HOSEA 2:8 - PATHIAN LEKHABU THIANGTHO (BSI)

⁸ Bu te, uain te, sathau te, chuleh, Baal â ding ah a mat uh, dangka leh sana sukpun piak chu, keima ka hi ti amanu’n a hepuai.

HOSEA 2:8 ပူးပေါင်းရင်းမြစ်များ

1 KHANGTHU 29:16

Aw Lalpa ka Pathian uh, la min thiangtho â ding ah In ka hun sakna ding ua zia ka thil hun choikhawm zosiau hi, nangma khutsuak ngen ma ma a hin, nang â sik sek a hiu.

JOB LEKHABU 19:8

Ka kân zaw lo ding dâi ei kai khum ah, ka lampite chu thim a khu’khum hi.

ISAI 1:3

Bawngchal in a neipa a hia’n, sabiltung in a enkolpa anpiakna a hia’i; maleh, Israelte’n a hepuau in, ka mite’n a hechian puau hi.

ISAI 46:6

A sakhau ua kipat in sana a sungdok a, dangka thîkte chu bûkna te’te chun; sana bawl mi a gawi un, a pathian ding uh a bawl piak un; ziate ma-âng ah chun a bokkhup un, a ho tau hi!

JEREMIAH 7:18

Van lal kiang ah lat ding, vaithum kanna ding a chateu in thing a chom un, a pateu in mei tik in, a nuteu in vaithum a mêk ui; chuleh, ka lungnat choktho dingin pathian dangte kiang in dawnchi thillatte a sungdok ui.

EZEKIEL 23:41

lal gual ah nuam tak in jalkhun in la kichuuah, la âng ah dawkan la dawu ah, a chung in ka gimtui leh sathau la koi un.

DANIAL 3:1

Lengpa Nebukadnezar in milim lian tak, a sân dan tong sawmguk leh a vai tong guk in a siam a; zia chu Babulon gam sung ah Dura phâijawl in a koi a.

DANIAL 5:23

van ah Lalpa kãl in la kikoisang ta’ngal a! A tempul ah ûm leh bêlte chu la kiang in a hun lau ah, nang leh la milian leh lalte, la jite leh la thâikmte’n zu dawnna’n la mang tau a. Dangka leh sana, sum-eng, thîk, thing leh suang ah kisiam, bangma muthei lo, hethei lo pathiante chu la ho zaw tau a; himaleh, la hatna umna leh la lampi zosia kingakna Pathian chu la chawisâng nuam puai.

HOSEA 10:1

Israel chu grep gui pha tak, ga nuam ma ma gual chu ahi. A ga tam po leh mâichâm a siam tam in; a gam a masawn po leh dawikhuam a siamphau a.

HOSEA 13:1

Ephraim in thu a gen phat leh midangte a kithing sek un; Israelte lak ah nasa tak ah choisân a la hiu. Tu’hin, Baal ah a kisukbuak phât un, a thi khawlaw tau hi.

HOSEA 13:2

Tu’tiang hinle thil phalo a la bawl nalai un, amau lemhiatna dungzui in dangka thîk milimte, khutthiamte khutsuak in a kisiam tau hi: “Ziate kiang ah hin kithoina thilpiakte chu lân un,” a tiu a. Bawngno lim chu mipite’n a chawp tau hi!

HOSEA 2:5

A nuu chu a thanghuai sek a, amau vopnu chu jachâk um tak in a um tai. “Ka an leh ka tui, ka samul leh ka pat, ka sathau leh ka dawn ding ei pete, ka hepite delzui ing ka,” a ti’ngal in.

HOSEA 4:11

Zu leh zu thak chun a hetthiamnau a lamang hi.

HOSEA 8:4

Keima pang lo in leng a kisiam un, ka hetlo kâl in hotute a kisiam ui. Amau siatna ding bep in a dangkau leh, sana’n milim a kisiam ui.

HABAKKUK 1:16

Ziaziakchun, a lên ah chun kithoina a lân in, a lênkhang ah chun gimtui a hâl hi; amau ziak ah a chanvo hung lian ah, nêk ding tui tak leh tam tak lakhawm a hiziak un.

LUKA 15:13

Chomkhat zaw in, a chapa neuzaw chun a chan ding zosia lakhawm in, khual gamla tak in a chia ta’n; kinoptel tak in a um ah, a nei zosia chu a sumang zo tai.

ROMTE 1:28

Chun, Pathian het a nop lo ziak un, thil mêlpha lo tak tak bawl ding ah a doi lo gual lungthim nei phal in, Pathian in a kihei mangsan tai.

DAN LEKHABU 8:18

Lalpa la Pathian uh hezing un; tu’ni a hun bawl piak gual hin, la pu leh pateu kiang ah a la kikam tiamna thuthung namdetna dingin, hausakna go leh gamte lakkhawm theina a hun pia ahi zaw ngâl a.

VAIHAWMTE 9:27

Lou ah kuandok in, grep ga alo ua, a chil ua, nunnop a bawl tau a. Chuleh, a pathian ho’nau ah chia in, a neu ah, a dawn ua, Abimelekh chu a gensia tau a.