EPHESA 6:8 - PATHIAN LEKHABU THIANGTHO (BSI)

⁸ Suak hi’n, suak lo hileu chinle, thilpha la hi taphot uh chu Lalpa‘n ei thuk ding ahi, ti he tau in.

EPHESA 6:8 ပူးပေါင်းရင်းမြစ်များ

THUPILTE 11:18

Mi nunsia’n lawkna dik mu pua’n tin, ahi’n, dikna chî tute chun kipakman dik tak chu mu’n au.

THUPILTE 23:18

Matheilo in kipakman um ngei ding ahi’n; la kinepna chule thawn pua’n a.

ISAI 3:11

Thil bawlkhialte chung a gik na e! A thil bawl khial uh tawh kigûn in, a chung un bawl thuk hiding a hiziak un, mi vangsia ahi nau e!

MATTHAI 16:27

Mihing Chapa hi a vansawlchâkte tawh, Pa lopina kithuam ah a hung tak leh, mitin in a nasep dungzui chiat un hun dit kit ding ahi.

MATTHAI 20:7

Amau chun a kiang in, kua ma’n ei goi puau ah ahi, a tiu a. Ama chun a kiang un, aleh, nang haw le ka grep huan ah vakuan tau in la, a ti kit a.

MATTHAI 5:12

Lim unla, kipak tak in um un; van ah la kipakman ding uh chu a lopi ngal in; zia gual ma chun la mau ah jawlneite kha le a sukgenthei uh ahi kha.

MATTHAI 6:1

La thilpha hi’teu mihing mit mu ah kilang ding bep hilo dingin chingthei un; chutilochun, la Pau van ah um kiang ah chun kipakman ding nei pua’n lau.

MATTHAI 6:4

la thil piak chu a gûk ah a umtheina dingin; chutichun, la pa la thilhi’te a gûk ah a la musekpa chun hun dit in a.

LUKA 14:14

Ziate chun ditna ding a nei lo ding ziak un a hampha hiding la hi; midikte thawkit tak leh dit kit ah um ding la hi,” a tia.

LUKA 6:35

Himaleh, la mêlmateu hepiu inla, a phatna ding uh bawl un, mu ding kinem lo hial in thunglâksak un; tichun la kipakman ding uh chu thupi intin, Chungnung penpa chate hiding la hiu; ama chu kipakna châng helote leh mi nunsiate chung inle a jangai thei ma ma ngal a.

1 KORINTH 12:13

Thagau pakhat ah I leng ua taksa pumkhat ah baptis I hitau a; Juda hi’n Jentel hi taleu, suak hi’n, suak lo hitaleu hinle; Thagau pakhat ah dawn khawm chiat ding ah siam I hiu.

2 KORINTH 5:10

Mi zosia’n taksa I thilhite, a sia a pha, I hi gual gual un I mu chiat theina ding un, Khrista vaihawmna chutpha man kilâk chiat ding I hiu.

GALATIA 3:28

Zia tak ah chun Juda mi a um ta pua’n, Grik mi le a um ta puai; zia chun suak a um ta pua’n, suak lo le a um ta puai; chuleh, pawsal leh numeile a um chuam ta puai. Khrista Jesu ah chun la leng un pumkhat la hingal un.

KOLOSSA 3:11

Zia chun, Grik mi leh Juda mi, zektan leh tanlo, pauchuam mite, Skuthi mite, suak leh suaklo le a um diak ta puai; Khrista chu bangkim hi jawn, bangkim in a um hi.

KOLOSSA 3:24

La kipakman diu goluana chu chang ding la hiu ti la hiau a, Lalpa Khrista na chu la sêm uh ahi.

KOLOSSA 3:25

Thil diklo bawlpa chun a bawl diklo man chu mu kit in ah, kidoichuamna him a um pawngal a.

HEBRAITE 10:35

Ziaziakchun, la kingaknau chu haisan kiu in; kipakman nasa tak a um ngal a.

HEBRAITE 11:26

Khrista a musitnau chu Aigupta ah gote sâng in hausakna thupi zaw’n a ngai ah, kipakman mu ding chu a thîl ziakin.