HOSEA 2:2 - PATHIAN LEKHABU THIANGTHO (BSI)

² La nuu hi gen piak unla, ama chu ka ji a hipuai ti hil un; keile a pawsal ka hita pua’n, a mai ah kipat in thanhuaina mêl haisan hen la, a ânglai nopna kipat in thanhuaina hi paitha ta hen;

HOSEA 2:2 ပူးပေါင်းရင်းမြစ်များ

ISAI 11:12

Nam tinte â dingin tepte’na diallap tâkdaw piak intin, Israelte lak ah nawdaw ah umte leh, Judah lak ah the’chek ah a la umte chu, lei killi’ kipat in hun lakhawm kit in a.

ISAI 50:1

Lalpa‘n zia gual hin a gen a: La nuu ka la nolna lekha khoi ah a um em? Kua kiang ah ka bat ditna ding ah ka piak a hem? Ahipuai, la gitlona ziak un kizuak mang la hiu a, la thil bawlkhialnateu ziak ah la nuu chu, naw mang a la hi tai.

ISAI 58:1

Kikodok inla, kipadâm kin! Pengkul gual in la aw hun sua in! Ka mipite’n a bawlkhialnau hil inla, Jakob Inkuante kiang in a gitlonau tâklang in.

JEREMIAH 19:3

A kiang un zia gual hin vagen in: Aw, Judai gam ah lengte leh Jerusalem ah chêngte haw, Lalpa thu gen hi ngai un. Israelte Pathian, sepai honte Lalpa chun zia gual hin a gen hi: Zia mun chung ah hin siatna huaisia tak hun tunsak ding ka hi, zia thu he’pha tapo nakhang chu phawng in a.

JEREMIAH 2:2

“Chia inla, Jerusalem ah chêngte het dingin vagen inla, Lalpa‘n zia gual hin a gen hi vati’n: La khangdawn lai ah la ginum dante, mothak gual ah lei ngai dante leh, gamthip ah bangma kichînlo’na gam ah le ginum tak ah ka nung lei zui dan kha ka hezing hi.

JEREMIAH 3:1

Mi khat in a ji nol hen la, a ji chun a pawsal chu nusia in, pawsal dang khat tawh kicheng taleu, a pawsal masa chun a va kichenpi kit diam? Chutileh, gam chu nasa tak ah sukpolche hilo ding a hem? Nang vâng ngaijawng tam tak nei in, nawchizuak in la pang tai; aleh, kei lam ah la hung kit diam? Lalpa‘n a tii.

JEREMIAH 3:13

La thil bawl khial dan chu puang inla, Lalpa la Pathian chung ah gilo la hi dan leh, thinghing bul tincheng nuai ah, mêl hetlote â ding ah la kiphal dante leh, ka kam suak la zop lo dante chu, thupha chawi phot mai in, Lalpa‘n a tii.

JEREMIAH 3:18

Zia ni phat chuleh, Judah Inkuan ah mite chu Israel Inkuan ah mite’n hun zawm ta’n tiu in; tichun, mallam gam ah kipat hung pawt khawm in, a pu leh pateu kiang ah a gochan ding ua ka piakna gam ah hin hung khawm ta’n au.

EZEKIEL 16:20

Kei â ding ah chanu chapa lei hinpiakte chu, a kiang ua kithoina dingin la pia nalai a. La thanhuaina hile hun tawk nai lo ding a hem!

EZEKIEL 16:25

lambom tin ah mun thawveng la kisiam ah, la mêlphatna la zuak ah, la thanhuaina hi’pung dingin a hun haw kha taphot kiang in la kipia’n.

EZEKIEL 20:4

A chung ua vaihawm ding la hem, mihing, a chung ua vaihawm ding la hi em? Chuti ahileh, a pu leh pateu ki’dak a umnau chu hil inla,

EZEKIEL 23:43

Ziaphatchun, keima’n, “Katei, amanu jawntat khop gawp ahi tai ka la ti’n; ahi’n la, a lum khawm zing nalai ui,” ka ti’n.

EZEKIEL 23:45

Himaleh, thudik ah vaihawmte chun ama chu ângkawm leh tualthat in thiamlo chansak ta’n au; ângkawmna leh a khut ah thisan bek zing ahiziak in.

HOSEA 1:2

Hoshea mangcha’n Lalpa‘n thu a gen masak pen ah chun, Lalpa‘n Hoshea kiang in, “Chia inla, mi thanghuai suan ah mi, numei thanghuai ji’n vanei in; zia gam hin Lalpa chu kiheisan in huaisia tak in a thanhuai san ta’ngal in,” a ti ta’n.

HOSEA 2:1

La suapipa kiang in, Ammi ti’n la; chuleh, la suapinu kiang in, Ruhamah tiu in.

HOSEA 2:5

A nuu chu a thanghuai sek a, amau vopnu chu jachâk um tak in a um tai. “Ka an leh ka tui, ka samul leh ka pat, ka sathau leh ka dawn ding ei pete, ka hepite delzui ing ka,” a ti’ngal in.

HOSEA 4:5

Sûn lai tak inle kipal pâi in la tiu in, jawlnei le nang tawh jan leh kipal pûk in lau, chuleh, la nu chu hi’mangthai ing ka.

MIKAH 2:13

A phu vang masate chu a masa’n chia intiu in; a kêlkotte phu sia’n chia theng ngal in au; a lengpau chun ma pui intin, Lalpa chu a luchang in pang ta’n a.

2 KORINTH 5:16

Chutichun, tu’kipat hin taksa lam in kuama ka he ta puau hi; Khrista chu taksa lam in a la he ta leng unle, tun vang ka he ta puau hi.