HAGGAI 2:23 - PATHIAN LEKHABU THIANGTHO (BSI)

²³ Zia ni chuleh, sepai honte LALPA‘n: Aw Zerubbabel ka suakpa, Shealtiel chapa, hun panpi ing ka, sepai honte LALPA‘n a tii; khutsebi min namna gual in hun siam ing ka; nang ka hun têl ta ngal ah, sepai honte LALPA chun a tii.

HAGGAI 2:23 ပူးပေါင်းရင်းမြစ်များ

SAM 65:5

Aw ka hukdampa Pathian, tizat um tak ah thilbawl in gâl zaw’na’n lei dawnhu ta’n: nang chu kawl kîmvêl tiang ah mi zosia leh, tuisuagiat gamla pen tiang ah umte kinepna chu la hi.

SOLOMON LÂ 8:6

La bânpuam ah tepte’na um gual ah khan, la lungchang ah tepte’na’n ei koi in; thi’na gual tuk in hepina hile a hat in, ûtna hile mithi khua gual khop in a hat hi. Meikuang gual in a diang jak in, gamkâng mei gual in a jam jak hi.

ISAI 42:1

Ngai un, ka suakpa, k eima tundaw, ka têlchuam leh ka lungdamna ma ma chu; a chung in ka thagau ka koi ta’n, namtin chung in vai hun hawm ding ahi.

ISAI 43:10

Nanghaw hi ei hiatpite chu la hiu a, ka nasemtu ka hun têldaw la hiu a, keima hi lei hun het ua, lei taksan theina ding uh leh, ama chu Keima hi ka hi ti, lei hetchianna ding un, Lalpa‘n a ti ahi. Ka masang ah hin pathian khat chale, siam a la um pua’n, ka nung inle um diak lo ding ahi.

ISAI 49:16

En tiam in, ka khutpêk sung ah hin, ka hun zik lut la hi tai; la kulbângte chu ka ma-âng in a um zing hi.

JEREMIAH 22:24

Judai gam ah Jehoiakim chapa Koniah chu leng hi hen la, ka khut changlam ah ka min namna khutsebi hi hial ziang maleh, zia kipat chunle hun botdok tho tho ding ka hi, ti’n Lalpa‘n a hinna sâl in a kihaksial tai;

MATTHAI 12:18

“En tiam un, ka nasemtu ka têlchuam, ka lungsiat leh a chung ah ka kipakna ma ma: ama chung ah chun ka Thagau koi ing ka tin, ama chun Jentelte kiang in ka vaihawmna thu chu puang in a.

JOHAN 6:27

an mangthai ding hawl in sêmgim kiu inla, Mihing chapa’n a hun piak ding, kumtuang ah um zing ding an chu hawl in sêmgim zawu in. Zia ding ah chun Pathian in ama chu a tepte’ tangal a,” a tia.

2 TIMOTHI 2:19

Himaleh, Pathian suangphûm det tak chu a ding zing ah, zia tepte’na hi a nei hi: “Lalpa‘n ama â te chu a hia’i,” ti leh, “Lalpa min lam tapo in gitlona kiheisan hen,” ti hi.

1 PETER 2:4

Ama chu suanghing, mihingte doilo himaleh, Pathian têl leh man tam chu ahi;