HOSEA 2:3 - PATHIAN LEKHABU THIANGTHO (BSI)

³ achutiloleh, ngawnchang in koi ing ka tin, a pian ni gual ah ngawnchang in umsak ing ka tin; gamthip gam gual in siam ing ka tin, gam keu gual in umsak ing ka tin, dangchâk ah thi’sak ding ka hi.

HOSEA 2:3 ပူးပေါင်းရင်းမြစ်များ

PAWTDAWNA THU 17:3

Himaleh, mipite chu tuidu in a dangchâk ta ma mau a; tichun, mipite chu Mosi chung in a phunchiak tau a, a kiang in, “Bang ding ah kei uh leh ka chateu leh ka ganchateu dangchâk ah thi’sak ding ah Aigupta ah kipat lei puidaw a hem?” a tiu a.

ISAI 33:9

Gam chun a sûn ah a chautha tai; Lebanon chu mualpho in a vuaitha tai; Sharon chu Arabah gamkeu a bang ta’n, Bashan leh Karmel chun, a dua zosiau a thingtha tau hi.

ISAI 47:3

La nîk leh puan chu lîpthâk piak hi’n la tin, la zachakna mite’n mu ta’n au. Phuba chu hun la’ng ka tin, pakhat chale hawi pua’ng ka.

ISAI 64:10

La khawpi thiangthote chu gamthip a chang zo tau a, Zion chu gamthip a suak ta’n; Jerusalem chu a hawm ah nutsia ahi tai.

JEREMIAH 12:10

Belampu tamtakte’n ka grep huan a susiau a, ka chantum chu a chuanchil tau ah, ka channa mun pha chu gamthip, kuama umlo na’n a siam tau hi.

JEREMIAH 13:22

La lungthim in, “Ziate hi bangtidan ah, ka chung ah hung tung ta mai a dia aw?” la tiu ahi chun, la nunsiatna a huaisiat ziak ah, la nîk kihawk piak ah, sukthanhuai la hi chulam.

JEREMIAH 13:26

Keima ma’n la nîk uh, la maichang tiang un hun hawkdaw piak ing ka tin, la zachatnau chu mu hita’n a.

JEREMIAH 14:3

Miliante’n tui khai dingin a suakteu a sawl un, tuikul a va tung un, tui a la kang ta’n; a tui bêl uh a ngawn in a hun le’puak kit tau hi. A zak uh a cha ta’n, lungdong tak in puan a kilukhu tau a;

JEREMIAH 17:6

Gamkeu ah hampa buk gual a hiu a, thilpha him him mu pua’n au. Chi pianna gam gual ah gam gawchâk, kuama chên lo’na mun ah chun chêng in au.

JEREMIAH 2:31

Nanghaw, tu’khang ah mite haw, Lalpa thugen hi ngaisak tau in: Israelte â dingin gamthip leh, thimna gam ka hi ngai him him em? Bang ding ah ka mite chun, “Ka nop nop ua um thei ka hiu, la kiang ah hung kit ta pua’ng kau,” ti’thei a hiu em?

JEREMIAH 2:6

Amau chun, Aigupta gam ah kipat ei puidok ah, gamthip leh gamkeu leh leikuak lak ah, gam gawchâk leh thim nuai ah kipat leh, kuama chia ngai lo’na leh, chên khak lo’na munte lak ah kipat, ei la puidokpa, Lalpa chu khoi ah um ahi tam? ti’n ei limsak ta puau hi.

JEREMIAH 22:6

Judah Inkuante chungchâng in, Lalpa‘n zia gual hin a la gen ta’ngal a: Nang hi, kei â ding ah Gilead leh, Lebanon tângvûm tawhbang la hi; himaleh, gamkeu leh khawpi, kuama chên lo’na hun siam ding ka hi.

JEREMIAH 4:26

Ka vak et leh, ngai tia, gam phatnate chu gamkeu a la suak zo ta’n, a khawpi zosia chule, Lalpa âng ah chun, a lungnatna ziak ah chun suksiat a hi zo tai.

JEREMIAH 51:43

A khawpite haw chu tizat um a suak ta’n, gam gawchâk leh gamkeu, kuama chên tâk lona leh, mihing chotkhâk lona gamgil a suak tai.

JEREMIAH 51:5

Israelte Mithiangtho mit mu in, a gam uh gitlona’n dim maleh, Israelte leh Judate chu sepaite Lalpa, a Pathian uh chun a nusia diak puai.

EZEKIEL 16:22

La ki’dak umna leh thanghuaina zosia ziakin la khangdawn lai, ngawnchang ah la thisan lak ah la kitel lai hunte kha la hemil tai.

EZEKIEL 19:13

Tu’hin gamthip ah phu in a um ta’n, gamkeu leh tui um lo’na phu ahi.

HOSEA 13:15

Hambuk lak ah hampa gual in nîm dep dup maleh, Lalpa huizang, sualam hui gamthip ah hung kipan chun hun mut intin, a tuinâkte hung kang intin, a tuihing luite chu hung keugawp ta’n a. A gam sung ah golûl pente chu chawm nâm piak hita’n a.

HOSEA 2:10

Tu’n, a dawichâk te mit mu in, a jachâk umna chu hi’lang ing ka tin; ka khut ah kipat in kuama’n hukdok pua’n a.

THUPUAN 17:16

Chuleh, a kî sawm la mute leh sahâng chun nawchizuaknu chu hun muda intiu in; bangma nei lo leh ngawnchang in koi intiu in; a sa ne’n, mei ah hâl tum ta’n au.

VAIHAWMTE 15:18

Ziaphatchun, Samson chu a dangchâk ta ma ma ah, Lalpa a ko ta’n, “Nang in, la suak khut in zia gual ah zaw’na hi lei pia ta’n. Tu’hin dangchâk ah thi in, zektanlote khut ah pûk mai ding ka hi em?” a tia.