EZRA 1:3 - PATHIAN LEKHABU THIANGTHO (BSI)

³ La lak ua Ama mi taphot chu, a Pathian un hun umpi chiat ta hen! Judai gam ah Jerusalem ah, Lalpa, Israelte Pathian Insa ding ah chia kit dingin phal la hiu; Ama chu Jerusalem khua Pathian a hi;

EZRA 1:3 ပူးပေါင်းရင်းမြစ်များ

1 LENGTE 18:39

Mi zosia’n zia chu a mu phât un, a mai ua lei tual si’n, “Lalpa chu Pathian ahi ngei mai hi! Lalpa chu Pathian ahi ngei mai hi!” a ti tau a.

1 LENGTE 8:23

Zia gual hin a gen a: “Aw Lalpa, Israel Pathian, nang tawh bang Pathian chung lam van ah ahiloleh nuai lam lei ah a um puai, lunggil zosia tawh la ma ah um, la suakte â dingin thuthung leh hepina det tak la vop zing hi;

1 KHANGTHU 28:20

Zia ban ah chun, David in a chapa Solomon kiang ah chun zia gual hin a gen a: “Hat tak leh hangsan tak in um in, zia haw chu bawldok sik sek in. Lauthawng kin la, lungthuai diak kin; Lalpa Pathian, ka Pathian chun a hun umpi la hi.

EZRA 1:4

khoitak ah chêng hita leh, Jerusalem khua Pathian In sakna ding in a umnau mun chiat ah mipite’n, sum-eng, sana, thil leh gancha tawh a kiphalna dungzui chiat un thawlawm thilpiak in a la panpi chiat uh hen,” ti in.

EZRA 4:3

Himaleh, Zerubbabel, Jeshua, leh Israel Inkuan tin ah puitute chun a kiang un, “Ka Pathian In ding uh sakna hin nanghaw hung kisaklâ a ngai puai; Persia Lengpa Kuras in thu ei piak dungzui in, Lalpa, Israelte Pathian â ding chu kei uh ngen in ka sak ding uh ahi,” ti’n a la dawnhu tau hi.

EZRA 5:13

Ahi’n la, Babulon Lengpa Kuras in, a vaihawm kum khatna’n zia Pathian In hi tundin kitna dingin thupiak a bawl a.

EZRA 5:3

Zia hun ah chun, Luipi Gâl lam ah gam awppa Tattenai tawh Shethar-bozenai chu a lawiteu tawh hung in, a kiang un, “Zia In hi sa ding leh kulbâng bawl zo ding ah hin kua’n thu a hun pia a hem?” a hung tiu a.

EZRA 6:7

zia Pathian In sakna thu hi a la subuai kiu in; Judate chung ah gam awppa leh Judate lak ah hotute chun, zia Pathian In chu a mun ngeiah chun a la sau hen.

SAM 132:13

Lalpa chun Zion a la têl ta ngal a; ama chênna mun dingin a dawi ziakin:

SAM 83:18

Nangma bep hi Lalpa min pu, leilung zosia chung ah Chungnung pen la hi ti, a hun hettheina ding un.

ISAI 37:16

“Aw, sepai honte Lalpa, Cherubte chung lam ah lal chutpha kichu Israelte Pathian, lei chung lenggam zosia lak ah nangma bep hi Pathian la hi; nang in lei leh van hi la siam a.

ISAI 44:28

Kuras chung thu in: “Ama chu belam gual ah ei chingpa ahi’n, ka thil guanggal zosia hun bawldok ding ahi,” ti’pa leh, Jerusalem chung thu ah: “Bawl thak ah um kit ding la hi,” ti leh, tempul chung thu ah: “La suangphûmte lep thak ah um kit ding ahi,” ti’pa chu ka hi, ti’n a gen tai.

ISAI 45:5

Keima hi Lalpa chu ka hi’n, a dang kuama a um puai; keima tilo ngâl Pathian dang a um puai. Ei helo malehchin le, keima’n gâlvan in ka hun thuam in,

JEREMIAH 10:10

Himaleh, Lalpa chu Pathian tak ahi, Ama chu Pathian hing leh kumtuang Lal ahi. A lungnat phat leh lei pumpi a kithing in, a lungnatna chu kuama’n a thuak zo ngai puau hi.

DANIAL 2:47

Lengpa chun Danial kiang in, “La Pathian chu pathiante zosia Pathian leh, leng zosiate chung ah Lalpa leh thugûk zosia taklangpa chu ahi ngut ngei hi, nang in zia thugûk chu la hun tâklang thei ta mai in!” a tia.

DANIAL 6:26

Thupiak ka bawl tai: Ka lenggam ah mi zosia’n Danial Pathian chu lau in, kithing tau hen: Ama chu Pathian hing, kumtuang dai ahi ngal a. A lenggam suksiat ni um pua’n tin, a lalna’n tawp a nei puai.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

NASEPTE 10:36

Pathian in a thu chu Israel mite kiang in a hun tun ah, Jesu Khrista ah thamuanna thu a gen, ama chu mi tin Lalpa ahi, ti hi.

DAN LEKHABU 32:31

A dik tak in amau suangpi chu, ei uh Suangpi tawhbang ahi puai; I mêlmateu chu mingol ngen a hiu.

JOSHUA 1:9

Ziaziakchun, thu ka hun pia la hi: hat tak leh hangsan tak in um in; lau kin la, lunglel diak kin; Lalpa la Pathian chun la chiana taphot ah hun umpi zing ding ahi ngâl ah,” a ti tai.