HOSEA 10:2 - PATHIAN LEKHABU THIANGTHO (BSI)

² A lungthim a dik pua’n; a gitlo man mu ngei in a. Lalpa‘n a mâichâmteu hi’chim intin, a kithoina suangphute chule hi’sia’n a.

HOSEA 10:2 ပူးပေါင်းရင်းမြစ်များ

1 LENGTE 18:21

Ziaphatchun, Elijah in mipi zosia chu a hun nai ah, “Lung vânglak tak ah bang chan chawm lumlet ding la hiu em? Lalpa chu Pathian ahileh, ama zui unla; Baal chu ahi zawk leh le zui tau in,” a tia. Mipite chun kam khat inle a dawnhu puau hi.

PAWTDAWNA THU 23:24

a pathianteu âng ua la bawkhup lo diu, a nau le la sep lo ding uh, a bawldan uh le la zui lo diu ahi: amau chu la tawden ua, a biak uh dawikhuamte chule la khetbuang dim dem ding uh ahi.

THUPILTE 11:18

Mi nunsia’n lawkna dik mu pua’n tin, ahi’n, dikna chî tute chun kipakman dik tak chu mu’n au.

ISAI 44:18

Amau chun bangma a hepuau ah, hettheina le a nei puau hi; khua a mu theilona ding un a mit uh a sîng un; a het theilona ding un a lungthim uh chule hithim piak a hiu.

JEREMIAH 43:13

Aigupta gam Heliopolis khua, suang pathian limte chu khenbong intin, Aigupta milim pathian tempul haw chu hâl tum ta’n a, ti in a hun gen tai.

EZEKIEL 14:5

a milimteu ziak ah ei la jamsan ta, Israel Inkuante lungchang chu ka tûktân theina dingin, zia tawhbang milim tam tak nei pum ah hungte chu Keima, Lalpa hin dawnhu ing ka.

HOSEA 12:11

Gilead ah thudiklo’na a um ah, bangmalo mai hung suak têi ding a hiu. Gilead ah chun bawngchalte’n a kithawi un, tichun, a mâichâmteu chu jawtlam chung ah, suang kisia khawm gual in hung um in a.

HOSEA 13:16

Samaria chun a gitlona maw kipuak intin, a Pathian chung in a hel ta’ngal a; chemjam ah satlup hi’ntin, a chasenteu chu jeptel in um intiu in, numei nauvop laite chu phildok hi’n au.

HOSEA 3:4

Israelte chu hun sawt tak leng leh lal chapa neilo in, kithoina leh dawikhuam bei ah, thiampu awmphaw leh milim pathian le nei lo ah hung um ding a hiziak un.

HOSEA 7:8

Ephraim chu namdangte tawh a kichok-hel zo ta’n; Ephraim chu vaithum kilumlet lo tawhbang ahi.

THIAMPUTE LEKHABU 26:30

La thoimualteu khênchim ing ka tin, la gimtui mâichâmte uh le hi’chim ding ka hi; la luangteu chule la milimteu chung in siavum ding ka hi; ziaphat chuleh, hun ki’dak ta’ng ka.

MIKAH 5:13

nangma ah kipat in la milim bawl kawmte leh, la dawi khuamte sumang ing ka tin, la khut ah la siamte ho dingin, a ma-âng un kûn kit ta pua’n la;

ZEPHANIAH 1:5

Inchung ah kipat aksi honte ho ah; Lalpa ho ah kitiam ah, Milkom pathian ah le kitiam ah,

ZEKARIAH 13:2

Zia ni chun, gam sung ah kipat thagau buakte leh Jawlneite paidok sik sek ing ka tin, amau hetzuina um ta pua’n a; chuleh, gam sung ah kipat in jawlneite leh thagau buakte paidok sik sek ta’ng ka, sepai honte Lalpa‘n a ti ahi.

MATTHAI 6:24

Kuama’n hotu pani na a sêmkop thei puai; pakhat muda in pakhat ngaina’n, pakhat â di’n gunchu intin, pakhat simmaw in a. Pathian leh sum na sêmkop thei pua’n lau.

LUKA 16:13

Suak kuama’n hotu pani na a sêmkop thei puai; pakhat muda in pakhat hepi intin; pakhat kiang ah kitulût intin, pakhat chu dangdâk in a. Pathian leh sum na sêmkhawm thei pua’n lau, a tia.

JAKOB 1:8

ama chu lungthim thua nei, a thil hi zosia ah det lo ahi ngal a.

JAKOB 4:4

Ângkawmte haw! Khawvel tawh kijawlna chu Pathian mêlma hi’na ahi ti la hepuau em? Ziaziakchun, kuale khawvel tawh kijawl nuam chu Pathian mêlma a hisek hi.

1 JOHAN 2:15

Khawvel leh a sung ah thil umte haw hile thangai diak kiu in. Kua’n le khawvel a thangai chun, Pa hepina chu ama ah chun a um puai.

1 SAMUEL 5:4

Ahi’n, a jingkal kit ah vaima tak ah a thaw kit phat un, Dagon chu Lalpa thuthung thingkuang ângah chun a khup lam in a la pûk kitah; chuleh, Dagon luchang leh a khutbânte ni kitanthasa, Inhulliap ah a la um leh Dagon pum bep a la um chu a mudok tau a.