HOSEA 12:2 - PATHIAN LEKHABU THIANGTHO (BSI)

² Lalpa‘n Judah chu maw a chansak hi, Jakob chu a umdan dungzui in gawt intin, a thilbawl dungzui in thuk in a.

HOSEA 12:2 ပူးပေါင်းရင်းမြစ်များ

2 LENGTE 17:4

Ahi’n, Israelte Lengpa Hoshea chun dawha bawl in, Aigupta Lengpa So kiang in a guk in thu a thot ah; zia kipat chun Assuria Lengpa kiangah, leiman a piak sek chule a pia ta puai. Himaleh, Hoshea dawha chu a hetdaw phatin, suangkul in a khum tai.

JOB LEKHABU 15:2

Mipil in bangmalo mai mai ah dawnhu in, sualam hui bep in a gilpi sudim ding a hem?

SAM 78:36

Ahi’n, a kam un a pâkchau ah, a lei un a kiang ah zuau thu a gen ui.

THUGENTU 5:15

A nu sung ua kipat ngawnchang ah a hung pawt daw gualmau in, a ngawnchang ma’n kile’kit intiu in; a sepgimnau, a khut ua a puak mang thei ding uh hileh kilawm maleh, bangmacha somdok thei diak pua’n au.

ISAI 10:12

Lalpa‘n Zion tâng leh Jerusalem chung ah a thilbawl ding cheng a bawl zaw phat leh, Assuria lengpa kisaktheina leh kiletsak takah a kilopisak ziakin hun gawt ding ka hi.

ISAI 10:6

Pathian ngaisak lo namte do dingin, amau chu ka sawl in; ka lungnatna mipite chung ah, gâl lâk ah la ding leh vachom ah vasuam gam ah, khawlai buanthuak gual ah, vachuan chil dingin thu ka pia tai.

ISAI 24:21

Zia ni phat chuleh, van mun ah chun, van sepai honte leh, lei ah lalte chu lei chung ah hin, Lalpa‘n hun gawt ta’n a.

ISAI 3:11

Thil bawlkhialte chung a gik na e! A thil bawl khial uh tawh kigûn in, a chung un bawl thuk hiding a hiziak un, mi vangsia ahi nau e!

ISAI 30:6

Negeb ah ganchate chung thu ah chunggikna hung tung ding chu: Lungkhamna leh lungjinna gam, sakeibakneipi leh sakeibakneichal hâm laite, gûlsia leh gûl lengtheite lak haw theng in, a nei leh lamteu sabiltungte puaksak in, a go thilteu chu sangawngsaute puaksak in, amau â ding ah phatchuamna bei mite kiang in vachia in au.

ISAI 59:18

A thilbawl uh tawh kigûn in dit kit in a; ama dodâlte chung ah lungnatna, a mêlmate chung ah thukna leh, tuikual gam zosia chule hun thuk kit in a.

JEREMIAH 25:31

Lalpa‘n nam tinte chung ah lung damlo na a nei ziakin, a kiko husa chun lei kil zosia thawng pha hial in a; mitin chung ah vaihawm di’n a kisa’n, thiamlo chang taphot chu, chemjam in that in a, Lalpa‘n a tii.

HOSEA 2:13

Baalte â ding kût nite ziakin amanu gawt ing ka, zia hun ah chun ama khutsebi leh, suang mantamte’n a kichei in, a dawichâkte a vazui ah, keima ei hemil tai, Lalpa‘n a tii.

HOSEA 4:1

Israel mipite haw, Lalpa thu hi ngai un; zia gam ah chêngte hi, Lalpa‘n thiamlo chansak in a awimaw hi. Zia gam ah hin ginumna leh thutakna a um ta pua’n; Pathian hetna le a um ta puai.

HOSEA 4:9

Mipite thok gual chu thiampute chung inle tung in a; a tawi dan dungzui un gawt ing ka tin, a thilbawlteu chu thuk ing ka.

HOSEA 7:1

Israel sukdam ka guat leh, Ephraim thulimlo’na tawh, Samaria nunsiatna a hung kilang hi; zuauthei tak in a bawl un, gucha’n a phevang in, pawlam ah suammang hawn a suam kit ui.

HOSEA 7:11

Ephraim chu vakhu lung mawl, hetna nei lo gual chu ahi; Aiguptate a ko un, Assuria lam in a chiau hi.

HOSEA 7:2

A gitlonau zosia ka he suak hi ti lam a ngaitua puau hi. Tu’hin, a thil bawlteu in a umchil ta’n, ka ma-âng ngei in a um tau hi.

HOSEA 8:10

Nam dangte lak in kizuak maleu, tu’hin, amau chu hun ladok khawm ding ka hi. Leng leh lalte puak gik nuai in hun thuak gim pai ta’n au.

HOSEA 8:13

Amau in doichuam thillatte pemaleu, sate chu ne maleu, Lalpa‘n ziate chu a pom puai. Tu’hin, a khawlonateu chu hezing intin, a gitlo’nau chu gawt in a; amau chu Aigupta lam in kile’kit in au.

HOSEA 8:9

Gamsabiltung khât gual in Assuria lam in a chiau a; Ephraim chu a dawichâkte kiang in a kizuak tai.

HOSEA 9:15

A gitlonau zosia kipatna chu Gilgal ahi’n; zia kipat khan ka hua ahi. A thilbawl uh sual tak ziakin, ka In ah kipat in deldok ding ka hi. Hepi ta pua’ng ka; a milianteu zosia chu helmang ahi ngâl un.

HOSEA 9:9

Gibeah ah a um lai gual uh khan, amau leh amau nasa tak in a kisubuak ui; a khawlonau chu hezing intin, a gitlonau chu gawt ding ahi.

AMOS 2:4

Lalpa‘n zia gual hin a gen hi: Judah bawsiatna pathumte ziak leh palite ziakin, a chung ua gawtna ding chu lamang pua’ng ka; amau in Lalpa dan a nol un, a thuguatte zui nuam lo in, a pu leh pateu a zuausan gual mau ah, pui mang in a um ta’ngal un.

MIKAH 6:2

Mualte haw, Lalpa demna thu hi la ngaitha tau in; nanghaw lei kingaknate haw, ngaitha tau in; Lalpa’n a mite a nial tai. Israelte chule hun nial ding ahi ngal a.

MATTHAI 16:27

Mihing Chapa hi a vansawlchâkte tawh, Pa lopina kithuam ah a hung tak leh, mitin in a nasep dungzui chiat un hun dit kit ding ahi.

ROMTE 2:6

Pathian chun mitin amau thilbawl dungzui chiat ah hun dit ding ahi ngal a.

GALATIA 6:7

Thep in um kiu in; Pathian chu thep ding gual ahi puai; min a tu tapo, zia ma chu ât kit ding a hiu.