HOSEA 2:4 - PATHIAN LEKHABU THIANGTHO (BSI)

⁴ Thanghuainu chate a hiziak un, A chate chung ah le lainatna nei pua’ng ka.

HOSEA 2:4 ပူးပေါင်းရင်းမြစ်များ

2 LENGTE 9:22

Joram in Jehu a mu phât in, “Jehu, a pha lam thu a hem?” a tia. Ama chun, “La nu Jezebel ângkawmnate leh dawi leh kau biakte sutzop ahi laisia bang thil pha um thei ding a hem?” a tia.

ISAI 27:11

Thingbâkte chu a hung keu phat leh, nutsia in a um un; numeite’n thingkhua dingin a mang sek tau hi. Zia namte hi hetthiamna neilote ahi ngal un; ziaziakchun, amau Siampa chun, lainatna nei ta pua’n tin, amau a la guanggalpa chun a chung un, doisakna hi’lang ta pua’n a.

ISAI 50:1

Lalpa‘n zia gual hin a gen a: La nuu ka la nolna lekha khoi ah a um em? Kua kiang ah ka bat ditna ding ah ka piak a hem? Ahipuai, la gitlona ziak un kizuak mang la hiu a, la thil bawlkhialnateu ziak ah la nuu chu, naw mang a la hi tai.

ISAI 57:3

Nanghaw, mitvaidawi thiam chate, nawchizuakte leh ângkawmte suan leh pâkte haw, hung un.

JEREMIAH 13:14

chuleh, amau chu kisuktua sak ing ka tin, nu leh pa chu a chateu tawh, ti’n Lalpa‘n a gen hi. Amau ka suksiat phat leh lainatna nei pua’ng ka tin, khat chale hawi lo ding ka hi, ti’n vagen in,” ei ti tai.

JEREMIAH 16:5

Lalpa‘n zia gual hin a gen a: lusûnna In ah lut kin la, a sûn ding inle chia kin la, amau ziak inle lungkham him him kin; zia mite lak ah kipat hin ka thamuanna, ka ngilneina leh ka lainatnate chu ka lakmang ahi ta’ngal a, Lalpa‘n a tii.

EZEKIEL 23:25

Thangtawm tak ah a hun soisak theina ding un, ka lung awilo’na la chung un bunkhup ing ka. La nâk leh la bilte âtthak piak intiu in, a hing sunte chu chemjam in that in au. La chanu leh chapate man intiu in, a hing sunte mei in kâng tum in a.

EZEKIEL 8:18

Ziaziakchun, lungna tak in thuk ing ka; kimulosak ta pua’ng ka tin, daidawp pua’ng ka; ka het in ngai tak in kap maleule, limsak ta pua’ng ka,” a ti tai.

EZEKIEL 9:10

Ke’n vang kimulosak pua’ng ka tin, daidawp diak pua’ng ka; a thilbawl dungzui un a luchung un tunsak zaw ta’ng ka,” a hun ti tai.

HOSEA 1:2

Hoshea mangcha’n Lalpa‘n thu a gen masak pen ah chun, Lalpa‘n Hoshea kiang in, “Chia inla, mi thanghuai suan ah mi, numei thanghuai ji’n vanei in; zia gam hin Lalpa chu kiheisan in huaisia tak in a thanhuai san ta’ngal in,” a ti ta’n.

HOSEA 1:6

Amanu’n nau a vop kit ah, chanu khat a hing ta’n. Ziaphat ah chun, Pathian in a kiang in, “A min in Lo-ruhamah a sa’n; Israel Inkuan chung ah lainatna’n le ngaidam ta pua’ng ka tin,

HOSEA 5:7

Lalpa chung ah lepchia tak in a la tawi tau in; jaucha a la neisan ta’ngal un. Tu’hin, tha thak in amau chu a louteu tawh hun ne zo ding ahi.

ZEKARIAH 1:12

Lalpa vansawlchâk in, “Aw sepai honte Lalpa, zia kum sawmsagi la lungnat khum, Jerusalem leh Judah khawpite ah kipat ja’ngaina bang chan tutâng nalai ding la hi em?” ti’n a hun dong a.

JOHAN 8:41

La pau nasep chu la sêm uh ahi hilam,” a tia. Ziaphatchun, amau chun, “Keihaw hi jaucha mai mai ka hi puau in, pa pakhat ka nei ui, Pathian ngei chu,” a tiu a.

ROMTE 11:22

Ziaziakchun, Pathian lau um dan leh a phatnate hi ngaitua phau in; a pûkte â dingin lau um tak ahi; ahi’n la, Pathian lungsiatna la chung un a um hi, a lungsiatna la um zing lo ua leh sâtthâk in um mai ding la hiu.

ROMTE 9:18

Ziaziakchun, ja a ngaina ding chung ah chun ja a ngai ah, a nop nople a lung uh a hi’tâk piak sek hi.

JAKOB 2:13

Jangaina neilo chu jangaina bei ma’n vaihawm piak hi’n ah; jangaina chun vaihawmna a zo sek hi.