EPHESA 6:9 - PATHIAN LEKHABU THIANGTHO (BSI)

⁹ Chuleh, nanghaw suak neite haw, nang uh chung ah le thunei a um ah, ama chun kuama doichuam neilo ahi ti hia’n, la suakteu chu vau thaw ta kiu in.

EPHESA 6:9 ပူးပေါင်းရင်းမြစ်များ

NEHEMIAH 5:5

Ka taksau chu ka unauteu taksa gual tho ahi’n; ka chateu chule amau chate gual tho ahi ngâl un; ahiziak in, ka chapateu leh ka chanuteu chu suak hiding ah ka piak uh a ngai ta’n, ka chanuteu lak ah khenkhatte vang hi suak hiding ah zokdawsa ngen a hitau hi; ka louteu leh ka grep huanteu chu midang a chang zo tau in, bangma ka law thei diak ta puau hi,” a ti tau a.

JOB LEKHABU 34:19

milian leh lal a himan ua doisak chuam lo leh, michaga sâng ah mihausa ngaisak chuam diaklote chu, thiamlo chansak ding la hi em? A leng ua ama khutsuak ahi sik sek ngâl un.

SAM 140:12

Lalpa‘n tasamte panpi in, chagate chu dik tak in vai a hawm piak hi ti ka hia’i.

THUGENTU 5:8

Migentheite nuaisia ah a um uh leh, gam sung ah vaihawmna leh dikna suksiat ah a um inle maksa kin; dinmun sangzawte chunle amau chung ah sangzaw, a mitmei a vên ding uh um jel ahi.

ISAI 47:6

Ka mite chung ah lungna ka hi’n, ka gochante chu ka hi’buak zo tai; la khut in amau chu ka hun pia ta’n, ja’ngaina la la nei pua’n; têksete chu ngawngkol gik tak la puaksak tai.

DANIAL 3:15

Tu’hin, a la kiging unla, pengkulte, lilute, tingtangte, gawsemte, nawtgitte, tumgit pêng ni neite leh thil githei chitinte git la het phat ua leh, bokkhup unla, ka milim siam hi bia un; chutileh, bangkim pha mai ding ahi. Ahi’n la, la biak nop lo uh leh vang, meipi kuang sung ah kin tak ah selut ziang ding la hiu, ka khut ah kipat nang uh hukdok thei ding pathian chu kua a hem?” ti’n a gen a.

DANIAL 3:6

Kua hileh, bokkhup ah, be nuam lo taphot chu kin tak ah tum meipi sung ah se’lût ngal ding ahi,” a hun tia.

THIAMPUTE LEKHABU 19:13

La Invêngte la lepbawl kin la, la gûk lo ding ahi; la mi gawina thaman chu la jan giaksak lo ding ahi.

MALAKI 3:5

Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

MATTHAI 22:10

A suakte chu lamliante ah chun a chiau a, mi a mu jat jat uh chu a hun chial ua, mipha tawh, misia tawh, a hun pui khawm ua; tichun, mo lopna In sung chu mi a hung dim tau hi.

MATTHAI 22:8

Chuleh, a suakte kiang ah chun, Molopna ankuang lui zaw ahi tai, himaleh, ka mi chialte kha ankuang ûm tâk a um puau hi.

MATTHAI 24:48

Himaleh, suak phalo chu a kingaitua ah, ka pu a hung hak hi, ti’n,

MATTHAI 24:51

tumni hun sua intin, miphalêmte chan chu chansak intin; zia tak ah chun kâ leh hagial um ta’n a, a tia.

MATTHAI 7:12

Nangmau chung ah min hileu ti la dawi gual tak un, nang unle mi chung in bawl un; zia chu Dan leh jawlneite thuhil ahi ngal a.

LUKA 6:31

Min la chung ah a hi’ding ua la dawi gual tak in, mi chung inle bawl un.

JOHAN 13:13

Nang un keima hi Lalpa leh Hotupa lei ti sek un; la ti dik ui, hile ka hi him ahi.

NASEPTE 10:34

Peter chun thu a hun gen pan a: “Tu’hin, Pathian in mi doichuam diak a nei puai ti kichian tak in ka he tai;

ROMTE 2:11

Pathian in mi doichuam a nei pawngal a.

1 KORINTH 1:2

Korinth khua Pathian kochuam, Khrista Jesu ah sukthianthote, mi thiangtho hiding ah ko hite leh mun tin ah I Lalpau, eimau Lalpa leh amau Lalpa, Jesu Khrista min lam tapote kiang in:

1 KORINTH 7:22

Suak hikawm ah Lalpa‘n a ko chu, Lalpa ah mi zalen a hizing tho a; mi a zalen lai ah Khrista suak hi ding ah ko ah a um gual chu ahi.

DAN LEKHABU 10:17

Lalpa la Pathian uh hi pathiante zosia chung ah Pathian, lalte zosia chung ah Lal, Pathian Chungnung pen, hat leh lau um tak, kuama doichuam diak nei lo leh golgûkna la ngai lo leh,

KOLOSSA 3:25

Thil diklo bawlpa chun a bawl diklo man chu mu kit in ah, kidoichuamna him a um pawngal a.

KOLOSSA 4:1

Hotute haw, nanghaw’n le van ah Hotu la nei ui ti hia’n, la suakteu chung ah dik tak leh kilawm tak in bawl un.

JAKOB 2:13

Jangaina neilo chu jangaina bei ma’n vaihawm piak hi’n ah; jangaina chun vaihawmna a zo sek hi.

JAKOB 2:8

Pathian Lekhathu’n, “Nangma la kihepi gual in la Invêngte hepi in,” ti lenggam dan chu la zop ua leh a bawlpha hi’n lau.

JAKOB 5:4

Ngai un! La lou uh tho ah sum thalawte thaman, dawha la tuktân piakteu chu a kikodok tau hi; bu âtte kiko chule sepai honte Lalpa nakhang in a lût tai.

1 SAMUEL 15:17

Tichun, Samuel in, nangma kingai dan ah neucha’n kikoi male chin, Israel nam pumpi luchang hilo la hem? Lalpa‘n Israelte chung ah leng hi ding ah sathau a hunnu’ la hi.