HOSEA 2:7 - PATHIAN LEKHABU THIANGTHO (BSI)

⁷ A dawichâkte chu delzui intin, himaleh, delpha pua’n a; amau hawl intin, himaleh, mupha pua’n a. Ziaphat chuleh, “Ka pawsal masa kiang in vaikit ing ka tin, tu’sâng hin tu’ma kha kei â di’n a phazaw ngal in,” ti’n a.

HOSEA 2:7 ပူးပေါင်းရင်းမြစ်များ

2 KHANGTHU 28:23

ama a la nuaisia Damaska mite pathian haw kiang in kithoina a bawl ah, ama chun, “Aram lengte pathian haw chun amau a panpi ziakin, keile ei panpi thei khâk leh a kiang in kithoina lân ing ka,” a ti’n. Himaleh, ziate chu ama leh Judah mi zosia â ding ah siatna bep a suak tai.

SAM 116:7

Aw ka hinna, la cholna lam ah chun chia kit ta’n, Lalpa‘n la chung ah pha tak in a bawl ta ngal a.

ISAI 30:16

Nang uh chun, hilo e! Sakol ah chuang in jam ing kau, la tiu a; ziaziakchun, jam ma ma in lau; chuleh, Sakol tai hatte chung ah chuang ing kau, la tiu a; himaleh, a hun delzuite chu tai hat zaw ding a hiu!

JEREMIAH 14:22

Nam dangte milim pathiante chun gua a zuksak thei awm? Ahiloleh, vante chunle, gawnêl a kaisak thei awm? Aw Lalpa ka Pathian uh, nangma bep hilo maw? Zia thil zosia bawlpa chu nangma la hiziak in, la chung ah kinepna ka nga tau ahi.

JEREMIAH 2:2

“Chia inla, Jerusalem ah chêngte het dingin vagen inla, Lalpa‘n zia gual hin a gen hi vati’n: La khangdawn lai ah la ginum dante, mothak gual ah lei ngai dante leh, gamthip ah bangma kichînlo’na gam ah le ginum tak ah ka nung lei zui dan kha ka hezing hi.

JEREMIAH 2:28

Ahileh, la pathian ding ah la kisiamte kha, khoilam tung zo a hitau em? La buaina kipat hun hukdok thei a hiu chun, hung kipanleu hiding a pom. Aw Judah, la khawpi jat ah tam, pathiante la nei uh hilo maw!

JEREMIAH 2:36

La umchan kihiatlosak ah, nuam tak ah um gua la hi maw! Assuriate’n a hun sukmualpho gual mau in, Aiguptate’n le hun sumualpho ding a hiu.

JEREMIAH 3:1

Mi khat in a ji nol hen la, a ji chun a pawsal chu nusia in, pawsal dang khat tawh kicheng taleu, a pawsal masa chun a va kichenpi kit diam? Chutileh, gam chu nasa tak ah sukpolche hilo ding a hem? Nang vâng ngaijawng tam tak nei in, nawchizuak in la pang tai; aleh, kei lam ah la hung kit diam? Lalpa‘n a tii.

JEREMIAH 31:18

Ephraim thûmna chu ka henai: “Nang in lei thunun ta’n, la thununna chu ka la thuak ta’n; bawngno lâk nai lo tawhbang ka hi. Ei pui kit in, hung kit ing ka, nangma, Lalpa chu ka Pathian la hi’ngâl a.

JEREMIAH 31:32

A pu leh pateu Aigupta gam ah kipat puidok ding ah, a khut ua ka kaibât lai khan, a pawsal uh himaleng le, ka thutiam a bawsiat gual uh kha hi talo ding ahi, Lalpa‘n a tii.

JEREMIAH 44:17

Zia malak ah chun, kei haw tawh ka pu leh pateu, ka lengteu leh ka milian leh lalteu in, Judai gam ah khawpi leh Jerusalem kotzingte ah ka la hisek gual uh khan, van lengnu kiang ah thil piak leh uain latna ka kitiam dungzui un bawl ding ka hiu. Nêk leh châk ah buting leh lamzang tak ah um in, vangsiatna ka tuak kha puau hi.

EZEKIEL 16:18

la puanjem hoi takte a khu’na’n la mang ah, ka sathau leh gimtuite chu la pia’n.

