HOSEA 13:7 - PATHIAN LEKHABU THIANGTHO (BSI)

⁷ Tichun, amau â ding ah sakeibaknei gual hi’ng ka tin, gialbem gual in lam pâm ah la châng ing ka.

HOSEA 13:7 ပူးပေါင်းရင်းမြစ်များ

JOB LEKHABU 10:16

Sakeibaknei hâng gual in lei ngîm in, a vêl vêl in lei suam sek hi.

ISAI 42:13

Sepai hangsan tak gual in Lalpa chu a kipan in, gâldo ah kuan gual in a kihântaw hi; a kiko in, ngai tak in a kiko hi, a hat dan a gâlte chung in a etsak tai.

JEREMIAH 25:38

Sakeibaknei gual in a kua a hun nusia ta’n, a chemjam huhamna leh a hachang thakna huaisia tak ziakin, a gam uh chu a sia zo tai.

JEREMIAH 5:6

Ziaziakchun, gammâng ah kipat hung pawt, sakeibaknei chun that intin, gamkeu ah kipat hung pawt, Ngei in puaitel in a. A sukkhialnau a tam ziak leh, a nungtolnau a huaisiat bêk ziakin, a khawpiteu chu gialbem in a châng ah; a pawtdok taphot chu puaitel hi’n au.

KÂ LATE 3:10

Kei â dingin savom mi chânggu leh, sakeibaknei kisêlgu gual ahi’n;

HOSEA 5:14

Ephraim â dingin sakeibaknei gual hi’ng ka tin, Judah Inkuante â dingin sakeibaknei vânglai gual hi’ng ka. Keima’n bottel in chia mang ta’ng ka; paw mang ing ka tin, kuama’n hukdok pua’n a.

AMOS 1:2

Amos in: “Zion tâng ah kipat in Lalpa a kitum ah, Jerusalem ah kipat in a aw a sua hi; Belam chingte gan tatna hambuk a vuai in, Karmel tângvûm chu a keugawp tai,” a tii.

AMOS 3:4

Gammâng ah sakeibaknei in mat ding nei lo in, bangti’n kitum ding a hem? Bangma that lo in sakeibaknei vanglai a kul sung in, a mawk ngîk ngai em?

AMOS 3:8

Sakeibaknei kitum lau lo kua a hem um ding? Lalpa Pathian in a gen ta’n, kua a hem îm thei ding?

THUPUAN 13:2

Zia sahâng ka mu chu gialbem gual mêlpu a hia, a keng chu savom keng gual a hia, a kam chu sakeibaknei kam gual ahi. Dragon chun, a lalchutpha leh a thilhitheina, chuleh thuneina le a pia’n.