HAGGAI 1:14 - PATHIAN LEKHABU THIANGTHO (BSI)

¹⁴ Chuleh, Lalpa chun Shealtiel chapa, Judai gam awppa Zerubbabel lungthim leh, Jehozadak chapa thiampu lianpen Joshua lungthim leh, mipi a um nalaite lungthim chu a chok tho ta’n; chutichun, a hung ua, sepai honte Lalpa a Pathian In uh chu a sa pan tau a;

HAGGAI 1:14 ပူးပေါင်းရင်းမြစ်များ

1 KHANGTHU 5:26

tichun, Israel Pathian chun Assuria Lengpa Pul tawh Assuria Lengpa Tilgath-Pilneser lungthim hun choktho in, Reuben suante, Gad suante leh Manasseh phung ah mi a kimkhatte chu sal ah pui mang in, Halah, Habor, Hara khua leh Gozan luipi tiang hial in tu’ni tiang hin sal in a um khawlaw tau hi.

2 KHANGTHU 36:22

Persia gam ah Lengpa Kuras a lal kum khatna chun, Lalpa‘n jawlnei Jeremiah kam ah a thugen kha a guitunna dingin, Persia Lengpa Kuras lungthim chu Lalpa‘n a hun choktho a; tichun, a lenggam sung zosia ah tângsam ding sawldok in, a vahil vêl ding un a thupuan chu a zikdaw piak a:

EZRA 1:1

Persia gam ah Lengpa Kuras lal kum khatna’n, Jeremiah kiang ah Lalpa thugen a guitun theina dingin, Lalpa chun Persia Lengpa Kuras in lekhazik ah gam sung pumpi’ tângsam ding sawl dingin a lungthim a hun choktho ah, zia gual hin tâng a sapsak a.

EZRA 1:5

Judah leh Benjamin phung ah luchangte leh thiampute leh Levite lak ah Pathian Thagau in, Jerusalem khua Lalpa In sa ding ah a chaw’phul zosia chu a kuan ziang dingin a kisa zo tau a.

EZRA 5:2

Tichun, Shealteal chapa Zerubbabel tawh Jozadok chapa Jeshua in Jerusalem khua Pathian In a hun sa pan kit tau ah; amau chu Pathian mite chun hung umpi in a panpiu a.

EZRA 5:8

Judai gam ah Pathian lopi tak In ah ka vachiau in. A In chu suang kisêk ngen ah kisa leh a liangjawl tiang kilem zo a hita’n; lunglut tak ah kisa ahi ziakin a masawn ma ma ziang hi.

NEHEMIAH 4:6

Tichun, kulbâng chu ka sa pan tau a; mipite chun nasep thatnopna gil tak a nei ziak un, kulbâng sândan kimkhat tiang chu ka zawpmat suak tau hi.

SAM 110:3

La tâng thiangtho ah la sepaite ma la hun pui phat leh, la mipite chu nang â ding ah, thanuam tak in hung kipia’n tiu in; jingkal matak ah daichîm gual in, la khanglaite chu la kiang in hung in au.

HAGGAI 1:1

Lengpa Darius a lal kum ni’na, tha gukna, ni masa pen ah chun; jawlnei Haggai mang in Shealtiel chapa, Judai gam awppa Zerubbabel leh Jehozadak chapa Joshua thiampu lianpen kiang in, Lalpa‘n thu a hun gen a:

HAGGAI 1:12

Ziaphatchun, Shealtiel chapa Zerubbabel, Jehozadak chapa thiampu lianpen Joshua tawh nutsia ah um sunte chu tawh, a Pathian awu leh Lalpa a Pathian un a sawl gual in, jawlnei Haggai thu chu a zawm tau a; tichun, mipite chun Lalpa chu a lau tau hi.

HAGGAI 1:15

tha gukna, a ni sawm ni leh li’na chun.

HAGGAI 2:2

Shealtiel chapa Judai gam awppa Zerubbabel leh Jehozadok chapa, thiampu lianpen Joshua leh, mipi nutsia ah um nalai sunte kiang ah chun zia gual hin vagen in:

HAGGAI 2:21

Judah gam awptu Zerubbabel kiang in hiti hin gen in: Lei leh vante hun sulîng ding ka hi;

1 KORINTH 15:58

Ziaziakchun, ka doitakte haw, suklîng zaw lo ding ah det tak in um unla, Lalpa nasepna chun theitawp sua zing un; la sepgimnau chu Lalpa ah chun a thawn puai, ti la he ngal un.

2 KORINTH 8:16

Ka hun ngaikhawkna gual Tita lunggil ah le pepa Pathian kiang in kipak thu um ta hen.

HEBRAITE 13:21

a mit mu ah a kipakna gual ah Jesu Khrista jal ah nangmau ah sêm in, ama lung lam sêmdok dingin thilpha lam zosia’n hun subukim ta hen; ama kiang ah chun, lopina kumtuang kumtuang in um zing ta hen. Amen.