HOSEA 11:8 - PATHIAN LEKHABU THIANGTHO (BSI)

⁸ Aw Ephraim, bangti’n hun haisan thei ding ka hem? Aw Israel, bangti’n hun pedok thei ding ka hem? Admah gual ah bangti’n hun siam thei ding ka hem? Zeboim gual ah bangti’n hun bawl thei ding ka hem? Ka sung ah hin ka lungchang a kitum in, ka khawtuana a nasa’n, a thûk ma ma hi.

HOSEA 11:8 ပူးပေါင်းရင်းမြစ်များ

THILSIAM THU 14:8

Ziaphatchun, Sodom, Gomorrah, Admah, Zeboim leh Bela (zia khua chu Zoar le a kiti’n) khua lengte chu Siddim phâiguam ah chun,

2 SAMUEL 24:16

Himaleh, Jerusalem khua gawt ding ah vansawlchâk chun a khut a hun lap phatin, Lalpa chun mipite lak ah thil phalo bawl ding chu a hun thotâng ta’n, “Hun ta hen; la khut kha lâm ta kin,” a hun tia. Lalpa vansawlchâk chu Jebus mi Araunah phual kiang ah a um lai tak ahi’n.

1 LENGTE 3:26

Ziaphatchun, nausen hing neinu chun, a cha chu a lainat ma ma ziakin, lengpa kiang in, “Aw, ka lalpa, nausen hing chu that him him kin la, amanu chu pia zaw mai ta’n,” a hun tia. Himaleh, khat zaw’nu chun, “Ahi, kei â le hi diak ki’hen la, ama â le hi diak ki’hen, kim khen mai in,” a hun tia.

2 LENGTE 13:23

Himaleh, Lalpa chu a chung un a hung ja’ngai ah, amau a lainat ta’n; Abraham, Isak leh Jakob kiangah a thuthung ziakin amau lam a nga tai, amau chu hi chimit lo in, tu’tiang in a mau chu a umpi’na ah kipat a naw mang nai diak puai.

2 KHANGTHU 36:15

A pu leh pateu Pathian Lalpa chun, a mipite leh a chênna gam a lainat tun tun ziakin, a kiang ua thugen dingte chu a hun sawl ham ham sek a;

SAM 106:45

Amau ziakin a thuthung a hezing a, a ngilneina nasat dungzui in, a chung un a ja’ngaina a tâklang tai.

ISAI 16:11

Ziaziakchun, Moab sûnna gawsem gual in, ka lungchang a phu dûp dûp in, ka hinna’n le Kir-heres lungsiat ziakin a phu zot zot hi.

ISAI 63:15

La chênna thiangtho leh ja’um tak, van ah kipat in hun thîl suk in en tiam in. La phatchuam ngaina leh la hatna kha, khoilam ah um ahi tam? La lungthim ah lei ngainatna leh, lei khawtuana keima ah kipat hin lâkmang ahi tai.

JEREMIAH 18:8

zia namte chun a thil phalo bawl uh a haisan uh chun, a chung ua siatna tung ding ah ka la gendawsa chu juk kit ziang ding ka hi.

JEREMIAH 3:12

Chia inla, mallam in zia gual hin vapuang jak in a tii: Ginumlo Israel hung kile’kit in, Lalpa‘n a tii. Ka lungnatna mêl in hun en pua’ng ka, lainatna dim ka hi’ngal a, Lalpa‘n a tii; kumkhua’n lungna ta pua’ng ka.

JEREMIAH 31:20

Ephraim chu ka chapa dawi tak hilo a hem? Ka kipakna chu hilo a hem? Ama demna thu ka gen daw si’n leh, ama ka hezing hi. Ama ziakin ka lungthim a na ma ma hi; matheilo in a chung ah jaidaw ing ka, Lalpa‘n a tii.

JEREMIAH 42:10

Zia gam ah hi la um den hiat hiat ua leh, hun tungding ing ka tin, hun suchim lo ding ka hi; hun phu ing ka tin, hun botdok lo ding ka hi; la chung ua thil phalo ka hun tunsakte haw hi, ka kisik kit ta’ngal a.

JEREMIAH 9:6

Kinuaisiana’n chintawk a nei pua’n, kithepna’nle chintawk a nei puai! Keima ei het ding uh le a nuam puau hi, Lalpa‘n a tii.

JEREMIAH 9:7

Ziaziakchun, sepai honte Lalpa‘n zia gual hin a gen a: Tu’hin amau chu ka thît thiantho ah, ka patep lo ngal leh, zia ka mipi gilote chung ah hin, bang dang le bawl ding ka nei em?

KÂ LATE 1:20

Aw Lalpa, en tiam in, bang gual lawm ah lungdong ka hi tam! Ka gilpi a kichok in, ka lungchang a kichok ziang tai; la chung ah ka la hel nasa ta law tau hi. Kotzing ah chemjam in lusûnna a tut in, Intin ah thi’na ngen ahi kit hi.

KÂ LATE 3:32

Hi’lungngai maleh, a ja’ngaina nasa tak dungzui in, lainatna hun nei ding ahi ngal a;

KÂ LATE 3:33

mihing suknat leh suklungkham chu, a thatnop lam ahi diak puai.