EZEKIEL 16:8

La kiang hun haw in, ka hun et kit leh, dawichâk ah ngai thei la hung hi tai. Ka puanâk chual mong la chung in ka kaipal ah, la ngawnchang hi’na chu ka khû tai; la kiang in kitiamna ka nei in, nang tawh I kikâl in thuthung ka siam a; tichun, nang chu kei â la hung hi tai, Lalpa Pathian in a ti ahi.

EZEKIEL 20:32

I kîmvêl ua nam dangte gual in, I gam ua um namte gual hin thingbul, suangbulte ho hitiu, ti’n lunggel maleu chin, zia gual chun um him him pua’n lau, ti in.

EZEKIEL 23:12

Assuriate lak ah gam ukpate, vaihawmte, sepai hangsan gâlvan bukim ah kithuamte, sakol chungchuang mi tangval mêlphate ngen chu doicha’n a sâi a sâi a.

EZEKIEL 23:22

Ziaziakchun, aw Oholibah, Lalpa Pathian in zia gual hin a gen hi: La dawichâkte ki’dak in hun siam ing ka tin, kil tin ah kipat nangma do dingin hungsak ding ka hi:

EZEKIEL 23:4

A upa zaw min chu Oholah ahi’n, a naunu min chu Oholibah ahi. Amau chu kei â a hung hiu ah; tichun, chanu chapate a hun hing tau ah. A min uh umzia chu: Oholah chu Samaria ahi’n, Oholibah chu Jerusalem ahi.

DANIAL 4:17

Zia thu hi mi thiangthote thupukna dungzui ah, vêngtute thupuan chu ahi; tichun, Hatchungnung pen in, mihingte lenggam zosia chung in thu a nei hi; ama’n a nop tapote â dingin lenggam a pia, mi niampente chule a chung un a koi sek hi, ti hi mi zosia’n a hiattheina ding un,’ ti’n a hung kiko tai.

DANIAL 4:25

Nangma chu mihingte lak ah kipat nawdaw in um in la tin, gamsate lak in hung chêng ta’n la. Chuleh, Hat Chungnung in mihingte lenggam chung in vai a hawm in, a nop nop kiang in lenggam a pesek hi, ti la hun hetdaw masang sia, hun sagi sung chu bawngchalte gual in hampa nêksak ah um in, van dâichîm in hun chapzing ta’n a.

DANIAL 4:32

Mihingte lak ah kipat in nawdaw in um in la tin, gamlak ah ganchate tawh tat khawmsak hiding la hi. Hat Chungnung in mihingte lenggam zosia chung in vai a hawm in; a nop nopte kiang in lenggam a piak sek ahi, ti la hun hetdaw kit masangsia’n, hun sagi sung bawngchalte gual ah hampa nêksak ah hung um ding la hi tai,” a hun tia.

DANIAL 5:21

Mihing lak ah nawdaw ah um in, ganchate ngaituana lungthim piak in a um tai. Chungnung pen ah Pathian in mihingte lenggam chung in vai a hawm in, a nop nop a tungding sek hi, ti a hun hetdaw masangsia, gam sabiltungte tawh kipawl in, bawngchal gual in hampa’n a kivak tai.

HOSEA 1:2

Hoshea mangcha’n Lalpa‘n thu a gen masak pen ah chun, Lalpa‘n Hoshea kiang in, “Chia inla, mi thanghuai suan ah mi, numei thanghuai ji’n vanei in; zia gam hin Lalpa chu kiheisan in huaisia tak in a thanhuai san ta’ngal in,” a ti ta’n.

HOSEA 13:6

Amau ka vâk lai khan a vâ un, a lungkim ma mau a; a vâ phat un a lungthim uh a hung chapo ta’n; tichun, ei hemil kit ta mai sek ui.

HOSEA 14:1

Aw Israel, Lalpa la Pathian lam ah hung kile’kit ta’n; la thulimlo’na ziakin la kipal pûk ta ahi.

HOSEA 2:16

Zia ni chuleh, “Ka Baal” ei ti lo in, “Ka Pawsal,” ei tizaw ta’n la, Lalpa‘n a tii.

HOSEA 5:13

Ephraim in a natna a mu ah, Judah in a liamna a mu phât in, Assuria lam in Ephraim a chia ta’n, leng lopi tak kiang ah chun a sawl tai. Himaleh, ama’n nang hun sudam thei pua’n tin, la liamnale sukdam piak thei pua’n a.

HOSEA 5:15

A hi’khelnau a hun hetdawu ah, ka mai a hun hawl masiau chu, ka umna lam ah kile’kit ing ka. A lunggimna ziak un ka doisakna chu hun don ta’n au.