HOSEA 13:5 - PATHIAN LEKHABU THIANGTHO (BSI)

⁵ Gamthip, gamkeu ah hun vâkvâpa kha keima hi ka hi.

HOSEA 13:5 ပူးပေါင်းရင်းမြစ်များ

THILSIAM THU 31:40

Zia gual hin ka um sek in: sûn ah nisa ka thuak ah, jan ah khawvot in ei hi’genthei ma ma sek ah, iple ka ipmu khop ngai puai.

SAM 1:6

Lalpa‘n mi dikte lampi chu a entha zing in, mi nunsiate lampi chu vâng mangthai ding ahi.

SAM 142:3

Ka thagau ka sung ah a basap lai in, nang in ka lampi la hezing a. Ka chiana lampi ah chun, ka awkna ding thâng a kam guu a.

SAM 31:7

La ngilneina ziakin hun chawihoi in lim ing ka, ka lungjinna la mu tak ziakin, ka mêlmate ah kipat lei ngaisak ta ahi.

SAM 63:1

Aw Pathian, nang chu ka Pathian la hi’n; hun hawl ing ka, ka hinna hi nangma thangai in a dangchâk a; tui umlo’na gamkeu leh dangkeuna mun ah hin, ka taksa hin a hun thangai tun tun ahi.

PAWTDAWNA THU 2:25

Pathian in Israelte chu entha zing in a ngaisak zing hi.

JEREMIAH 2:2

“Chia inla, Jerusalem ah chêngte het dingin vagen inla, Lalpa‘n zia gual hin a gen hi vati’n: La khangdawn lai ah la ginum dante, mothak gual ah lei ngai dante leh, gamthip ah bangma kichînlo’na gam ah le ginum tak ah ka nung lei zui dan kha ka hezing hi.

JEREMIAH 2:6

Amau chun, Aigupta gam ah kipat ei puidok ah, gamthip leh gamkeu leh leikuak lak ah, gam gawchâk leh thim nuai ah kipat leh, kuama chia ngai lo’na leh, chên khak lo’na munte lak ah kipat, ei la puidokpa, Lalpa chu khoi ah um ahi tam? ti’n ei limsak ta puau hi.

HOSEA 5:3

Ephraim chu ka he hen, Israel chule kei ah kipat in sêlmang ahi puai; aw Ephraim, tu’hin nawchi la zawk tâk ziakin; Israel chule sukbuak ahi ta’ngal a.

HOSEA 9:10

Israel chu gamthip ah grep ga gual in ka mu tai. La pu leh pateu chu a hun masa pen ah, theipi ga masa gual in ka mu ta ahi. Himaleh, amau chu Baal-peor mun ah a hung un, jachâk um tak in a kipumpiak tau a; a thil ngainatteu gual in ki’dak um a hung hi zo tau hi.

NAHUM 1:7

Lalpa chu a pha’n, lungdon ni ah kul det ahi; ama bêlte chu a hukhing sek hi.

1 KORINTH 8:3

Min Pathian a hepi chun ama ngei chu het in a um zaw ahi.

GALATIA 4:9

Tu’hin, Pathian la hun het ua, Pathian mi het la hung hi’nung un, ti ding ahi zaw’n, thubul jawngkhal leh manlo suak ah um kit nopna lam ah bangatia kihei kit la hiu em?

DAN LEKHABU 2:7

La thil bawlnau taphot in Lalpa‘n mal a hun jawl ma ma ah; zia gamthip lian tak la hawthen danteu le a he sik sek hi. Zia kum sawmli sung ving veng hi Lalpa la Pathian un a hun umpi zing ah, bangma tâksap le la nei puau,” ti in.

DAN LEKHABU 32:10

Gamkeu leh gamthip hui hân hatna, mun ah chun a nêk ding uh a pia’n; ama chun mitnaucha gual in a vêng in, a khawtua ah, a vêng bit hi.

DAN LEKHABU 8:15

gamthip lian tak leh lau um, gulgu hâtchi leh ainuvette lak ah kipat hun puidokpa la hetmil lo ding uh ahi. Ama’n suanggial lak ah kipat la dawn ding uh tui a luan dawsak a;