EZRA 10:9 - PATHIAN LEKHABU THIANGTHO (BSI)

⁹ Ziaphatchun, Judah leh Benjamin phung ah mite zosia chu Jerusalem khua’n ni thum sung in a hung khawm kim tau a; zia hun chu a tha kuana, a ni sawmni tin ni ahi’n. Mipi zosia chu Pathian In mai tual lai thu ziak leh gawpi nasa tak ah a zuk ziakin lau in a kithing tau a.

EZRA 10:9 ပူးပေါင်းရင်းမြစ်များ

EZRA 10:10

Ziaphatchun, thiampu Ezra chu a hung dingdok ah, a kiang un, “Nanghaw hin Israelte thiammaw channa belap ding ah gam dang numeite ji’n la la nei tâk ziakun, thil la la hi’khial tau hi.

EZRA 10:3

Tu’hin, zia I jiteu leh amau tawh I chateu zosia chu, ka Lalpau hin lei lemguat piak dungzui in, I Pathian uh thupiak lau ah kithing zosia chun, sawl mang ta dingin I Pathian kiang un thutiam bawl hitiu in; dan dungzui tak in bawl mai hitiu.

EZRA 10:8

“Kuale ni thum sung ah hung lo tapo chu, lengpa nasêmte leh upate thupiak dungzui in, a nei leh lam zosiau lâkpiak ah, amau chule saltâng kile’kit mipite lak ah kipat paithâk ding a hiu,” a tiu a.

EZRA 9:4

Ziaphatchun, saltânna’ kipat hung kile’kitte lak ah ginumlote ziakin, Israelte Pathian kamsuak ziakah lau ah kithing zosia chu, ka kiang in a hung khawm tau a, kei chule nitâk lam kithoina hun tiang in lungngai tak in ka kichu den tai.

ESTHER 2:16

Esther chu Lengpa Ahasueras lal In ah, tha sawmna, Tebeth tha ah, a lal kum sagi’na chun pui lût ahi;

JEREMIAH 10:10

Himaleh, Lalpa chu Pathian tak ahi, Ama chu Pathian hing leh kumtuang Lal ahi. A lungnat phat leh lei pumpi a kithing in, a lungnatna chu kuama’n a thuak zo ngai puau hi.

JEREMIAH 10:13

A aw a sua phat leh, van ah tuite a phul bul bul sek in, kawlmong langkhat lam ah kipat in, tuihu a lên dawsak sek hi. Gaw zukna dingin kawl a phet sak ah, hui chu a khol khawmna kipat in, a nun dawsak sek hi.

JEREMIAH 36:22

Zia hun ah chun lengpa a phalbi In ah kichu ahi’n, (tha kuana ahi ta’n,) mei le a âng ah chun a kitik a.