HAGGAI 1:6 - PATHIAN LEKHABU THIANGTHO (BSI)

⁶ Tam tak tak la tuu ah, tawmcha cha la la khawm ui; la neu ah la vâ diak puau in; puan la sil ua la kuama lum sa la um diak puau; kilaw ah sêmte’n le sakhau tawvang sung ah thun ding bep ah kilaw la hiu, a tii.

HAGGAI 1:6 ပူးပေါင်းရင်းမြစ်များ

2 SAMUEL 21:1

David hun lai ah chun kum thum sung a kizom in kial a hung tung ta’n; tichun, David in Lalpa a dong a. Lalpa‘n a kiang in, “Saul in Gibeon mite a thalup ziakin, ama leh a Inkuante’n thisan maw a puau hi,” ti’n a hun dawnhu a.

1 LENGTE 17:12

Himaleh, amanu chun, “Lalpa la Pathian min suang in ka gen hi: a kikang min bangmacha ka nei puai; bêl ah an khutdim khat tawh, thawl ah sathau neucha bep ka nei hi; tu’hin thingkang khat leh ni chom ing ka tin, In ah kei tawh ka chapa â ding ah vabawl ah, zia chu nêk ah, a bân chu thi mai ding ka hiu,” a tia.

NEHEMIAH 5:2

A lak ua khenkhatte chun, “Chanu chapa ka hau ziak un, ka nêk ua ka hindaw theina ding un, nêk ding bu ka chan têi ding uh ahi,” a tiu a.

JOB LEKHABU 20:22

A kiningtin lai tak chu, a buai lai tak hi’ntin; lunggimna zosia’n hun tâkbuak ding ahi.

JOB LEKHABU 20:28

A Insung neithilte chu, puakmang piak hita’n tin, Pathian lungnatna ni chun, a nei leh lamte chu luakmang hita’n a.

SAM 107:34

a gam ah chêngte nunsiatna ziakin, lei phatna mun chu lei al, bangma chîn theilona mun a chansak hi.

THUPILTE 11:24

Hawm jak tam chu pun zawk diakna ahi’n; a piak dingsa ziang le pedok nuamlote chun tâksapna tuak in au.

ISAI 5:10

Grep huan chîng sawm in bath khat khêl kihêkdok pua’n tin; buchi homer khat in ephah khat khêl ga sua pua’n a.

JEREMIAH 12:13

Gehu bu a chîng un la lingga a ât tau a; tha chawl tak in sêmgim maleu le, bangma lawkna a mu puau hi. Lalpa lungnatna huaisia tak ziakin, a ga luak uh chu mualphopi ta’n au.

JEREMIAH 14:4

gua zuk lo ziakin lei a khikêk ta’ngâl a. Gua a zuk lo ziak ah loubawlte lungthuai in, puan a kilukhu tau hi.

JEREMIAH 44:18

Himaleh, van lengnu kiang ah kithoina leh uain ka lat lo un, bangkim in tâksap lam manaw in, chemjam leh kial in ka thi zo tau hi,” ti’n a dawnhu tau a.

HOSEA 4:10

Lalpa kiheimangsan ah, thanghuai tak ah a kipiak zaw tâk ziak un, Ne maleu vâ diak pua’n au; nawchizuak intiu in pung diak pua’n au.

HOSEA 8:7

Hui a tû ziak un chîmpei ât ding a hiu. Buvui in ga a sua pua’n, nêk ding piang pua’n a; ga sua ta mawng leh le, gam dang mite’n ne zo in au.

THIAMPUTE LEKHABU 26:20

La hatnau a thawn in sêng in la tin uh, la louteu in ga sua pua’n tin, gam ah thingte’n le ga sua diak pua’n au.

THIAMPUTE LEKHABU 26:26

La bu In teu ka suksiat phat leh, numei sawmkhat in thuk pakhat ah vaithum kang khawm thei ta’n tin uh, te’ chit chiat in la vaithum ding uh hun pia ta’n tin uh, zia chu ne zo in la tin uh, vâ in, tai diak pua’n lau.

HAGGAI 1:10

Ziaziakchun ahi, la chung lam ua van in daichîm ke ding tutâng in, lei inle a ga sua ding a tûktân hi.

HAGGAI 1:5

Tu’hin, sepai honte Lalpa chun: La umdan uh kisui thak tiam un.

HAGGAI 1:7

Sepai honte Lalpa chun: La umdan uh kisui thak tiam un.

HAGGAI 1:9

Tam tak mu la kinêm un, ngai un, tawmcha la muu a; In ah la hun puak tung phat uh leh le ka mût mang kit sek a. Bang ziak ahi em? Sepai honte Lalpa chun a tii. A ziak chu ka In a sesa’ a um zing lai in, mi tin in la In ding chiat uh la ki-awlmaw tau a.

HAGGAI 2:16

bang gual ah bawl la hiu em? Bu te’na dim sawmni la khawm ding ah kinempa’n, te’na dim sawm bep a la khawm ah; uain te’na dim sawmnga nei ding ah kinempa’n, uain te’na dim sawmni bep la nei ui.

HAGGAI 2:17

Nangmau leh la sepgimnau ga zosia chu kumthu, muatna leh gial in ka hun sugam ta’n; himaleh, kei kiang ah la hung kile’kit nuam puau hi, LALPA‘n a tii.

ZEKARIAH 5:4

Keima sepai honte Lalpa ngei in ka gen ah, ka sawldaw ahi tai; tichun, migucha In ah lut intin, diklo tak ah ka min ah kihaksialte In ah le lut in a; zia In ah chun chêng den intin, zia In ah um, a thing leh suangte chule kâng tum ta’n a,” a tia.

ZEKARIAH 8:10

Tu’ma khan mihing â ding leh gancha â dingin nasep thaman a um puai; chuleh, a lut leh a pawtte â dinginle mêlma lak ah kipat bitna ding bangma a um diak pua’n, mitin a Invêngteu chiat tawh ka kidosak tâk ziakin.

MALAKI 2:2

Sepai honte Lalpa chun, “Ka min lopina ding ah ka thu la ngaithâk lo ua, la lunggil ua la vop zing lo ua chun, la maljawlna donteu chu hânsia law ding ka hi. La lunggil ua la vop zing lo ziak un, hânsia ka law ta him ahi,” a ti ahi

DAN LEKHABU 28:17

La sêng leh la vaithum mêknau kuang uh le hânsiadong in um in lau.