HAGGAI 2:22 - PATHIAN LEKHABU THIANGTHO (BSI)

²² lenggamte lalchutpha paitha’ng ka; namte lenggam hatna susia’ng ka tin, sakol kângtalai leh a chung ah chuangte le paitha’ng ka; sakolte leh a chung ah chuangte chu kipûk in, mi tin chu a lawipa chemjam ah chun kipûk in au.

HAGGAI 2:22 ပူးပေါင်းရင်းမြစ်များ

2 KHANGTHU 15:6

Pathian in buaina tincheng ah a sukbuai tâk ziakin, nam khat in nam dang khat do in, khawpi khat in khawpi dang khat kidotua in, siatna huaisia tawp a tuak tau ahi.

2 KHANGTHU 20:22

Lalpa chawihoi ah La a hun sak phat un, Judai gam do ding ah hung kuan Ammonte, Moabte leh Seir tânggam ah mite chu a la lamchân dingin Lalpa‘n mi a la guat ah; ziate chun a gâlteu chu a that gam tau hi.

2 KHANGTHU 20:23

Ammonte leh Moabte chun Seir Tânggam ah chêngte chu a thâgam masiau a do tau ah; chuleh, Seir-te a thâgam zaw phat un, amau leh amau a kithat tua sau sau ziang tau hi.

SAM 46:9

Ama’n kawl kîmvêl tiang in kido’na a hi’thip a; thalpi lawi bong in, cheicha a thiakbong ah; phawte chu mei in a hâl tum hi.

SAM 76:6

Aw Jakob Pathian, la vauna ziakin sakol leh, a chungchuang mite chu a tawimaw zo tau hi.

PAWTDAWNA THU 14:17

Ziaphat chuleh, Aiguptate lungthim chu hun hikhau ing ka tin, amau chun hun del zui intin uh; chuleh, Pharaoh tawh a sakol kângtalai hotute, a sepai zosiate leh a sakol sepaite zosia chung ah chun keima’n choisânna ka chan theina dingin.

PAWTDAWNA THU 14:28

Tuite a hung luan mat kit phat in, sakol kângtalaite leh a chung ah chuang mite zosia tawh; Pharaoh sepai Tuipi ah a hun del zui zosiate chu, pakhat chale a suakcha umlo in a chup mang zo tai.

PAWTDAWNA THU 15:19

Pharaoh sakolte chu a sakol kângtalaite tawh, a sakol chungchuang mi sepai honte chu tawh, Tuipi sung ah chun a tai lut zaw phat un, Lalpa’n Tuipi tuite chu amau chung in a luan khumsak tai: himaleh, Israelte chu Tuipi luanna lei hul chung in a chia gâlkâi tau hi.

PAWTDAWNA THU 15:4

Pharaoh kângtalaite leh a sepaite chu, Tuipi sung in a pai lut ah; a sepai doichuam hotute chule, Tuipi San in a tum tau hi.

ISAI 19:2

Aigupta mite do dingin Aiguptate ma ma chokphûl ing ka tin, amau leh amau kido intin uh, a Invêngteu chiat kidopi intin uh, khawpi khat in khawpi dang do intin, lenggam leh lenggam hung kido ta’n au;

ISAI 60:12

Kua’ nam leh lenggamle nangma nasem nuam lo taphot chu, zâhuai tak ah sukmanthai in hung um in au.

ISAI 9:19

Sepai honte Lalpa lungnatna ziakin, gam pumpi a kâng ta’n; mipite chu a meisel ah a pan tâk ziak un, khat cha’nle midang khat a hukdok thei ta puau hi.

EZEKIEL 21:27

Siatna, Siatna, Siatna hun tut ding ka hi! Bangmatik ah um ngai lo chu, a neitu dik tak ding a hung masia, ama kiang in pia’ng ka.

EZEKIEL 26:16

Ziaphat chuleh, tuisuagiat pang ah lal zosia’n a lalchutphau nusia’n, a lalpuanteu leh puanjem hoi takte liptha’n, lau ah kithing in lei tual ah kitung ta’n au; kithing den intiu in, mak hun sa’n au.

EZEKIEL 38:21

Ka tâng zosia ah Gog do dingin chemjam kodok ing ka tin, chemjam zosia’n a lawite do ta’n au, Lalpa Pathian in a tii.

EZEKIEL 39:20

Tichun, ka dawkan ah chun sakol leh a chungchuang mite, sepai hâtte leh mihangsan zosiate ah chun kivâkva ta’n lau, Lalpa Pathian in a tii,” ti in.

