EZRA 2:1 - PATHIAN LEKHABU THIANGTHO (BSI)

¹ Zia a nuai ah haw hi Babulon ah Lengpa Nebukadnezar in Judai gam ah Jerusalem khua kipat Babulon lam ah a la puimangte chu a hiuah; amau khua chiat leh Jerusalem leh Judai gam lam ah chiakitte chu a hiu hi.

EZRA 2:1 ပူးပေါင်းရင်းမြစ်များ

2 LENGTE 25:11

Ahi’n, zia khawpi mi a nutsia sunteu tawh, a jamjakna lam ua thi kha lo ah Babulon Lengpa â dingah a la kipethei zosia tawh, mipi vantangte lak ah a thibang sunte chu Lengpa vêng ah pang sepai hotu Nebuzaradan chun sal in a pui mang tai.

1 KHANGTHU 9:1

Tichun, Israelte zosia chu a phunggui uh kisuina dungzui chiat ah chun zik lut a hiu a; zia haw zosia chu Israel Lengte Lekhabu ah chun zik lut vek ahi. Chun, Judah mipite chu a ginum lo ziak un Babulon gam ah sal ah pui mang in a um zo tau hi.

1 KHANGTHU 9:2

Amau gam ah a khawpiteu hun lua kit masa pente chu Israelte, thiampute, Levite leh tempul ah suak nasemte haw chu a hiu hi.

EZRA 1:11

sana leh sum-eng ah kisiam ûm leh bêl zosia chu sang nga leh za li a ting hi. Zia haw zosia chu Babulon ah kipat Jerusalem zuan ah Shesh-bazzar in saltângte a pui to phatin a paw tau ahi.

EZRA 2:2

Amau chu Zerubbabel, Jeshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum, Baanah tawh hung kitondok a hiu a. Israel mipite tam dan chu:

EZRA 2:70

Thiampute, Levite leh mipi vantang lak ah khenkhatte chu Jerusalem khua leh a kîmvêl in a chêng un, Lasa mite, kotkhak vêngte leh Tempul nasemte chuvâng amau khua chiat in a chêng un, Israel dangte zosia chu amau khawpi chiat in a chêng tau hi.

EZRA 5:8

Judai gam ah Pathian lopi tak In ah ka vachiau in. A In chu suang kisêk ngen ah kisa leh a liangjawl tiang kilem zo a hita’n; lunglut tak ah kisa ahi ziakin a masawn ma ma ziang hi.

EZRA 6:2

Media gam ah lal In Ecbatana ah chun, zia gual ah lekha kizikna lekhabu zial chu a mudok tau a:

EZRA 8:35

Zia hun ah chun saltânna kipat hung pawtdok, saltâng kile’kitte chun, Israelte Pathian kiangah hâlmang thillat a piau a; Israelte zosia kikop dingin bawngchal sawm leh ni, belamchal sawmkua leh guk, belamno sawmsagi leh sagi, leh gitlo ngaidam dotna dingin kêlchal sawm leh ni le a lân tau a; zia haw zosia chu Lalpa kiang ah hâlmang thillat ah piak ahi.

NEHEMIAH 12:1

Ziate hi Shealtiel chapa Zerubbabel tawh Jeshua hun zui, thiampute leh Levite chu a hiu ah: Seraiah, Jeremiah, Ezra,

ESTHER 1:1

Ahasueras, India gam ah kipat Ethiopia tiang ah gambung za sawmni leh sagi chung ah vaihawmpa, zia Ahasueras ma ma lal lai ah chun zia gual hi a hung tung a.

ESTHER 1:11

Lengnu Vashti chu mêlpha ma ma ahi ziakin, a lallukhuk pum ah lengpa âng ah hung kilâk ah, mipite leh a milian leh lalte kiang ah a mêlphat dan hung etsak dingin thu a pia tai.

ESTHER 1:3

a lal kum, kum thumna chun, a miliante zosia leh siamângte zosia â dingin, luaithe’na lopi tak a siam ah. Persia leh Media gam sung ah sepaite tawh, miliante leh gambung tin ah uktute zosia chule a kim kei un;

ESTHER 1:8

Uain chu a thawl in a hawm ua, mi tin in kisûm lo ah a du zat zat uh a dawn ding ua pia ding in, lengpa chun a lal In ah tuanvaite chu thu a pia tai.

ESTHER 8:9

Lengpa lekha zikte chu zia hun ma ma ah, Sivan, tha thumna, a ni sawmni leh thum ni’ chun a ko khawm tau a; Mordekai thupiak dungzui in Judate kiang leh, hotu liante leh, India ah kipat Ethiopia tiang huap ah gambung za sawmni leh sagite ah gam awpte leh lamkaite kiang ah thot dingin lekha chu a zik tau a; gambung tinte â ding in amau lekhamal leh amau pau chiat in, Judate â dinginle amau lekhamal leh a pau un a zik tau a.

ISAI 48:20

Babulonte ah kipat pawtdok unla, Kaldaite ah kipat in tai mang un; kipak tak ah kiko in, “Lalpa‘n a suak Jakob chu a hukdok tai,” ti’n, kawlkil tiang in genjak unla, va puangjak tau in.

JEREMIAH 50:19

Israelte chu a tatna mun un pui kit ing ka tin, Karmel leh Bashan ah ta kit in, Ephraim leh Gilead mualte ah chun vâ tak in ne ta’n au.

KÂ LATE 1:3

Judah chu sal ah puimang ah um in, genthei tak ah na sepsak ahi tai; nam dangte lakah um in, chawldamna him a nei puai; ama hun delte chun a lungdon lai tak in, a hun delpha tau hi.

KÂ LATE 1:5

A gâlteu chu a hotuu a hung hiu a, a mêl huatteu chu a lawting tau hi; a gitlonau nasat bêk ziakin, Lalpa‘n a thoksak ta’n; a chateu chu a gâlteu âng in, sal ah pui in a um zo tau hi.

KÂ LATE 4:22

Aw Zion chanu, la thulim lona ziak ah, gawtna a buting ta’n, sal in hun umsak sawt pua’n a; aw Edom chanu, nangma thulimlona ziakin hun gawt intin, la gitlonate tâklang ding ahi.

ZEPHANIAH 2:7

Tuisuagiat pâmte chu Judah Inkuan lak ah, a umsun te chanvo hung hi’ntin; zia tak ah chun a gan honteu tatsak intiu in, nitâk lam leh Ashkelon ah chun giak ta’n au. Lalpa a Pathian un amau chu kantha ta’n tin, a vangphatnau hun pia kit ta’n a.

NASEPTE 23:34

Gam awppa chun lekha chu a sim ah, khoi gam mi leh bang mi ahi a dong a. Kilikia mi ahi chu a het phat in,