EZEKIEL 33:11

A kiang un, Lalpa Pathian in kihaksial hial in, Migilo thi’na chun ka kipak puai; himaleh, migilote chun a umdan uh kiheisan uh hen la, hing leh dam in um leu ka ti ahi; hung kihei kit un, la umdan phaloteu nusia in hung kihei kit tau in; aw Israelte haw, bang ding ah thi mai ding la hiu em?

EZEKIEL 6:9

La lak ua suakchate chun, sal ah puimangte gam ah chun, keima ei hun he ta’n tiu in; chuleh, a lungthim un ei kiheisan ziak uh leh, a mitdunau ziak ah milim lam ei ngatsan ziak un, ka lungthim nat ding dante chu he ta’n au. Ziaphat chuleh, amau mit mu ziang ah thil huaisia tak a la bawl ziak ua, polche tak leh ki’dak um tak ah a la um a hiu ti kihia’n, amau leh amau le kiluaksuak hial ta’n au.

HOSEA 6:4

Aw Ephraim, bang hun law ding ka hi tam? Aw Judah, bang hun law ding ka hi tam? La hepinau la phâisûm gual bep ahi’n; jing dai kia, bei kit ziang gual ahi.

HOSEA 7:1

Israel sukdam ka guat leh, Ephraim thulimlo’na tawh, Samaria nunsiatna a hung kilang hi; zuauthei tak in a bawl un, gucha’n a phevang in, pawlam ah suammang hawn a suam kit ui.

AMOS 4:11

Pathian in Sodom leh Gomorrah khuate a la suksiat gual khan, nang uh khenkhat ka hun susia ta’n; mei ah kipat kikaidok tawh bang la hitau in; Chutisapi’nle ka kiang in la hung kile’kit puau hi, Lalpa‘n a tii.

AMOS 7:3

Zia thu ah hin Lalpa‘n a lung a hei ta’n, “Zia gual chu hita pua’n a,” Lalpa chun a ti tai.

AMOS 7:6

Zia thu ah hin Lalpa‘n a lung a hun hei ta’n, “Zia hile hita pua’ng ka,” Lalpa Pathian in a hun ti tai.

MIKAH 5:3

Ziaziakchun, nauvei nu’n nau a hun hin masang sia chu, amau chu Lalpa’n kiheisan in a; ziaphat chuleh, a chanau la umsun te chu, Israel mite kiang in kile’kit ta’n au.

ZEPHANIAH 2:9

Ziaziakchun, Israelte Pathian, sepai honte Lalpa chun: Moab chu Sodom gual in, Ammon chu Gomorrah gual in bawl ing ka tin, ham lingnei ke’na leh chi khûk, kumtuang ah mat tâk lo gam suak ta’n a. Ka mipite lak ah a umsun te’n suam intiu in, ka mi a um nalaite chun lua ta’n au.

MATTHAI 23:37

Aw Jerusalem, Jerusalem, Jawlneite thattu leh la kiang ah hun kisawlte suang ah a la seplumte! Jawlneite a la that a! Âkpi’n a note a tha nuai ah a awp khum sek gual in bang vei jat ahi tam, ke’n le awp khum ding ka guat hi; himaleh, la nuam puau hi.

DAN LEKHABU 29:22

Tichun, la nung ua khangthakte leh gam dang mite, gamla tak ah kipat hungte chun, Lalpa‘n a bawlsiat dante, a enggawt dante chu a mu phât ua leh gensim in hun nei kha’n au.

DAN LEKHABU 29:23

Lalpa‘n a lungnat lai tak ah Sodom leh Gomorrah, Admah leh Zeboim te, a gam pumpi ah mei leh kât ah a hâltum ah, chisuang, meisuang leh suanggial ah dim, bangma ke’daw theilona mun ah a hisiat dante a mu phât uh leh,

DAN LEKHABU 32:36

A mite hatna a bei tai ti leh, khumbil ah um leh, zalen um chuam talo a hiu ti, a mu phat leh, Lalpa‘n a mite dikna’n vaihawm intin, a suakte chu lainat kit ta’n a.

2 PETER 2:6

Sodom leh Gomorrah te chu ama ngaisak lo hung um kit dingte etsakna dingin thiamlo a chansak ah, vaivut suaksak in a hi’mangthai tai.

JUDA 1:7

Zia gual ma chun, Sodom leh Gomorrah leh a kîmvêl ah khuate tawh, buakna ah kipumpiak ah, hûkna vâl talua a del tâk ziak un, kumtuang mei ah phuba lâk ah um in, khang kihilna a umdan uh kha hezing un.

THUPUAN 11:8

A luang uh chu khawpi lai, lamlian ah sial intin uh, zia khawpi chu thagau lam thu ah Sodom leh Aigupta a hia; zia tak ma chun a Lalpau kros in a khenden ui.

THUPUAN 18:18

a kâng khu chu gâl et in: “Zia khawpi lopi gual hi, a um kit thei ta diam?” ti’n a kiko ua.

VAIHAWMTE 10:16

Tichun, a lak ua pathian dangte chu paidok in, Lalpa chu a ho tau a; chuleh, ama’nle Israelte genthei tak ah um chu a en zo diak ta puai.