HAGGAI 2:19 - PATHIAN LEKHABU THIANGTHO (BSI)

¹⁹ Bubûk ah buchi ding ah nutsia a um nalai em? Grepte, theichang kung, theibufai leh Oliv kungte chun ga sua nai lo a hiu em? Tu’ni kipat hin hun maljawl ding ka hi.

HAGGAI 2:19 ပူးပေါင်းရင်းမြစ်များ

THILSIAM THU 26:12

Isak in zia gam chun thâi a chîng in, zia kum ah chun ale’ zakhat a mu’n: Lalpa’n a maljawl ngal a.

JOB LEKHABU 39:12

La loulai ah bute chu phualjawl ah, hun puak khawm piak dingin, la taksang em?

SAM 133:3

Hermon dâichîm, Zion tâng chung ah ke sek gual chu ahi. Zia tak ah chun Lalpa‘n maljawlna, kumtuang dai dingin a la tiam ta’ngal a; kumtuang ah hinna dingin.

SAM 84:12

Aw, sepai honte Lalpa, nangma hun taksang taphot chu mi hampha a hiu.

JEREMIAH 31:12

Zion tângvûm ah hung in, Lâ ngai tak in hung sa ta’n au; a chung ua Lalpa a phatna ziak leh, bu leh uain leh sathau ah te, bawngnote leh belamnote ziakin, a mai uh tai ma ma ta’n a; a hinnau chu tui in a chapno zing, huan tawhbang hi’ntin, thavai tak in um ta pua’n au.

JEREMIAH 31:14

Thiampute an tui pen in vâkva ing ka tin, ka mipite chu a kiningtin ziak un lungkim ta’n au, Lalpa‘n a tii.

JOEL 1:12

Grep gui a vuaitha ta’n, theipi kung a keugawp zo tai. Lou ah thâichi kung tin: theipi, theibufai, zubi leh epulte a keugawp zo tai; mipite kipakna zosia a chuai tai.

JOEL 2:14

Lalpa la Pathian un maljawlnate ei pia’n, thâi thillat leh, dawn ding thillatte ei pia’n, a lungnatna juk kit ah, kihei kit lo mawng mawng ding ahi, ti kua a hem he thei?

HAGGAI 1:11

Lei chung ah te, tâng chung ah te, bu chung ah te, uain thak chung ah te, sathau chung ah te, lei ah kipat thil hung pawt him himte chung ah te, mihing chung ah te, gan-gual chung ah te leh khut nasep zosia chung ah khawkhâlna ka ko ta ahi.

MALAKI 3:10

Ka In ah nêk ding a umtheina dingin sawm ah khat dik tak in bu In ah hun koikhawm un; tichun, ka van tukvante hong in, a koina’n a dawl lo ding khop maljawlna’n ka hun vuk paw na ve em, ti ei patep ma tiam un, sepai honte Lalpa chun a ti ahi.

MATTHAI 6:33

Himaleh, a gam leh a dikna chu hawl masa tau in; tichun, zia thil zosia chule piak belap in um in lau.

DAN LEKHABU 15:10

Huangphal tak leh mitthipna pang lo in pesek in; la chuti bawl leh Lalpa la Pathian in la sep la bawlnau zosia ah hun maljawl ding ahi ngâl a.

DAN LEKHABU 28:22

Lalpa chun, kumjawnna, khawsikna, vûnnatna, ti sat hut hutna, khawkhâlna, lung leh hisian hun gawt intin, la manthai masiau hun delzui in a.