HOSEA 1:7 - PATHIAN LEKHABU THIANGTHO (BSI)

⁷ Judah Inkuante chung ah vang lainatna nei ing ka tin, thalpi a hem, chemjam a hem, kidona a hem, sakol leh sakol chungchuang mi a hem in amau hukdam lo in, Lalpa a Pathian uh chun hukdam ing ka,” a ti’n.

HOSEA 1:7 ပူးပေါင်းရင်းမြစ်များ

2 LENGTE 19:29

Chuleh, zia hi nang â dingin tepte’na hi’n a: Tu’kum chu bu a likek ga ne’n la tiu in, a kum ni’na leh a sel kit ga hun ne’n la tiu in: a kum thumna leh chu bu chi chu tu’ ta’n la tiu in, ât in la tiu in, grepte chu hun phu in la tiu in, a ga ne ta’n lau.

2 LENGTE 19:34

Keima ziakin zia khawpi hi, keima ngei in humbit ing ka tin; ka suak David jal ah chun humbit ding ka hi, a tii,” ti’n a gen a.

2 LENGTE 19:35

Zia jan ma ma’ chun, Lalpa vansawlchâk a hung ah, Assuria mite kikulna mun ah sepaite nuai khat leh sîng giat leh sang nga a that ah; jingkal khawvak phatin, a thisa ngen a la hitau hi.

2 LENGTE 6:18

Aram mite chu ama man ding ah a hung kuan suk phat un, Elisha chu Lalpa kiang in a pauchap ah, “Lungsiat tak in zia mite hi a mit uh thûmsak in,” a tia. Tichun Elisha dotna gual in amau chun khua a muthei ta puau hi.

SAM 33:16

Lal hi a sepai hon tam ziak bep ah hukdaw a hipua’n; mi hat hile a thahât ziak bep ah hukdaw ahi diak puau hi.

SAM 44:7

Ei do-te lak ah kipat nang in lei hukhing zaw’n, ei mudate chu la sulungjing tai.

PAWTDAWNA THU 14:13

Himaleh, Mosi’n mipite kiang ah chun, “Lau lo in ding det un, tu’ni a hun etsak ding Lalpa hukhinna chu en mai un; tu’ni la muu Aigupta mite hi bangmatik in mu kit talo ding la hi’ngal un;

PAWTDAWNA THU 14:30

Zia ni chun Lalpa chun Israelte Aiguptate a kipat in a hukdok ah; Israelte chun Tuipi pang ah Aiguptate thi haw chu a muu a.

ISAI 12:2

Ngaitia, Pathian chu ka hukdamna ahi; ama ah kinga’ng ka tin, lau pua’ng ka; Lalpa Pathian chu ka hâtna leh ka La ahi’n, ka hukdamna a hung hi tai.

ISAI 30:18

Ziaziakchun, Lalpa‘n lainat tak in nanghaw a hun ngak zing a, ziaziakchun, a zainemna hun etsak dingin, ama a kichawisâng hi. Lalpa chu dik tak ah vaihawm Pathian ahi ngal a; ama ngâk zosia chu mi hampha a hiu!

ISAI 49:6

Israelte lak ah a suakcha sunte tundin kit ah, Jakob namte photdin kitna ding ah, ka suak ah la pan hi thil bailam ahi puai; kawlkil tiang ah mite kiang chan ah, ka hukdamna a tun theina dingin, namtin salvâk dingin hun siam ding ka hi.

ISAI 7:14

Ziaziakchun, Lalpa ma ma chun tepte’na hun pia ding ahi. Ngai un, nungak thiangtho chun nau hun vop intin, chapa hun hing intin, a min in Immanuel ti sak hiding ahi.

JEREMIAH 25:5

Amau in la kiang un, “Tu’hin la leng un la umchan phalo uh nusia in, la thil phalo bawl uh haisan un; chutileh, nanghaw leh la pu leh pateu kiang ah la kumkhua go ding ua, masang lai ah kipat a hun piakna gam ah hin um zing thei in lau;

JEREMIAH 25:6

pathian dangte nasep piak ding leh, ho ding leh la khut nasep ua ka lung a natna dingin chia mang kiu in. Chuti gual ah la um uh chun, hun gawt lo ding ka hi,” a ti sek un.

JEREMIAH 33:26

Jakob leh ka suak David suan leh pâkte chu pâmpai in, a lak ua khat chale Abraham, Isak leh Jakob suante chung ah vaihawm ding in a la koi lo ma ding hivêng aw. Ahi’n la, amau vangphatna pia tungding kit in, lainat ding ka hi’ngâl a, ti in.

HOSEA 1:8

Amanu’n Lo-ruhamah nawichep a haisak phatin nau a vop kit ah, chun, chapa khat a hun hing ta’n.

HOSEA 11:12

Ephraim in zuau thu’n ei ûm kîmvêl un, Israel Inkuan in dawha’n ei ûm ui; himaleh, Judah vang Pathian tawh a kiton in, Thiangtho Pa â dingin a ginum nalai hi.

ZEKARIAH 4:6

“Zia hi Zerubbabel kiang ah Lalpa thu hun gen chu ahi: Thagum hatna ziak hilo, thilhitheina ziak le hi diak lo in, ka thagau ziak bep in ahi, ti’n sepai honte Lalpa chun a ti’n.

1 SAMUEL 17:47

chuleh, zia tak ah um khawm zosia hin, Lalpa‘n chemjam leh cheipi in mi a hukdok puai, ti he ta’n au; chuleh, kidona chu Lalpa â a hiziak in, ka khut un nang chu ei pia ding ahi,” a ti tai.