HOSEA 10:4 - PATHIAN LEKHABU THIANGTHO (BSI)

⁴ Thu mai mai a gen un, zuau ah kitiam in thuthungte a siam un; loulai ah jawtlam kuak sung ah, sachik gûnei gual in kihêkna a hung pawtdok hi.

HOSEA 10:4 ပူးပေါင်းရင်းမြစ်များ

ISAI 5:7

Sepai honte Lalpa grep huan chu, Israel Inkuante a hiu a; doichuam tak ah a phute chu, Judah mite chu a hiu; a lak un vaihawmna dik kineppi ma leng, thisan sua’na ngen a um in; dikna kineppi maleng, thavai kiko thawm het ahi tai!

HOSEA 4:2

Kihaksialna, zuautheina, tualtha’na, gukchakna leh ângkawmna a pung a; thisan sua’na chu thisan sua’na’n a zui hi.

HOSEA 6:7

Himaleh, Adam ah chun thuthung a la bawtsia tau a; zia chun ginum lo tak in ka chung in a bawl tau hi.

AMOS 5:7

Katei, vaihawmna dik gamsai suaksak a, diktatna lei tual ah paithate haw!

AMOS 6:12

Suangpi chung in sakol a tai ngai em? Bawngchal in lou a kai gual in kua’n tuisuagiat chung a kai ngai em? Himaleh, nang un vang vaihawmna dik chu gû la suaksak un, diktatna ga chu gamsai la suaksak sek ui.

NASEPTE 8:23

Ênna’n la dim ah, gitlona kol ah tâng la hi ti ka he ngal a,” a tia.

ROMTE 1:31

ngolnate, ginumlote, lungthim beite leh mihuhamte a hi tau hi;

DAN LEKHABU 29:18

La lak un pawsal khat, numei khat, Inkuan khat a hem leh phung khat a hem, zia namte pathian ho ding leh a nau sêm ding ah a lungthim ua Lalpa la Pathian uh kiheimangsan kha pal la lak un hung um kha tawl in, thil gu nei leh a ga kha seldawna bulte hung um kha’n a.

DAN LEKHABU 31:16

Lalpa‘n Mosi kiang in: “La pu leh pate kiang ah chawldam pai ta ding la hi. Zia mipite hin, zia gam pathiante lak ah chun ei hun ângkawmsan pai in, ei kiheisan intiu in; a kiang ua ka thutepna thuthung chu bawtsia’n au.

DAN LEKHABU 31:17

Ziaphat chuleh, a chung ua ka lungnatna kuangjak intin, amau chu kilepsan ing ka tin, ka mai sêlgu ta’ng ka; thil phalo leh tizat um tak in hun chup ta’n ah. Zia ni phat chuleh, ‘I Pathian un ei umpi lo ziak ah zia gual buainate hi tuak hi talo I hiu em leh?’ ti’n tiu in.

2 TIMOTHI 3:3

hepina pianpi neilote, kihochampi theilote, migensiat hatte, kisûm theilote, mi huhamte, phatna doilote,

HEBRAITE 12:15

Pathian doisakna chang zo lo ah kuama la hung um lona ding un chingthei tak in um un; la lak ua buaina hun tun thei ding leh, mi tam tak hun subuak thei ding kituak lona zung la lak un ke’dawsak kiu in.