HOSEA 1:1 - PATHIAN LEKHABU THIANGTHO (BSI)

¹ Judai gam ah lengte, Uzziah, Jotham, Ahaz chuleh Hezekiah leng a hilai in leh, Israel lenggam ah Lengpa Joash chapa, Jeroboam Leng a hilai ah, Beeri chapa, jawlnei Hoshea kiang ah Lalpa’n thu a hun gen chu.

HOSEA 1:1 ပူးပေါင်းရင်းမြစ်များ

2 LENGTE 13:13

Tichun, Joash chu a pu leh pate kiang in a ipmu ta’n; a lalchutpha chu Jeroboam in a lua tai; Joash chu Samaria ah Israel lengte thân in a vui tau hi.

2 LENGTE 14:16

Jehoash chu a pu leh pate kiang in a ipmu ta’n, Samaria ah Israel lengte thân in a vui tau hi; chun, a chapa Jeroboam chu a thasâng in a hung pang tai.

2 LENGTE 14:23

Ziazaw chun, Israel ah Joash chapa, Leng Jeroboam in Samaria ah vai a hun hawm panah; kum sawmli leh pakhat vai a hawm hi.

2 LENGTE 15:32

Israel ah Lengpa Remaliah chapa Pekah vaihawm hun kum ni a ti’n kum ah chun, Judai gam in Lengpa Uzziah chapa Jotham vaihawm in a hung pang hi.

2 LENGTE 15:5

Zia hun lai ah chun, Lalpa‘n lengpa chu a hun gawt ah, a thi tiang in a phâk zing ah, a chuam in a umsak ui. Ziaphatchun, lengpa chapa Jotham chu a gam pumpi leh a Inkuante zosia chung ah vaihawm in a pang tai.

2 LENGTE 15:7

Tichun Azariah chu a pu leh pate kiangah chun a ipmu ta’n, David khawpi ah a pu leh pate thân in a vui tau ah, chun, a chapa Jotham chun ama thasâng in vaihawm in a hung pang tai.

2 KHANGTHU 27:1

Jotham chu kum sawmni leh nga a tin in vaihawm in a pang pan a; Jerusalem khua chun kum sawm leh guk sung vai a hawm hi. A nu chu Zadok chanu Jerushah ahi.

2 KHANGTHU 28:1

Ahaz chu kum sawmni a ti’n in vai a hawm pan ah; Jerusalem ah chun kum sawm leh guk vai a hawm hi. A pu David gual in Lalpa mit mu ah thilpha a bawl pua’n;

2 KHANGTHU 29:33

Kithoina ding ah hung kipekhawm zosia chu: Bawngchal za guk tawh belam sang thum ahi.

ISAI 1:1

Amoz chapa Isai in Judai gam ah lengte: Uzziah, Jotham, Ahaz leh Hezekiah a lal lai un, Judah leh Jerusalem chung thu ah kilâkna a la mu lawk a.

ISAI 7:1

Judai gam ah Lengpa Uzziah chapa, Jotham chapa Ahaz a lal lai in, Suria Lengpa Rezin tawh, Israel Lengpa Remaliah chapa Pekah chu Jerusalem do dingin a kuan tau ah; himaleh, a va zo puau a.

JEREMIAH 1:2

Benjamin gam ah Anathoth khua thiampute lak ah Hilkiah chapa Jeremiah kiang in, Lalpa‘n thu a hun gen a.

JEREMIAH 1:4

Tu’hin, Lalpa‘n ka kiang ah zia gual hin thu a hun gen a:

EZEKIEL 1:3

Kaldaite gam ah Khebar lui pang ah um, Buzi chapa thiampu Ezekiel kiang in Lalpa‘n thu a hun gen a; zia tak ah chun Lalpa khut a chung in a um ta’n.

JOEL 1:1

Lalpa thu, Pethuel chapa Joel kiang ah hung kigendok chu:

AMOS 1:1

Judai gam ah lengpa Uzziah leh Israel gam ah lengpa Joash chapa, Jeroboam vaihawm hun lai in, lînlîng masang kum ni ah, Tekoa mun ah belam ching mi lak ah mi, Amos in Israelte chung thu a mu chu:

JONAH 1:1

Amittai chapa Jonah kiang in Lalpa‘n thu a hun gen a:

MIKAH 1:1

Judah gam ah lal Jotham, Ahaz leh Hezekiah hun lai ah, Lalpa thu Moreseth khua um Mikah in Samaria leh Jerusalem chungchâng ah thil hung tung ding a la mu lawk chu:

ZEKARIAH 1:1

Darius lal kum ni’na, a tha giatna’n Lalpa‘n Iddo chapa, Berakhiah chapa Zekariah kiang in zia gual hin thu a hun gen a:

JOHAN 10:35

Pathian thu hung tunnate bep bawn, ‘pathiante’ a ti leh, zia Pathian Lekha thu chu sukkek thei a hipua’n,

ROMTE 9:25

Hoshea lekhabu ah, “Ka mi la hi khalote chu ka mite hun ti ta’ng ka tin; ka hepi hilote chu hepite hun tiding ka hi.

2 PETER 1:21

Thu genlawk him him hi mihing thu pawt ahi ngai pua’n; mite’n Thagau Thiangtho sawl in, Pathian ah kipat a muu ah a gen uh ahi zaw sek hi.