HOSEA 13:3 - PATHIAN LEKHABU THIANGTHO (BSI)

³ Ziaziakchun, amau chu jingkal phâisûm a hem, jan dâichîm bei kit pai ziang sek gual a hem leh, phual ah busi hui in a mut mang gual leh, tukvan ah meikhu leng mang gual chu hi’n au.

HOSEA 13:3 ပူးပေါင်းရင်းမြစ်များ

JOB LEKHABU 21:18

Bang jat vei tak hui in a mut mang sek chângvai leh, thigua’n a tawmang sek busi gual in a um sek awm?

JOB LEKHABU 30:15

Lau umna’n ei chûm ah; ka za umna chu huizang gual in a leng mang ah, sûmpi gual in a mang tai.

SAM 1:4

Mi nunsiate vang zia gual chu ahi puau hen, busi hui in a tawmang gual bep ahi zawu hi.

SAM 68:2

Meikhu mût mang ah a um gual in, amau chu mût mang in, khuailu mei in a haitui gual in, mi nunsiate chu Pathian ma’n mangthai tau hen.

ISAI 17:13

Namtin tuisânglet husa gual in, a kitum lut lut ui; maleh, Pathian in amau chu vau intin, busi hui in a mut mang gual in, mual lak ah del chek ah um in, chîmpei in leivui a mûtlên gual in, gamla tak ah jam mang ta’n au.

DANIAL 2:35

Chuleh, thîk tawh, tung tawh, sum-eng tawh, sanate chu a leng un nipi lai ah buphual ah busi gual mai in a buang dim dem tau ah; chuleh, hui in a hun mût mang ta’n, a um nau him himle mu ding a um ta puai. Himaleh, zia milim hun sepnawn suangtum chu mual lian tak hung suak in, lei chung pumpi a hun lua suak tai.

HOSEA 6:4

Aw Ephraim, bang hun law ding ka hi tam? Aw Judah, bang hun law ding ka hi tam? La hepinau la phâisûm gual bep ahi’n; jing dai kia, bei kit ziang gual ahi.

ZEPHANIAH 2:2

busi hui in a mut mang gual ah naw mang ah la um masang un, la chung ua Lalpa lungnatna huaisia tak a hung tun ma ah, la chung ua Lalpa lungnatna lau um tak a hung tun masang hin.

ZEKARIAH 8:12

Chamna thâichi chu tu’ hi’n tin; grep gui in ga sua ta’n tin, lei inle ga hun sua ta’n ah, van dâichîm inle hun chap no kit ta’n tin; tichun, a um nalai sunte chun zia zosia chu lua ta’n au.