HOSEA 11:5 - PATHIAN LEKHABU THIANGTHO (BSI)

⁵ Aigupta gam ah kile’kit intiu in, ka kiangah a hung kile’kit nop lo ziak un, Assuria chu a lengpau hung hi’n a.

HOSEA 11:5 ပူးပေါင်းရင်းမြစ်များ

HOSEA 7:16

A phachuam lo lam ngen in a kihei un, thalpi mat tâk lo gual a hiu hi; a pau hoithawnau ziakin a milianteu chu, chemjam in pûk in au. Aigupta gam ah a phunchiak ziak un, zia cheng chu a chung un ka bawl ahi.

HOSEA 8:13

Amau in doichuam thillatte pemaleu, sate chu ne maleu, Lalpa‘n ziate chu a pom puai. Tu’hin, a khawlonateu chu hezing intin, a gitlo’nau chu gawt in a; amau chu Aigupta lam in kile’kit in au.

HOSEA 10:6

A milim ho uh chu Assuria gam lam ah, leng lopi tak golgûkna ding ah puak tung hi’n a. Ephraim chu mualpho tak ah koi hi’ntin, Israel in a milimte chu mualphopi ta’n a.

HOSEA 9:3

Lalpa gam ah hin umden pua’n au; Ephraim vang Aigupta lam ah kile’kit intin; Assuria gam ah chun an thianglo ne ta’n au.

AMOS 5:27

ziaziakchun, Damaska khêl lam pek ah, sal ah hun pui mang ding ka hi, Lalpa‘n a tii; a min chu sepai honte Pathian chu ahi.

AMOS 4:6

La khawpiteu ah hani bek kham dingle umlo khop ah, la umnau zosiau ah an tâksapna ka hun pia’n; zia sapi ah chunle ka kiang lam in, la hung kile’kit diak puau hi, Lalpa‘n a tii.

HOSEA 9:6

Siatna pumpel in suakcha maleu, Aiguptate’n chom khawm intiu in; Memphis in amau vui in au. A dangka golûlteu chu zakthâite’n lua intin; a puanbûkteu ah chun lingte um in a.

HOSEA 6:1

“Hung un, Lalpa kiang lam ah kile’kit hitiu; ei puaitel chu ama ahiziak in, ama’n ei hi’dam ding ahi, ei vaw liam maleh ei tuam piak ding ahi.

HOSEA 5:13

Ephraim in a natna a mu ah, Judah in a liamna a mu phât in, Assuria lam in Ephraim a chia ta’n, leng lopi tak kiang ah chun a sawl tai. Himaleh, ama’n nang hun sudam thei pua’n tin, la liamnale sukdam piak thei pua’n a.

2 LENGTE 15:29

Israel ah Lengpa Pekah vaihawm sung ah chun Assuria ah lengpa Tiglath-pilesar chu a hung kuanah, Aijon tawh, Abelbeth-maakah leh Janoah tawh, Kedesh leh, Hazor tawh, Gilead leh, Galili tawh, Naphtali gam zosiate chu a hun la ta’n, tichun amau haw chu Assuria lam ah sal in a pui tai.

2 LENGTE 15:19

Ziaphatchun, Menahem khutah a gam uh chu, sukdet a hi’theina ding a ngaitua ziakin Pul kiangah chun dangka talent sang khat a la pia’n.

DAN LEKHABU 17:16

Ahi’n la, lal chun sakol tampi a neilo ding ahi; chuleh, sakol a hau theina ding ah a mite chu Aigupta gam ah a sawl kit dingle ahi puai; Lalpa‘n ka kiang un, “Zia lam ah chun la chia kit tâk lo ding uh ahi,” a ti ta’ngâl a.

AMOS 4:11

Pathian in Sodom leh Gomorrah khuate a la suksiat gual khan, nang uh khenkhat ka hun susia ta’n; mei ah kipat kikaidok tawh bang la hitau in; Chutisapi’nle ka kiang in la hung kile’kit puau hi, Lalpa‘n a tii.