HOSEA 10:8 - PATHIAN LEKHABU THIANGTHO (BSI)

⁸ Israelte gitlona, Aven, munsângte chu suksiat hita’n a. A mâichâm umna mun in ling leh lênling kek in a. Tângte kiang ah chun, “Ei khu un,” mualte kiang ah chun, “Ei delkhum un,” ti ta’n au.

HOSEA 10:8 ပူးပေါင်းရင်းမြစ်များ

THILSIAM THU 3:8

Chun, nitâk lam ni nêm ah, Lalpa Pathian huan ah a hung lên thawmgi chu a he tau ah. Pawsal leh a ji chun huan ah thing lak ah chun Lalpa Pathian chu a la kisêlgûk san tau a.

1 LENGTE 13:2

Lalpa thu ah mâichâm dem in a kiko ah, “Aw mâichâm! mâichâm! Lalpa‘n zia gual hin a gen hi: ‘David Inkuan ah chapa pakhat, a min Josiah kiti hung piang intin; ama chun la chung ah gimtui lân thiampute hi nangma chung ah hun lân ding ahi; tichun, la chung ah mihing gute hung kihâl ding ahi,’ ti’n,” a gen a.

1 LENGTE 13:34

Zia chu Jeroboam Inkuan gitlona bulpi a hung hi tai; lei chung ah kipat paithâk leh sukmangthai a hung hi’na ding chu a hung hi tai.

1 LENGTE 14:16

Israelte gitlo sak in gitlona a bawl ui; Jeroboam gitlonate ziakin Israelte chu thipsan ta ding ahi a tii, a tia.

2 LENGTE 23:15

Zia ban ah chun Bethel ah um mâichâm leh thoimual, Nebat chapa Jeroboam, Israelte gitlo sakpa khan a siam, mâichâm leh thoimualte chu a sukchip piak sik sek a; thoimual chu mei in a hâl ah, vut a suaksak ah; chuleh, a milim dawikhuamte chule a hâl tum piak tai.

2 KHANGTHU 31:1

Zia zosia chu a hun bawl zaw phat un, zia kikhopna pang Israelte zosia chu Judai gam ah khawpite ah chun a chiauah, pathian lim ah kisiam suang khuamte leh dawikhuamte chu a khênchim tau ah; chuleh, Judai gam, Benjamin gam, Ephraim gam leh Manasseh gam sung ah thoimualte zosia a susia suak tau a. Zia gual ah chun Israel mipite chu a khawpiu chiat leh a In mun lam chiat un a chia kit tau hi.

ISAI 2:19

Lei chung hilau ding ah a hung kuan phat leh, Lalpa lalna a lopi ding ziak leh, a lau um ma ma ding ziakin, suangpi kawlhawm leh, lei kawhawmte ah chun tâi lut un.

ISAI 2:21

lei chung hi’lau ding ah a hung phat leh, Lalpa lau umna leh a lalna lopi tak ziakin, suangpi kêk kâl leh kawlpûk kâl ah chun kisêl mang ta’n au.

ISAI 32:13

ka mite chênna mun hampa leh, ham lingnei in a chup zaw tâk ziak leh, ahi, khawpi lim tak leh, a sung ah limna Inte a se zo ta’ngal a.

ISAI 34:13

A lal In uh lingbuk in jam khum ta’n tin, a kulpiteu chu zakthâi leh linggui in jam dim ta’n a. Ngei hon chên muanna mun leh, vagawlsaute chênna mun hung suak ta’n a.

HOSEA 10:2

A lungthim a dik pua’n; a gitlo man mu ngei in a. Lalpa‘n a mâichâmteu hi’chim intin, a kithoina suangphute chule hi’sia’n a.

HOSEA 10:5

Beth-aven ah bawngnote ziakin, Samaria ah chêngte chu lau in a kithing tau hi. A mipite chun sûn intiu in; a lopinau amau ah kipat lakdaw ah a um ziakin, a milim ho’na thiampute chun amau chu kâ in’au.

HOSEA 10:9

Aw Israel, Gibeah hun ah kipat khan la gilo tau in; zia kipat khan la gilo den tau hi. Gibeah ah chun kidona’n amau hun huam lo ding a hem?

