HOSEA 13:8 - PATHIAN LEKHABU THIANGTHO (BSI)

⁸ Savom no kiluak gual in amau chu man ing ka tin, a lungchang tuamnau chu puai thêk piak ing ka; sakeibaknei in a nêk zaw gual in, amau chu val zo ing ka tin, gamsa’n a puaitel gual in hun puaitel ding ka hi.

HOSEA 13:8 ပူးပေါင်းရင်းမြစ်များ

2 SAMUEL 17:8

Hushai in, “La pa tawh a mite chu gamlak ah savom no kiluak piak gual ah lungna a hiu ti la hia’i. Zia bep chule hilo in, la pa chu gâl bawldan thiam tak ahi ziakin, tu’jan ah hin a sepaite lak ah umlo ding ahi.

SAM 50:22

Nanghaw Pathian hemilte haw, zia hi ngaituau in; ahiloleh, hun bawt tel ah, a hukdok thei ding umlo ah hun bawl mai ding ka hi.

SAM 80:13

Gammâng ah sangal in a philsia’n, lou ah ta zosia chun a ne tau hi.

THUPILTE 17:12

Mingol a gutut a pua’n lai tak sît khak sâng in, savompi a no kiluak piak zo pan kituakpi chu nop a um zawi.

ISAI 5:29

A thawm uh sakeibaknei hâm a bang in, sakeibaknei note gual in a ngîk ui; a samat ding uh ngîm ah mat gual in, kipuak mang in au. Kuama’n a lâkpiak thei ta puau hi.

ISAI 56:9

Nanghaw, gamsa zosiate, gammâng ah gam sahâng zosiate haw, a ne zo dingin hung kuan un!

JEREMIAH 12:9

Ka gochante chu sa-uakte’n ducha, a nêk zaw ding ua thu ka pia a hem? Sasial ne vachate’n a ûm zing ua a hem? Chia inla, gamsa zosia hun ko khawm inla, a ne zo dingin hun pui khawm in.

JEREMIAH 25:38

Sakeibaknei gual in a kua a hun nusia ta’n, a chemjam huhamna leh a hachang thakna huaisia tak ziakin, a gam uh chu a sia zo tai.

HOSEA 2:12

A grep gui te leh theipikung te chu: “Ziate hi ka dawichâkte ei piak, ka law dawte chu a hiu hi,” a ti chu hi’siat piak ing ka. Gammâng in siam ing ka tin, gamsate’n ne zo in au.

HOSEA 5:14

Ephraim â dingin sakeibaknei gual hi’ng ka tin, Judah Inkuante â dingin sakeibaknei vânglai gual hi’ng ka. Keima’n bottel in chia mang ta’ng ka; paw mang ing ka tin, kuama’n hukdok pua’n a.