HOSEA 2:10 - PATHIAN LEKHABU THIANGTHO (BSI)

¹⁰ Tu’n, a dawichâk te mit mu in, a jachâk umna chu hi’lang ing ka tin; ka khut ah kipat in kuama’n hukdok pua’n a.

HOSEA 2:10 ပူးပေါင်းရင်းမြစ်များ

2 KHANGTHU 24:7

Zia numei nunsia, Athaliah chate khan, Pathian In susia dikdek in. Lalpa In sung bep ah matchâk ding ah kikoi thiangthote natiang in Baal haw ho’na matchâk dingin a la mang polche tau ahi.

SAM 50:22

Nanghaw Pathian hemilte haw, zia hi ngaituau in; ahiloleh, hun bawt tel ah, a hukdok thei ding umlo ah hun bawl mai ding ka hi.

THUPILTE 11:21

Mi nunsia chu gawt lo in suakcha pua’n tin; midikte chun gawtna pumpel in au, ti hezing in.

ISAI 3:17

Zion chanute puitu zosia chu, Lalpa‘n meimasia’n gawt intin, Lalpa‘n a zamawu hawkdaw piak in ah, ti in.

JEREMIAH 13:22

La lungthim in, “Ziate hi bangtidan ah, ka chung ah hung tung ta mai a dia aw?” la tiu ahi chun, la nunsiatna a huaisiat ziak ah, la nîk kihawk piak ah, sukthanhuai la hi chulam.

JEREMIAH 13:26

Keima ma’n la nîk uh, la maichang tiang un hun hawkdaw piak ing ka tin, la zachatnau chu mu hita’n a.

EZEKIEL 16:16

La sil leh chên khenkhatte chu, la thoimual cheina’n la mang ah, zia tak ah chun la kizuak thanghuai ta’n; zia gual thil hi kuama’n a la bawl kha pua’n, tu’nung inle kuama’n bawl pua’n au.

EZEKIEL 16:19

Chuleh, ka an hun piak chângbuang nêl pha tak leh sathau leh khuaizu, la nêk ding ah ka hun piak haw chu, a kiang ah gimtui dingin la pia’n; zia gual chu ahi Lalpa Pathian in a ti tai.

EZEKIEL 23:29

hun haw ma ma kawm in hun soisa’n tiu in, la sepgimna gau lâkpiak in, khutngawn ah nutsia ah um in, la thanhuaina zosia hawkdaw piak hita’n la.

HOSEA 10:1

Israel chu grep gui pha tak, ga nuam ma ma gual chu ahi. A ga tam po leh mâichâm a siam tam in; a gam a masawn po leh dawikhuam a siamphau a.

HOSEA 13:1

Ephraim in thu a gen phat leh midangte a kithing sek un; Israelte lak ah nasa tak ah choisân a la hiu. Tu’hin, Baal ah a kisukbuak phât un, a thi khawlaw tau hi.

HOSEA 2:3

achutiloleh, ngawnchang in koi ing ka tin, a pian ni gual ah ngawnchang in umsak ing ka tin; gamthip gam gual in siam ing ka tin, gam keu gual in umsak ing ka tin, dangchâk ah thi’sak ding ka hi.

HOSEA 6:9

Suammangte’n mi a chânguk gual un, thiampute a pung khawm un; Shekhem zawtna lampi’n mi a that un, tualtha’na huaisia tak a bawl tau hi.

MIKAH 5:8

Chuleh, Jakob mi um nalai sunte chu, nam tam tak in hualvêl ziang maleu, gammâng ah gamsate lak ah sakeibaknei gual leh, belam hon lak ah sakeibaknei vanglai gual in um in au; a pawt daw phat leh chuanchil pek in, bottel malam pek intin, ama ah kipat hukdok ding kuama a um puai.

1 KORINTH 4:5

Chutichun, a hun masang in bangma genchian kiu in; Lalpa chun thim ah thil sêlgukte chu vâk ah hun tâkdok intin, lungthim ah tupnate le hilang in a. Ziaphat chuleh, mi zosia’n Pathian ah kipat pakchak law chiat ta’n au.