HOSEA 11:3 - PATHIAN LEKHABU THIANGTHO (BSI)

³ Ephraim lamzawt dan hil chu la keima ka hi’ngal a; ka khut in amau ka kaibât ah; amau in la ka sukdam ahi lam uh a hepuau hi.

HOSEA 11:3 ပူးပေါင်းရင်းမြစ်များ

SAM 107:20

a thu a sawldok ah, chun, a hi’dam ah; a manthaina ding ua kipat in a hukdok sek hi.

PAWTDAWNA THU 15:26

A kiang un, “Lalpa la Pathian aw chu chingthei tak ah la ngai ua, a mit mu ah thil dik chu la bawl ua, a thupiakte la ngaisak ua, a dante la zop ua ahileh, Aigupta mite chung ah a tunsak hiveite haw hi khat chale la chung un hun tunsak lo ding ka hi: keima hi Lalpa, nanghaw hi’dampa chu ka hi’ngal in,” a tia.

PAWTDAWNA THU 19:4

Aigupta mite chung ah ka thilbawl dan leh mupi thâ ah ka hun puakdaw dan leh, ka kiang ah um ding ah ka hun pui dante hi la mu tau in;

PAWTDAWNA THU 23:25

Lalpa la Pathian uh na la sep ding uh ahi: tichun, la an uh leh la tui uh hun maljawl ding ka hi; chuleh, la lak ua kipat natna lamang ding ka hi.

ISAI 1:2

Aw vante, hiau inla, aw lei chung, ngai in; Lalpa‘n thu a gen ta ngâl a: Chate ka hing ah, ka dontei ta’n, ahi’n, ei do in a hung pang tau hi.

ISAI 30:26

Zia bep chule hilo in, Lalpa‘n a mite liamna a tuam piak ah, a thalchang in a sukliamnate a sukdam piak phat leh, thapi vak dan chu nisa gual hung hi’ntin, nisa vakna chule a le’sagi, ni sagi a vakna kigawm gual in hung vâk ta’n a.

ISAI 46:3

Ka gil ah ga, keima gilpi ah piang, nanghaw Israel Inkuan lak ah a thibang sunte haw, aw Jakob Inkuan ah mite haw, ka thugen hi a la ngai unla,

ISAI 63:9

Sukgenthei ah a la umnau zosia a la thokpi a, a umpi zing a vansawlchâk chun a hukdok tai; a hepina leh lainat bêk ziak ah hukdok in a domsang ah; tichun, nidang lai pek ah kipat khan, a la kaibât zing hi.

JEREMIAH 30:17

Amau in nang chu pâm pai ah um ahi tai, ti’n tiu in: “E he Zion hi! Kuama’n a ngaisak ta puau hi!” a hun ti ziak un, la hisêlna hun pia kit ing ka tin, la beliamte chu sudam kit ding ka hi ta’ngâl a, Lalpa‘n a tii.

JEREMIAH 8:22

Gilead ah damdawi um talo a hem? Zia chun damdawi thiam umlo maw? Bang ding ah ka mipi gentheite chu, sukdam kit hilo a hiu em?

HOSEA 14:4

A thutak lonau ah kipat in sudam ing ka tin, a thawn in amau hepi ta’ng ka; amau chung ah ka lungnatna a bei ta ngal a.

HOSEA 2:8

Bu te, uain te, sathau te, chuleh, Baal â ding ah a mat uh, dangka leh sana sukpun piak chu, keima ka hi ti amanu’n a hepuai.

HOSEA 7:1

Israel sukdam ka guat leh, Ephraim thulimlo’na tawh, Samaria nunsiatna a hung kilang hi; zuauthei tak in a bawl un, gucha’n a phevang in, pawlam ah suammang hawn a suam kit ui.

HOSEA 7:15

A khutbân uh suhat ah, a zil thiamsak chu keima ka hi; ahi’n, ka siatna ding a gûk in a ngaituau hi.

NASEPTE 13:18

Gamthip ah kum sawmli sung a vâkvâi lai ua khanle, a la en zui zing a.

DAN LEKHABU 1:31

chuleh, gamthip ah khan Lalpa la Pathian un a hun pui huai dante leh, la chiana taphot ua zia mun la hung tun tiang ua, min a chate a kaibât gual ua, a hun kaibât dante hi la mu ta ngal un.

DAN LEKHABU 33:27

Ama’n tuanah tângah pathiante a nuaisia ah, malai ah thuneite chu a tawden ah; la mêlmate la âng un a del mang a, a kiang un, “Hi’mangthai un,” a tii.

DAN LEKHABU 8:2

A thupiakte zawm ding la hiu em zawm lo ding ti leh, la lungthim uh hetna ding ah patepna la tuak uh leh, la kingaitawm theina ding ua, gamthip ah kum sawmli hial a hun pui dan zosia kha hezing tau in.