HAGGAI 1:13 - PATHIAN LEKHABU THIANGTHO (BSI)

¹³ Tichun, mipite kiang in Lalpa thugen chu, Lalpa thupawpa Haggai in a gen sawn ta’n: Lalpa‘n ka hun umpi hi, a tii, a tia.

HAGGAI 1:13 ပူးပေါင်းရင်းမြစ်များ

1 KHANGTHU 28:20

Zia ban ah chun, David in a chapa Solomon kiang ah chun zia gual hin a gen a: “Hat tak leh hangsan tak in um in, zia haw chu bawldok sik sek in. Lauthawng kin la, lungthuai diak kin; Lalpa Pathian, ka Pathian chun a hun umpi la hi.

2 KHANGTHU 15:2

Asa kiang in a chia ah, zia gual hin a genah: “Lengpa Asa leh Judah leh Benjamin phung ah mi zosiate haw, ka thugen hi ngai tiam un: Lalpa ah la um sungsiau chu ama’nle a hun umpi hi. Ama la bawlphat ua leh hung kimusak intin; ahi’n, ama la nutsiau leh vang ama’nle hun nusia ngal ding ahi.

2 KHANGTHU 20:17

Aw, Judai gam leh Jerusalem khua mite haw, zia kidona hin nanghaw la pan uh ngai pua’n ah; la panmun chiat un ding chil chel un la, nanghaw â ding ah Lalpa‘n a hun zaw piak dan chu en mai un! Lau kiu in la, lungdong ziang kiu in; jing leh gâldo dingin kuandok un la, Lalpa‘n hun kithuapi ding ahi,” ti’n a gen a.

2 KHANGTHU 32:8

Amau chu mihing thahâtna bep mang a hiu ah, ei haw ei panpi ding leh I gâlteu ei do piak ding chu Lalpa I Pathian uh ahi ngâlah,” ti in. Judai gam ah Lengpa Hezekiah thu gen ziak ah chun mipite chu nasa tak in a kisuhat tau hi.

SAM 46:11

Sepai honte Lalpa chun ei umpi hi; Jakob Pathian chu I kisêlnau ahi.

SAM 46:7

Sepai honte Lalpa chun ei umpi a; Jakob Pathian chu I kisêlnau ahi.

ISAI 41:10

lau him him kin, ka hun umpi zing hi; lung lau kin, la Pathian ka hi’ngâl a. Hun hi’hat ing ka tin, hun panpi ding ka hi; ka zaw’na khut changlam in, hun domsâng ding ka hi.

ISAI 42:19

Ka suakpa sâng ah mitthûm zaw leh, ka tângsam ah ka hun sawlpa sâng ah, bengngong zaw kua a hem um? Ka mi têlchuam gual ah mitthûm leh, Lalpa nasempa tuk ah mitthûm a um em?

ISAI 43:2

Tuili thûk la hawthen tak leh le, hun umpi ing ka tin; luiliante hawtheng lechinle, hun chup pua’n tin; meikuang paltheng ma lechinle, hun kâng diak pua’n tin; meikuang in hun kângtum lo ding ahi.

ISAI 44:26

a suakpa kamsuak hi’det piak a, a tângsamte thugenlawk guitunsakpa chu ka hi. Jerusalem chung thu ah chun, “Mipi hun chênsak kit ding ka hi,” tipa leh, Judai gam ah khuate kiang ah: “Bawl thak ah um kit ding la hiu, la sung ua suksiat ah umsate kha, hun tungding kit ding ka hi,” ti’pa;

JEREMIAH 15:20

Chuleh, zia mipite â ding ah hin, sum-eng ah kulpi kibawl, detdo tak gual in hun siam ing ka; hun do intiu in la hun zo pua’n au; nang hun hukdok ding leh hukdam dingin, ka hun umpi zing ngal a, Lalpa‘n a tii.

JEREMIAH 20:11

Himaleh, Lalpa chu sepai hangsan tak gual in, ka kiang in a um zing a; ziaziakchun, ei sugentheite chu kipal pâi intiu in, tichun, ei zo pua’n au. Lawting lo ding a hiziak un, mualpho tak in um in au. A kumkhua minsiatnau chu, hetmil ni um ta pua’n a.

JEREMIAH 30:11

A hun hukdam ding ah hun umpi zing ka hi, Lalpa‘n a tii. A lak ua ka hun thejakna nam tinte chu, subei ing ka tin, nanghaw vang hun subei lo ding ka hi. A kilawm tiang bep in hun gawt ing ka tin, gawt lo ah vang hun nusia ziang lo ding ka hi.

EZEKIEL 3:17

Mihing, Israel Inkuante vêng dingin ka hun siam tai; ka kam ah kipat thu la het phat leh, keima ah kipat in thu la hil ding ahi.

HAGGAI 2:4

Himaleh, aw Zerubbabel, kisuhangsan in, Lalpa‘n a tii; aw Jehozadak chapa thiampu lianpen Joshua, lungthuai him him kin; gam sung ah mipi zosiate haw, lungthuai kiu in, Lalpa‘n a tii. Sêm jel un, ka umpi zing ngal ah, sepai honte Lalpa‘n a tii.

MALAKI 2:7

Thiampu chu sepai honte Lalpa tângsampa ahiziak in, a mûkte chun hetna a chintûp ah, mipite’n ama kam ah kipat zilsakna dik chu a hawl sek diu ahi ngal a.

MALAKI 3:1

Ngai un, ka thangko hun sawl ing ka tin, ka hungna ding lampi guanggal in a; tichun, la hawl uh Lalpa chu a tempul ah hung tung phut in a. Thuthung sawlchâk la kipakna ma mau chu a hung hi, sepai honte Lalpa chun a ti ahi.

MATTHAI 1:23

“Nungak thiangtho chu gâi intin, Chapa hing intin, a min in Immanuel sa’n au” zia chu, “I kiang un Pathian a um hi,” ti’na ahi.

MATTHAI 18:20

Keima min ah mi pani a hem, pathum a hem la um khawmnau ah chun kei pakhat ah pang zing sek ka hingal a, a tia.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

ROMTE 8:31

Zia thute ah chun bang gen ding I hitau em? Pathian ei lam ah a pan chun kua’n ei do thei ding a hem?

2 KORINTH 5:20

Pathian in keimau mang ah a hun chial ziakin, Khrista palai chu ka hitau hi; ziaziakchun, Khrista thasâng in ka hun don la hiu: Pathian tawh kicham tau in.

2 TIMOTHI 4:17

Himaleh Lalpa‘n ei dinpi in, ei hi’hat a; chutia, keima ziak ah chanchinpha gen kim ah um ding leh, Jentelte zosia’n a hettheina ding un. Tichun, sakeibaknei kam ah kipat hukdaw in ka um tai.

2 TIMOTHI 4:22

Lalpa‘n la thagau umpi ta hen. Hepina’n hun umpi ta hen. Amen.

VAIHAWMTE 2:1

Gilgal ah kipat in Lalpa vansawlchâk pakhat Bokim ah hung tung to in, a kiang un, “La pu leh pateu kiang ah ka la kitiamna gam ah ka hun pui lût theina dingin, Aigupta gam ah kipat in ka hun puidok ta’n; a kiang un, ‘La kiang ua ka thutiam chu thul pua’ng ka tin,