS 6:6

kuangcha bêm ah uain dawn ah, sathau pha pen pen kinu’te, himaleh, Joseph siatna pawnalote chung chu a gik hi!

MIKAH 7:7

Ke’n vang, Lalpa lam en zing ing ka tin, ka hukdamna Pathian chu ngâk zing ing ka; ka Pathian in ei ngaitha ding ahi.

ZEKARIAH 1:16

Ziaziakchun, Lalpa‘n zia gual hin a gen hi: Ja’ngaina tawh Jerusalem lam ka hun nga kit tai; zia sung ah chun ka In sak hi’ntin, Jerusalem chung ah chun te’na kithungdok kit ta’n a,” sepai honte Lalpa chun a tii.

MATTHAI 26:50

Ziaphatchun, Jesu chun, lawm, la bawl ding ding chu bawl ziang in, a tia. Tichun, Jesu chu a man tau hi.

1 KORINTH 10:21

Lalpa no leh thithate no ah dawn kop kiu in. Lalpa dawkan leh thithate dawkân ah nekop diak kiu in.

1 KORINTH 10:7

A lak ua khenkhat gual ah khan, milim ho hi kiu in: “Mipi chu ne ding leh dawn dingin a kichuu in; chun, kihel dingin a dingdok tau a,” ti zik gual ah khan.

1 PETER 4:3

Jentelte doigual hinna: Hûkna, taksa nopna, zukhamna, zumun limna leh ki’dak um tak ah milim honate, tu’ma lam ah te kha hun ta hen.

VAIHAWMTE 10:16

Tichun, a lak ua pathian dangte chu paidok in, Lalpa chu a ho tau a; chuleh, ama’nle Israelte genthei tak ah um chu a en zo diak ta puai.

VAIHAWMTE 9:27

Lou ah kuandok in, grep ga alo ua, a chil ua, nunnop a bawl tau a. Chuleh, a pathian ho’nau ah chia in, a neu ah, a dawn ua, Abimelekh chu a gensia tau a.