HAGGAI 1:12 - PATHIAN LEKHABU THIANGTHO (BSI)

¹² Ziaphatchun, Shealtiel chapa Zerubbabel, Jehozadak chapa thiampu lianpen Joshua tawh nutsia ah um sunte chu tawh, a Pathian awu leh Lalpa a Pathian un a sawl gual in, jawlnei Haggai thu chu a zawm tau a; tichun, mipite chun Lalpa chu a lau tau hi.

HAGGAI 1:12 ပူးပေါင်းရင်းမြစ်များ

THILSIAM THU 22:12

Ama’n, “Naupang chung ah khan la khut tha kin la, ama kha bangma law diak kin; la chapa neisun lei piak ding la îtchâk lo ziakin Pathian la lau hi ti tu’hin ka hechian tai,” a hun tia.

EZRA 10:18

Thiampute lak ah le nam dang numeite a la kichenpi mudaw in a um un, ziate chu: Jozadak leh a unaute chapate suan leh pâk lakah mite chu: Maaseiah, Eliezer, Jarib leh Gedaliah.

EZRA 5:2

Tichun, Shealteal chapa Zerubbabel tawh Jozadok chapa Jeshua in Jerusalem khua Pathian In a hun sa pan kit tau ah; amau chu Pathian mite chun hung umpi in a panpiu a.

SAM 112:1

Lalpa chu pâk un! Lalpa laute chu a nau a vak hi; a thupiakte ah nasa tak ah kipak mite chu.

THUPILTE 1:7

Lalpa launa hi hetna bul ahi’n, mingolte chun pilna leh, hilna thu a ngainêp sek ui.

THUGENTU 12:13

A bawn ah thu khâkna chu ngaitha’i tiu: Pathian chu lau inla, a thupiak vop zing in; zia chu mitin hi’ ding ah poimaw pen ahi ngal a.

ISAI 1:19

Thu la mat ua la nop phot uh leh, gam phatna hi hun ne’n la tin uh,

ISAI 50:10

La lak ua kua’n Lalpa kicha, a suakpa thu ngaitha, vak nei lo ah thim nuai ah chia a, Lalpa min suang zing ah, a Pathian ah kinga zing la um awm?

HAGGAI 1:1

Lengpa Darius a lal kum ni’na, tha gukna, ni masa pen ah chun; jawlnei Haggai mang in Shealtiel chapa, Judai gam awppa Zerubbabel leh Jehozadak chapa Joshua thiampu lianpen kiang in, Lalpa‘n thu a hun gen a:

HAGGAI 1:14

Chuleh, Lalpa chun Shealtiel chapa, Judai gam awppa Zerubbabel lungthim leh, Jehozadak chapa thiampu lianpen Joshua lungthim leh, mipi a um nalaite lungthim chu a chok tho ta’n; chutichun, a hung ua, sepai honte Lalpa a Pathian In uh chu a sa pan tau a;

HAGGAI 2:2

Shealtiel chapa Judai gam awppa Zerubbabel leh Jehozadok chapa, thiampu lianpen Joshua leh, mipi nutsia ah um nalai sunte kiang ah chun zia gual hin vagen in:

NASEPTE 9:31

Zia hun sung ah chun, kochuamte chu Judea, Galili, Samaria gam ah chun muang tak ah um in a det tau hi. Lalpa lau kawm in Thagau Thiangtho thamuan in a um un, a pung deu deu tau hi.

DAN LEKHABU 31:12

Mipi zosia: Pawsal, numei, naupang nalaite leh la In ua midang um zosia chunle a ngaithâk ua, a zil ua, Lalpa la Pathian uh chu lau dan a hun het ua, zia dante hi gunchu tak ah a hun zop theina ding un la ko khawm ding ahi;

DAN LEKHABU 31:13

tichun, bangma henai lo a chateu inle a ngaithâk ua, Jordan luigâl hung kâi ah la luana ding uh gam ah la um sungsiau Lalpa la Pathian uh lau dan a ziltheina ding un la ko khawm ding ahi,” ti in.

KOLOSSA 1:6

Zia chanchinpha chu khawvel zosia ah ga ah a pun pek gual in, la kiang un a hung tung ah, Pathian hepina chu thutak ah la ngaithâk ua, la het niu ah kipat in nangmau ah le ga in a pung zing hi.

HEBRAITE 12:28

Ziaziakchun, lenggam suklîng theilo chu chang I hi tâk ziak un, kipak thu gen hitiu; tichun, ja tak leh lau kawm in, Pathian ei pom tâk ding ah biakna chu nei thei bep ding I hingal un;