HOSEA 2:6

Ziaziakchun, a lampi chu ling in dâl ing ka tin, ama dâl in bâng khat siam ing ka tin; a lampite muthei pua’n a.

HOSEA 4:13

Tângvûmte ah chun kithoina a lân un, gangpi thing, hiangpi thing leh thingbul lîm chu a nop ziakin. Mualte chung ah chun kithoina thilpiak a lân ui. Ziaziakchun, la chanuteu in nawchi a zuak un, la moteu inle jawl a sâi zo tau hi.

HOSEA 4:15

Aw Israel, nawchi zuak tama lechin, Judah vang thiamlo chang ki’hen. Gilgal ah lut kin la, Beth-aven ah le chia to kin, “Lalpa a hin nâk leh,” ti’n kihaksial diak kin.

HOSEA 5:8

Gibeah ah belam kî mût unla, Ramah ah pengkul mût un. Beth-aven ah kigalginna mût unla; Benjamin, la nung lam en in!

HOSEA 8:5

Aw Samaria, la bawngno lim chu pai thâk ahi tai. A chung un ka lung a na ma ma hi. Thil phalo bawl zing in bang chan um nalai ding la hiu em?

HOSEA 9:6

Siatna pumpel in suakcha maleu, Aiguptate’n chom khawm intiu in; Memphis in amau vui in au. A dangka golûlteu chu zakthâite’n lua intin; a puanbûkteu ah chun lingte um in a.

AMOS 1:5

Damaska kotpi thikte chu hi’bong ing ka tin, Aven phâizawl lua mite leh, Beth-lehem ah kipat in, laltiang chawipa chu sâttha ding ka hi; tichun, Aram mite chu Kir gam ah sal ah lût in’au, Lalpa‘n a tii.

AMOS 3:14

A bawsiatnateu ziak ah Israel ka gawt phat leh, Bethel mâichâmte gawt khawm ing ka tin; chun, mâichâm kîte sâtbot in um in, tual ah kia’n au.

AMOS 7:9

Isak thoimualte chu nutsia hung hi’n tin, Israelte mun thiangthote chu suksiat hung hi’n tin, Jeroboam Inkuan lang dingin, chemjam tawh hung kuan ing ka,” a ti’n.

AMOS 8:14

Samaria ah Ashimah sal ah kihaksial ah, ‘Aw Dan, la Pathian a hin gual in,’ ti leh, ‘Beer-sheba khua zotna lampi a hin gual in,’ tite chu kipûk in au; bangtik inle thokit ta pua’n au,” a tii.

MIKAH 1:13

Lakish khua chêngte haw, la kângtalaiteu chu sakol tawh bul unla; zia chun Zion chanu gitlo’na kipatna leh, nangma ah Israelte sukkhialna mu’dok in a um ta’ngal a.

MIKAH 1:5

Zia zosia hi Jakob bawsiatna ziak leh, Israel Inkuante gitlona ziak ah hung tung ahi. Jakob sukkhialna chu bang a hem? Samaria ma ma hilo a hem? Judah dawimualte chu khoi tak a hem? Jerusalem khua hilo a hem?

NAHUM 3:11

Nangma (Nineveh) le kham in la tin, kisêlmangna ding hawl inla; mêlmate ah kipat kisêlna ding hawl inla.

LUKA 23:30

zia ni tak chuleh, mual kiang in, ‘Ei deldên in,’ ti’n tiu in; tâng kiang ah chun, ‘Ei khu’khum in,’ ti’n au.

DAN LEKHABU 9:21

La gitlonau ziak ah la bawngno lim siam uh chu la’n, mei in ka hal ah, ka gawtbuang ah, leivui gual ah nêl in ka gawtnêl ah; zia kigawtbuang chu tâng ah hung luang suk lui ah chun ka pai lut tai.

THUPUAN 6:16

Mual leh tâng leh suangpite kiang ah chun, “Lalchutpha kichupa mit mu leh Belamno lungnatna kipat chun ei sêl unla, ei deldên ta un:

THUPUAN 9:6

Zia sung ah chun mite’n thina hawl intin uh, himaleh mu pua’n au; thi nuam maleu thina chun nusia ta’n a.