HOSEA 11:2 - PATHIAN LEKHABU THIANGTHO (BSI)

² Ka hâ ko po leh ei gamlat diak un; Baalte kiang in a kithawi zing un; milimte kiang in gimtui a lân zing nalai ui.

HOSEA 11:2 ပူးပေါင်းရင်းမြစ်များ

1 LENGTE 12:33

Ama ma chun a guat kawm, tha giatna ni sawm leh nga ni chun Bethel ah a mâichâm siam ah chun a vachia to ah; Israel mite â dingin kût pakhat a guat piak ah; tichun, mâichâm ah chun gimtui lân dingin a chia to tai.

1 LENGTE 18:19

Ziaziakchun, tu’hin Karmel tâng ah Israelte zosia tawh, Baal thiampu za li leh sawmngate kha tawh, Jezebel dawkan ah an ne sek Asherah jawlnei za li te kha ei hun ko khawm piak in,” a tia.

NEHEMIAH 9:30

Kum tam tak a chung un la dawthei ah, la jawlneite mang in la thagau chun la vauhil zing ah; himaleh, a ngaitha nuam diak puau hi. Ziaziakchun, a gam ah mite khut in la la pedok ta ahi.

ISAI 65:7

amau khawlona tawh a pu leh pateu khawlo’na chu, a leng in thuk khawm ding ka hi, Lalpa‘n a tii. Mualvum tincheng ah kithawi in, tâng tin ah ei demsiau ah; a la bawlsau zosia tawh kiphu tawk in, a pheichung un têdaw piak ing ka,” ti in.

JEREMIAH 18:15

Himaleh, ka mipite chun ei hemil zo tau a, kithepna’n gimtuite a lân un, lamgului, a nunchan lui un a kipal pâi tau a, lam tuangpi zui lo in, lam diklo a haw tau hi.

JEREMIAH 35:13

Sepai honte Lalpa‘n zia gual hin a gen hi, ti’n la: Judai gam ah mipite leh Jerusalem ah chêngte kiang in chiau inla, a kiang un: Lalpa‘n, bangma zil thei lo leh ka thute hi mang thei him him lo la hiu em? vatiu in.

JEREMIAH 44:5

Himaleh, a pathian dangteu kiang ah kithoina lân talo ding leh, a nunsiatnau haisan ding ah ka dotna ei ngaisak lo ah, a bil unle a ngai nuam puau a.

HOSEA 11:7

Ka mite chun ei nutsia gua’n a kiheimang tau hi. Chungnung Penpa chu ko maleu, ama’n a phong ding diak puai.

HOSEA 2:13

Baalte â ding kût nite ziakin amanu gawt ing ka, zia hun ah chun ama khutsebi leh, suang mantamte’n a kichei in, a dawichâkte a vazui ah, keima ei hemil tai, Lalpa‘n a tii.

HOSEA 4:13

Tângvûmte ah chun kithoina a lân un, gangpi thing, hiangpi thing leh thingbul lîm chu a nop ziakin. Mualte chung ah chun kithoina thilpiak a lân ui. Ziaziakchun, la chanuteu in nawchi a zuak un, la moteu inle jawl a sâi zo tau hi.

HOSEA 4:17

Ephraim chu milim tawh a kizop un, a um um in, um mai tau hen.

ZEKARIAH 1:4

Jawlnei masate’n, “Sepai honte Lalpa chun, ‘La umdan phalo leh, la thil phalo bawlteu chu hun kiheisan un, a tiu a; la pu la pateu in a limsak lo uh leh bangma a la ngaisak lo gual uh khan um kiu in, Lalpa‘n a tii.

ZEKARIAH 7:11

Himaleh, a ngaisak nuam puau ah, a kiu uh a sang pawm ua, a hetlo’na ding un a bil uh a hûm tau a.

LUKA 13:34

Aw Jerusalem, Jerusalem, jawlneite that ah, la kiang ua hun kisawlte suang ah sep sekte haw! Akpin a note a tha nuai ah a awp khum gual in, la chate tamvei tak awp khum ka nuam in; himaleh, la nuam puai!

JOHAN 3:19

Zia hi thiamlo channa chu ahi, vâk chu khawvel in a hung a; himaleh, mite’n vâk sâng in thim a dawi zawu hi, a thil hi’teu a phatlo ziakin.

NASEPTE 7:51

Nanghaw mi lochal, lungthim leh nakhang zektanlote haw, bangtik lai inle Thagau Thiangtho la dodâl zing un, la pu leh pateu bawl gual in la bawl zing ui.

VAIHAWMTE 10:6

Israelte chun Lalpa doi lo gual tak in thil a bawlkhial kit tau a. Aram mite pathian Baal leh Astartes, chuleh Sidonte pathiante, Moabte pathiante, Ammonte pathiante leh Philistinte pathian haw chu a hosan tau a.

VAIHAWMTE 2:13

Lalpa chu jamsan in, Baal leh Astartes chu a ho zaw tau a.

VAIHAWMTE 3:7

Israelte chun Lalpa mit mu ah thil phalo a bawl tau ah, Lalpa a Pathian uh hemil in, Baalte leh Asherahte chu a ho san tau a.