EZRA 1:2 - PATHIAN LEKHABU THIANGTHO (BSI)

² Persia gam ah Lengpa Kuras in zia gual hin a gen a: “Lalpa, van Pathian in khawvel lenggam zosia chu pia’n, Judai gam ah Jerusalem ah a In ding sa kit dingin thu ei pia’n.

EZRA 1:2 ပူးပေါင်းရင်းမြစ်များ

1 LENGTE 8:27

Himaleh, Pathian chu leichung ah hin chêng tak tak ding la hem? Van leh van sang pen inle a hun dawl pua’n, zia ka In sak diak diak hin hun dawl pua’n a!

2 KHANGTHU 2:12

Huram chun zia gual hinle a gen nalai a: Israelte Lalpa Pathian, lei leh van siampa leh Lengpa David kiang ah chapa pil tak leh hiatthiamna leh chitna leh hetna pia, Lalpa â ding ah Tempul leh ama â ding leng In sak ding pepa chu chawihoi in um hen.

EZRA 1:5

Judah leh Benjamin phung ah luchangte leh thiampute leh Levite lak ah Pathian Thagau in, Jerusalem khua Lalpa In sa ding ah a chaw’phul zosia chu a kuan ziang dingin a kisa zo tau a.

EZRA 3:7

Tichun, Persia Lengpa Kuras phalpiakna dungzui ah chun, suangsêk mite leh thing lam ah themthiamte kiang ah chun sum a piau ah, sidar thing haw Lebanon ah kipat tuisuagiat tiang leh Joppa khua tiang hun tawl khawm dingin, Sidon leh Tura mite kiang in nêk dingte, dawn dingte leh sathaute chu a pedok tau hi.

EZRA 4:3

Himaleh, Zerubbabel, Jeshua, leh Israel Inkuan tin ah puitute chun a kiang un, “Ka Pathian In ding uh sakna hin nanghaw hung kisaklâ a ngai puai; Persia Lengpa Kuras in thu ei piak dungzui in, Lalpa, Israelte Pathian â ding chu kei uh ngen in ka sak ding uh ahi,” ti’n a la dawnhu tau hi.

EZRA 5:15

Zia bân ah chun a kiang in, ‘Zia ûm leh bêlte hi la’n la chia in; chuleh, Pathian In chu a mun ma ma’n tungding inla, Jerusalem Tempul ah chun ziate hi la koi kit ding ahi,’ a ti tai.

EZRA 6:10

chutileh, van Pathian kiang in a pom tâk leh a lungdamna lam takah kithoina gimtui a lat ua, Lengpa leh a chate damtheina ding inle ei pauchap piak theina ding un.

EZRA 6:3

Tepte’na: Lengpa Kuras in a lal kum khatna chun zia gual thupiak hi a la suadok hi: Jerusalem ah Pathian In chungchâng thu’n, zia In chu tundin kit hi hen la, kithoinate leh hâlmang thilpiak latna mun chu bawldaw kit hi hen; a sândan chu tong sawmguk hi hen la, a vailam le tong sawmguk ma hi hen la,

EZRA 7:12

Leng lopi Artaxerxes in van Pathian dan lekhathiam, thiampu Ezra kiangin: Thamuanna thu chu:

NEHEMIAH 1:4

Zia thute chu ka het phat in, ka chu suk ah, ka kap ta’n; chuleh, ni bang jat a hem sung ka sûn ah, van Pathian kiang ah anngawl in ka pauchap tai.

NEHEMIAH 1:5

Zia gual hin ka pauchap ah: “Aw Lalpa, van Pathian, Nang Pathian lopi leh ja’um, la thupiakte zuiah a hun ngainate chung ah la thuthung hezing leh ja’ngaina neipa;

SAM 136:26

Aw van Pathian kiang ah chun kipak thu gen un; a ngilneina chu kumkhua’n um ding ahi ngal a.

SAM 85:2

La mite dukdaklona la ngaidam ta’n; a gitlonau zosia la ngaidam tai.

THUPILTE 21:1

Lengpa lungthim chu Lalpa khut in a um hen, luicha tui luang gual in a dawi dan dan in a hei kawi sek hi.

