EZRA 6:3 - PATHIAN LEKHABU THIANGTHO (BSI)

³ Tepte’na: Lengpa Kuras in a lal kum khatna chun zia gual thupiak hi a la suadok hi: Jerusalem ah Pathian In chungchâng thu’n, zia In chu tundin kit hi hen la, kithoinate leh hâlmang thilpiak latna mun chu bawldaw kit hi hen; a sândan chu tong sawmguk hi hen la, a vailam le tong sawmguk ma hi hen la,

EZRA 6:3 ပူးပေါင်းရင်းမြစ်များ

2 KHANGTHU 2:3

Solomon in Tura gam ah Lengpa Huram kiang ah mi sawl in, “Ka pa David in a chênna ding In a sakna dingin sidar thing la hun pia ta hen.

2 KHANGTHU 2:6

Himaleh, ama chu van leh van sâng pen inle a dawl lo ahiziak in, a chênna In ding chu kua’n sathei ding a hem? Ama chêntheina ding In chu kei tawhbang bep hin sathei laizang pua’ng ka tin, a kiangah kithoinate latna ding mun bep a hilo ngâl leh?

2 KHANGTHU 36:22

Persia gam ah Lengpa Kuras a lal kum khatna chun, Lalpa‘n jawlnei Jeremiah kam ah a thugen kha a guitunna dingin, Persia Lengpa Kuras lungthim chu Lalpa‘n a hun choktho a; tichun, a lenggam sung zosia ah tângsam ding sawldok in, a vahil vêl ding un a thupuan chu a zikdaw piak a:

EZRA 1:1

Persia gam ah Lengpa Kuras lal kum khatna’n, Jeremiah kiang ah Lalpa thugen a guitun theina dingin, Lalpa chun Persia Lengpa Kuras in lekhazik ah gam sung pumpi’ tângsam ding sawl dingin a lungthim a hun choktho ah, zia gual hin tâng a sapsak a.

EZRA 1:2

Persia gam ah Lengpa Kuras in zia gual hin a gen a: “Lalpa, van Pathian in khawvel lenggam zosia chu pia’n, Judai gam ah Jerusalem ah a In ding sa kit dingin thu ei pia’n.

EZRA 3:7

Tichun, Persia Lengpa Kuras phalpiakna dungzui ah chun, suangsêk mite leh thing lam ah themthiamte kiang ah chun sum a piau ah, sidar thing haw Lebanon ah kipat tuisuagiat tiang leh Joppa khua tiang hun tawl khawm dingin, Sidon leh Tura mite kiang in nêk dingte, dawn dingte leh sathaute chu a pedok tau hi.

EZRA 6:14

Tichun, Judate lak ah upate chun, jawlnei Haggai leh Iddo chapa Zekariah te ni thugen pansan in, In chu a sau ah, a masawn ma mau hi. Israelte Pathian thupiak leh Persia Lengte, Kuras, Darius leh Ahasueras thupiak dungzui in In chu a sa zo tau a;

SAM 122:4

Zia tak ah chun namte a chia to sek un, Lalpa namte ngei chu; Israel â ding ah a thupiak dungzui in, Lalpa min ah kipak thu gen dingin.

THUPUAN 21:16

Zia khawpi chu kil li nei ah kituak tak ah lep ahi’n; a dung lam chu a vailam chan ahi; khawpi chu te’na tiang ah chun a te’ ah, mêl sang khat leh za nga lian, a dung, a vai leh a sân lam kibang chiat ahi.