HOSEA 14:3 - PATHIAN LEKHABU THIANGTHO (BSI)

³ Assuria in ei hukdam pua’n tin, a sakol chung ah chuang pua’ng kau; ka khutsuakteu kiang in, ‘Ka Pathian uh la hiu,’ ti ta pua’ng kau. Nangma ah chun nauchagate’n, ja’ngaina a mu sek ngal un,” ti in.

HOSEA 14:3 ပူးပေါင်းရင်းမြစ်များ

2 KHANGTHU 16:7

Zia lai tak ah chun, thiamgau Hanani chu Judai gam ah Lengpa Asa kiang in a hungah, a kiang in, “Lalpa la Pathian ah kinga’ lo ah Aramte lengpa la kingak zawk tak ziakin, Aramte lengpa sepaite chu la tha’suak ta ahi.

SAM 10:14

Nang in la mu zing ngal ah! Mi nunsiate’n la khut ah kipat, buaina leh lungjinna a tuak dingteu chu la tepte hi; panpi ding neilote chun a hun bêl sek un; nauchaga panpitu la hi’ngal a.

SAM 146:3

Milian milalte muang kin la, panpi theilo mihingte ah chun kinga kin.

SAM 146:9

Lalpa‘n gamdang mite chu a vêngpha sek hi; nu leh pa neilote leh meithâite a khawtua in, mi gilote lampi’n vang siatna a tun sek hi.

SAM 33:17

Gâl zaw’na ding ah sakol bep ah, kinep hile bangmalo mai ahi’n; a hatnau mai in kuama a hukdok diak puau hi.

SAM 68:5

Pathian, a umna thiangtho ah chêngpa chu, pa neilote pa leh meithâite khawtuapa ahi.

ISAI 1:29

La limpi ma ma gangpi thingte ziak ah chun mualpho ta’n la; huan ding ah la têlnau munte chule, la mualphonau hung hizaw ta’n a.

ISAI 2:20

Ziaphat chuleh, a ho ding ua a bawl uh, a sana leh dangka milimteu chu, bûi leh bâkte chênna ding bep in, pai mang ta’n au;

ISAI 27:9

Zia jal ah chun Jakob mawna zosia sukthian hung hi’ntin, zia chu a gitlona zosia noimangna hita’n a; mâichâm ah suang te, suangmuat gual ah gawtbuang a hung hi’phat leh, dawikhuam leh mâichâmte â ding um ta pua’n a. Asherim zosia leh gimtui hâlna mâichâm zosia, a dial zo um ta pua’n au.

ISAI 30:16

Nang uh chun, hilo e! Sakol ah chuang in jam ing kau, la tiu a; ziaziakchun, jam ma ma in lau; chuleh, Sakol tai hatte chung ah chuang ing kau, la tiu a; himaleh, a hun delzuite chu tai hat zaw ding a hiu!

ISAI 30:2

Kei uh dong lo in, Aigupta gam ah chia suk ding ah kipandok in, Pharaoh nuai ah vênbitna a hawl un, Aiguptate lîmbêl ding a vangaitua ui.

ISAI 31:1

Aiguptate panpi’na hawl ah chiasukte, sakol hatna kisuanpite, sakol kângtalai tam ziak ah kimuangte, sakol hat ma ma te muang ah, Israel Mithiangtho ngaisak lo leh, Lalpa ngaisaklote chu, a chung uh a gik na lawm lawm e!

ISAI 31:3

Aiguptate chu mihing mai mai a hiu a, Pathian a hipuau hi; a sakolteu chule phe leh vo mai a hiu a, thagau a hipuau hi. Lalpa‘n a khut a hun lap phat leh, mi panpite tawh a panpiteu chu, pûk khawm chiat ta’n tiu in, a leng un mangthai khawm ta’n au.

ISAI 36:8

Tu’hin hung unla, ka pu Assuria lengpa kiang in hun genpi ing ka; a chung ah chuang ding mi la nei zaw nâk chun, sakol sang ni hun pena’ng ka.