DANIAL 8:25

A dawhathûk ziakin a mithepna lam in lawting ma ma intin, ama lunggêl in thupi kisa’n a. Hetlawk umlo in mi tampi that intin, Chamna lal chapa nasan do dingin kipan in a. Himaleh, ama chu mihing khut pang lo ah suksiat in hung um ta’n a.

AMOS 2:15

thalpi chawite le pang thei diak lo in, mi chan-gangte le kihukdok diak pua’n’au, sakol chung ah chuangte le kihukdok thei pua’n au;

MIKAH 5:10

Zia ni chuleh Lalpa la sakolteu chu, nangmau ah kipat in sumangthai ta’ng ka tin, la sakol kângtalai zosiau le susia ding ka hi;

MIKAH 5:15

Chuleh, ka thu mang lo namte chung ah lungnatna leh, thangtawmna phuba lâkna supiting tâng ka, a ti’n.

MIKAH 5:8

Chuleh, Jakob mi um nalai sunte chu, nam tam tak in hualvêl ziang maleu, gammâng ah gamsate lak ah sakeibaknei gual leh, belam hon lak ah sakeibaknei vanglai gual in um in au; a pawt daw phat leh chuanchil pek in, bottel malam pek intin, ama ah kipat hukdok ding kuama a um puai.

MIKAH 5:9

La khut la mêlmate chung ah lek in la tin, la mêlmate zosia chu paithâk in um ta’n au.

MIKAH 7:16

Namtin in zia chu mun tiu in, a tatna zosiau ah zakcha ta’n au; a mûk uh hum intiu in, a beng uh ngong zo ta’n au;

ZEPHANIAH 3:8

Ziaziakchun, hiatpitu ah, ka hung din hun chu ei la ngâk un, a tii. Namte pui khawm ding leh lenggamte suktua ah, a chung ua ka lungnatna leh, lei chung zosia kât tum ding hi, ka thupukna ahi ta’ngal a.

ZEKARIAH 10:11

Lungngaina tuisuagiat chu pal gâl kâi intiu in, a tuisuagiat kinawkte chu vaw niam intiu in, Nail luipi tuili thûk te chule kang tan in a. Assuria kiletsakna chu hi’niam hi’ntin, Aigupta lal tiang chunle nusia ta’n a.

ZEKARIAH 10:5

A leng un kido’na gâlhat gual in, a mêlmateu kotzing buanthuak lak ah chuanchil in, gâldo jel ta’n au, Lalpa‘n a umpi ngâl a; tichun, sakol chungchuang mite chu, mualphosak ngei ngei ding a hiu.

ZEKARIAH 12:9

Ziaphat chuleh, Jerusalem do ding ah hung kuan nam taphot hi’mangthai ding ka hi.

ZEKARIAH 14:3

Ziaphat chuleh, Lalpa hung kipan intin, kido’na gâl sat gual in, zia nam tinte chu hun do ta’n a.

ZEKARIAH 4:6

“Zia hi Zerubbabel kiang ah Lalpa thu hun gen chu ahi: Thagum hatna ziak hilo, thilhitheina ziak le hi diak lo in, ka thagau ziak bep in ahi, ti’n sepai honte Lalpa chun a ti’n.

ZEKARIAH 9:10

Ephraim ah kipat kângtalai leh, Jerusalem ah kipat kido’na sakol chu hi’mang in a; kidona thalngul chu hi’bong in, namtin kichamna ding thu pia’n a; a lenggam chu tuisuagiat langkhat ah kipat, langkhat lam tiang hi’ntin; Lui lian ah kipat, lei mong langkhat lam tawp tiang huap in a.

MATTHAI 24:7

Nam khat leh nam khat kido in au, gam khat leh gam khat le kido intiu in, kialte hung tung in, mun chuam chuam in lîn hung kilîng in a;

THUPUAN 11:15

Chun, vansawlchâk pasagina chun a pengkul chu a mût leh, van ah aw thupi tak a hung gi’, “Zia khawvel lenggam hi Lalpa leh, a Khrista gam a hita hen; ama chun kumtuang in vaihawm ta’n a,” a hun tia.

VAIHAWMTE 7:22

Pengkul za thum chu a hun mût chiat phat un, Lalpa‘n giabuk sung ah sepai um zosia chu amau leh amau a kisat tuasak ta’n; sepaite chu Zererah lam ah Beth-shettah leh Tabbath lam ah Abel-meholah tiang in a taijak zo tau a.

1 SAMUEL 14:16

Benjamin gam ah Gibeah ah kipat entha ding ah Saul in a koite chun, mipi kinawktua lumlette chu a vak gâl mu tau a.