HOSEA 2:18 - PATHIAN LEKHABU THIANGTHO (BSI)

¹⁸ Zia ni chun gamsate, chunglêng vachate leh lei ah bokvâkte tawh thuthung nang â dingin siam ing ka tin; thalpite leh chemjamte; chuleh, kidona lei ah kipat in subei ing ka tin; bit tak in lup thâksak ta’ng ka.

HOSEA 2:18 ပူးပေါင်းရင်းမြစ်များ

JOB LEKHABU 5:22

Siat ni leh kial hun inle nui zing in la tin, khawvel ah gam sahângte chu lau him him pua’n la.

JOB LEKHABU 5:23

Loulai ah suang zosia chu la gualpha hi’n tin, gam sahângte le kihotheipi ta’n la.

SAM 148:10

Gam sate leh ganchate zosia, a bok ah vâk leh chung ah leng zosiate haw!

SAM 23:2

Ama’n hampa hing dip dep munte ah ei kualsak sek ah; tui kiting dai hii hiai munte ah ei pui in;

SAM 46:9

Ama’n kawl kîmvêl tiang in kido’na a hi’thip a; thalpi lawi bong in, cheicha a thiakbong ah; phawte chu mei in a hâl tum hi.

ISAI 2:11

Mi kingaisângte chu hi’niam in um intin uh, mi kisathei zosia chu hi’tawm in um in au; zia hun chuleh Lalpa bep chu, choisa’n ah um ding ahi.

ISAI 2:17

Mihing kingaisânna chu hi’niam hi’ntin, mi tin kisaktheina chu hi’tawm in um in a; ziaphat chuleh, Lalpa bep chu, choisân in um ta’n a.

ISAI 2:4

Namtinte kikâl ah vaihawm intin, mi tam tak chung thu lêl piak in a; tichun, a chemjamteu chu, loukaina dingin sêk ta’n tiu in, a thalchangteu chule, theikung hâthianna dingin sêk ta’n au; nam khat in nam dang do-na dingin, a chemjam pan kit ta pua’n tin, kido dan le zil ta pua’n au.

ISAI 26:1

Zia ni phat chuleh, Judah gam ah zia La hi sak hunghita’n a: Khawpi det tak I nei ui; gual zaw’na chu kulbâng leh khawpi ûmna gual in a siam hi.

ISAI 32:18

Ka mite chu chênna mun muang ah, bit tak ah chêng in, chawldam um tak in chêngden ta’n au.

ISAI 54:5

La pawsal chu nangma hun Siamtu kha ahi’n, a min chu sepai honte Lalpa ahi ngal a. Israelte Mithiangtho, nangma hun Tanpa chu ahi’n, ama chu lei chung zosia’ Pathian ahi.

ISAI 65:25

Ngei leh belamno in an ne’khawm ta’n tin, sakeibaknei inle bawngchal gual in bupawl ne ta’n tin; leivui chu gûl an hung hita’n a. Ka tâng thiangtho ah chun kuama kisuknat leh, kisuksiat tuana um ta pua’n a, Lalpa‘n a ti ahi.

JEREMIAH 23:6

Ama hun sung in Judai gam sung chu hukdaw ah um in, Israel gam chu bit tak in um in a. Chuleh, ama chu, “Lalpa chu I Diknau ahi,” ti’n ko hita’n ah, ti in.

JEREMIAH 30:10

Nang ka suak Jakob vang lau kin la, aw Israel, lungdong kin, Lalpa‘n a tii; gamla tak ah kipat in hun hukdok ing ka tin, la suan leh pâkteu chu, a saltânnau gam ah kipat in, hun hukdok ding ka hi’ngâl a. Jakob chu hung kit in, thip hiat hiat in kichawldam ta’n tin, kuama’n sulauthawng ta pua’n au.

JEREMIAH 33:16

Ziaphat chuleh, Judah chu hukdam in um intin; tichun, Jerusalem chu bit tak in chêng ta’n a. Zia khawpi chu, “Lalpa chu I diknau ahi,” ti min sak hita’n a.

EZEKIEL 34:25

Chun, amau tawh kichamna thuthung siam ing ka tin, a gam ua kipat gamsa zosia delmang ing ka; tichun, gamtalai lak ah a nop dan dan un chêng in, thing lak gam inle bit tak in lum ta’n au.

EZEKIEL 39:1

Chuleh, nang mihing, Gog kãl in thu gen inla, zia gual hin Lalpa Pathian in a gen hi: Aw Gog, Meshek leh Tubal ah vaihawm lianpen, nang ka hun kãl hi!

ZEKARIAH 14:4

Ziaphat chuleh, Jerusalem sualam kai ah Oliv tâng chu a keng in hun chuan intin; chuleh, Oliv tâng chu sualam leh tumlam ah kikhen jak in, a kâl ah phâijawl lian tak hung um ta’n ah; chun, tâng kimkhatte gêl chu phel ni kisua in, khat in mallam zuan in, khat in simlam zuan in a.

ZEKARIAH 14:9

Chun, leilung pumpi’n Lalpa chu leng hung hita’n a; zia hun chuleh Lalpa leh a min bep chu biak hita’n a.

ZEKARIAH 2:11

Zia ni chuleh, nam tam tak in Lalpa zawm ta’n tiu in, ka mite hita’n au; chun, la lak un chêng ta’ng ka. Chuleh, sepai honte Lalpa chun ei sawl ka hi ti hun he ta’n lau.

ZEKARIAH 3:10

Ziaphat chuleh, mitin in a grep gui leh a theichang kung lim nuai chiat un, amau Invêngte hun kichial khawm thei chiat ta’n au, Lalpa‘n a ti ahi,” a tia.

ZEKARIAH 9:10

Ephraim ah kipat kângtalai leh, Jerusalem ah kipat kido’na sakol chu hi’mang in a; kidona thalngul chu hi’bong in, namtin kichamna ding thu pia’n a; a lenggam chu tuisuagiat langkhat ah kipat, langkhat lam tiang hi’ntin; Lui lian ah kipat, lei mong langkhat lam tawp tiang huap in a.