JEREMIAH 49:11

La nauchagateu chu nusiau in, keima’n a la enkol na’ng ka, la meithâiteu inle ei muang mai uh hen.

EZEKIEL 36:25

Tui thiangtho hun the’khum ing ka tin, la buakna zosia leh milimte ziak ah la buakna zosia lak ah kipat in hun hi’thiang ta’ng ka.

EZEKIEL 37:23

A milimteu leh a thil ki’dak bawlteu; chuleh, thil phalo him him in, amau leh amau kisubuak kit ta pua’n au. A nungtolnau zosia ah kipat hukdok ing ka tin, hi’thiangtho ta’ng ka. Ziaphat chuleh, ka mite hita’n tiu in, Keima le a Pathian uh hita’ng ka.

HOSEA 12:1

Ephraim in hui a khol khawm ah, sûn nitum in sualam hui a del hi; amau in zuau thu leh thagum sua’na a hi’pung un, Assuria tawh thuthung a siam un, Aigupta ah sathau a paw lut ui.

HOSEA 13:2

Tu’tiang hinle thil phalo a la bawl nalai un, amau lemhiatna dungzui in dangka thîk milimte, khutthiamte khutsuak in a kisiam tau hi: “Ziate kiang ah hin kithoina thilpiakte chu lân un,” a tiu a. Bawngno lim chu mipite’n a chawp tau hi!

HOSEA 14:8

Aw Ephraim, milimte chu ka bang ah pang ding a hem? Nangma dawnhu ah, hun vêngpa chu keima ka hi’ngal a. Châk thing hing zing gual chu ka hi’n, la ginumna chu keima ah kipat hung ahi.

HOSEA 2:17

A kam ah kipat in Baal minte chu lâk mang piak ing ka tin, a min uh genkhâk hita pua’n a.

HOSEA 4:12

Ka mite chun thing milimte po a dong un, a âisânnau mol chun thu a hil a. Nawchi zokna lungthim chun a pui mang a, a Pathian uh kiheisan in hukna’n a kihel thanghuai zo tau hi.

HOSEA 5:13

Ephraim in a natna a mu ah, Judah in a liamna a mu phât in, Assuria lam in Ephraim a chia ta’n, leng lopi tak kiang ah chun a sawl tai. Himaleh, ama’n nang hun sudam thei pua’n tin, la liamnale sukdam piak thei pua’n a.

HOSEA 7:11

Ephraim chu vakhu lung mawl, hetna nei lo gual chu ahi; Aiguptate a ko un, Assuria lam in a chiau hi.

HOSEA 8:6

Israel lak ah kipat in mi khutthiam khat in a siam ahi’n, Pathian khutsuak ahi puai. Samaria ah bawngno lim chu khet gawp hi’n a.

HOSEA 8:9

Gamsabiltung khât gual in Assuria lam in a chiau a; Ephraim chu a dawichâkte kiang in a kizuak tai.

JONAH 2:10

Ziaphatchun, Lalpa‘n ngapi kiang in a gen ta’n; tichun, Jonah chu se’pho in a lawdok kit tai.

ZEKARIAH 13:2

Zia ni chun, gam sung ah kipat thagau buakte leh Jawlneite paidok sik sek ing ka tin, amau hetzuina um ta pua’n a; chuleh, gam sung ah kipat in jawlneite leh thagau buakte paidok sik sek ta’ng ka, sepai honte Lalpa‘n a ti ahi.

JOHAN 14:18

Nauchaga gual in hun nusia pua’ng ka; la kiang ua hung kit ding ka hi.

DAN LEKHABU 17:16

Ahi’n la, lal chun sakol tampi a neilo ding ahi; chuleh, sakol a hau theina ding ah a mite chu Aigupta gam ah a sawl kit dingle ahi puai; Lalpa‘n ka kiang un, “Zia lam ah chun la chia kit tâk lo ding uh ahi,” a ti ta’ngâl a.