ISAI 41:2

Sualam ah kipat gâl zotu hun choktho ah, a thilbawl ding sepsaktu chu kua a hem? Namtin a khut in a pedok in, leng leh lalte a keng in a chotchilsak in, chemjam ah sât tel in leivui a suaksak in; busi hui in a mût mang gual in, a thalpi’n a bawl in;

ISAI 44:26

a suakpa kamsuak hi’det piak a, a tângsamte thugenlawk guitunsakpa chu ka hi. Jerusalem chung thu ah chun, “Mipi hun chênsak kit ding ka hi,” tipa leh, Judai gam ah khuate kiang ah: “Bawl thak ah um kit ding la hiu, la sung ua suksiat ah umsate kha, hun tungding kit ding ka hi,” ti’pa;

ISAI 44:28

Kuras chung thu in: “Ama chu belam gual ah ei chingpa ahi’n, ka thil guanggal zosia hun bawldok ding ahi,” ti’pa leh, Jerusalem chung thu ah: “Bawl thak ah um kit ding la hi,” ti leh, tempul chung thu ah: “La suangphûmte lep thak ah um kit ding ahi,” ti’pa chu ka hi, ti’n a gen tai.

ISAI 45:1

Lalpa chun a sathaunu’ Kuras, nam tinte tawden ah, leng leh lalte a lal puan uh lîp thâksak ding leh, a ma-âng ah kotkhakte a la hong dingin ka la guat ta’n;

ISAI 66:1

Lalpa‘n zia gual hin a gen hi: Van chu ka lalchutpha ahi’n, lei tual hi ka keng ngakna ahi; kei â ding ah khoi tak ah In ei sak piak ding la hiu ah, ka chawldamna ding mun chule khoi tak hiding a hem?

JEREMIAH 10:11

Zia gual chun a kiang un la gen ding ahi. Lei leh van siamtu hilo pathian zosia chu, lei chung leh van chung ah khin hi’mangthai sik sek hung hi’n au.

JEREMIAH 27:5

Ka thilhitheina nasa tak leh, ka khutbân jak in lei tawh a sung ah mihing hileh, sa chitinte hi ka la siam a; piak ding ah kilawm ka sakte kiang ah chun ka piak mai ahi.

JEREMIAH 29:10

Lalpa‘n zia gual hin a gen hi: Babulon â ding ah huntiam kum sawmsagi a bei phat leh, hung kantha bep ing ka tin; zia phat chuleh, la kiang ua ka thutiam guitunsak in, zia mun ah hin hun pui tung kit ing ka.

DANIAL 1:21

Tichun, Danial chu Lengpa Kuras lal kum khatna tiang in, lal Inpi ah chun a um den tai.

DANIAL 2:21

Ama’n hun leh hunbîte a sudanglam ah, lengte a paitha’n, lengte a tungding hi; mipil kiang ah pilna a pia’n, hetthiamna neite kiang in hetna a pia’i.

DANIAL 2:28

himaleh, van ah Pathian pakhat, thugûk zosia taklang sek a um in, ama chun khawvel huntawp ding lam ah bang gual ah thil hung um ding ahi em ti Lengpa Nebukadnezar kiang in a hun hiatsak ahi chu. Lupna chung ah la lup ah, la mang leh kilâkna la mu chu ziate hi a hiu:” a tia.

DANIAL 4:25

Nangma chu mihingte lak ah kipat nawdaw in um in la tin, gamsate lak in hung chêng ta’n la. Chuleh, Hat Chungnung in mihingte lenggam chung in vai a hawm in, a nop nop kiang in lenggam a pesek hi, ti la hun hetdaw masang sia, hun sagi sung chu bawngchalte gual in hampa nêksak ah um in, van dâichîm in hun chapzing ta’n a.

DANIAL 4:32

Mihingte lak ah kipat in nawdaw in um in la tin, gamlak ah ganchate tawh tat khawmsak hiding la hi. Hat Chungnung in mihingte lenggam zosia chung in vai a hawm in; a nop nopte kiang in lenggam a piak sek ahi, ti la hun hetdaw kit masangsia’n, hun sagi sung bawngchalte gual ah hampa nêksak ah hung um ding la hi tai,” a hun tia.

DANIAL 5:23

van ah Lalpa kãl in la kikoisang ta’ngal a! A tempul ah ûm leh bêlte chu la kiang in a hun lau ah, nang leh la milian leh lalte, la jite leh la thâikmte’n zu dawnna’n la mang tau a. Dangka leh sana, sum-eng, thîk, thing leh suang ah kisiam, bangma muthei lo, hethei lo pathiante chu la ho zaw tau a; himaleh, la hatna umna leh la lampi zosia kingakna Pathian chu la chawisâng nuam puai.

DANIAL 6:25

Ziaphatchun, Lengpa Darius in, khawvel pumpi mi zosia, nam zosia leh pau zosiate kiang in lekha a zik ta’n: La lak un vangphatna sukpun in um ta hen!

JONAH 1:9

Ama chun, “Hebrai mi ka hi’n, Lalpa, van Pathian, tuisuagiat leh khawmual siampa ho mi ka hi,” ti’n a dawnhu tai.