EPHESA 6:5 - PATHIAN LEKHABU THIANGTHO (BSI)

⁵ Suakte haw, Khrista kiang ah la kituk lut gual un, lungthim thua neilo in, lau leh kithing kawm in taksa ah la puteu kiang ah chun kitulut unla;

EPHESA 6:5 ပူးပေါင်းရင်းမြစ်များ

THILSIAM THU 16:9

Lalpa vansawlchâk in a kiang in, “La pi kiang in chia kit inla, a thu thu’n va um ta’n,” a ti’n.

1 KHANGTHU 29:17

Ka Pathian, nang in lungthim lam la enchian sek in, dikna la kipakpi hi ti ka hia’i. Ka lungthim dik tak ah zia thil zosia hi kiphal takah ka hun piak ahi; chuleh, tu’hin, la mipite hinle kipak tak leh kiphal tak ah a hun piak uh ahi ti ka mui.

SAM 123:2

Suakte mit in a pu khut a et zing gual leh, suaknu mit in a pi khut a et zing gual in, zia gual chun, I Pathian ja’ngaina, I chung ua a hung tun masangsia, I mit un Lalpa chu I en zing uh ahi.

SAM 86:11

Aw Lalpa, la lampi chu ei kawkmu in, la thu tak ah ka chiatheina ding leh, la min ka ja theina dingin, lungthim thiangtho ei pia’n.

MALAKI 1:6

Aw Thiampu, ka min simmawte haw, cha’n a pa a chawihoi in, suak in a pu a chawihoi hi; kei pa ka hileh chawihoi ah ka umna bang ahi em? Hotu ka hileh ja ah ka umna bang ahi em? ti’n sepaite Lalpa‘n a hun dong la hiu. Nanghaw chun, “Bangti’n la min ka simmawu ah a hem?” la tiu a.

MATTHAI 6:22

Taksa thaumei chu mit ahi. Chutichun, la mit a chîm leh la taksa a pum in a vâk suak hi;

MATTHAI 6:24

Kuama’n hotu pani na a sêmkop thei puai; pakhat muda in pakhat ngaina’n, pakhat â di’n gunchu intin, pakhat simmaw in a. Pathian leh sum na sêmkop thei pua’n lau.

MATTHAI 8:9

Kei le mi thunuai ah um ka hi’n, kei thunuai ah le sepaite a um ui; pakhat kiang in chia in ka tileh a chia’n, a dang khat kiang in, ‘Hung in,’ ka tileh a hung sek ui; ka suak kiang inle, ‘Zia hi hi’ in,’ ka tileh a hi’ sek hi,” ti’n a dawnhu a.

NASEPTE 2:46

Nisi’n in tempul ah hun a mat khawm sek ziak un, a In un vaithum a phel sek ua, a anteu chu lungthim kipak leh huangphal tak in a ne sek ui.

ROMTE 9:3

Taksa lam ah ka unaute, ka chipite ziakin kei hi Khrista ah kipat khenthâk ah um hial in, hânsia pawzaw mai leng ka nuam zaw ahi.

1 KORINTH 2:3

La lak un jawngkhal tak leh lau leh kithing kawm in ka um hi.

1 KORINTH 7:22

Suak hikawm ah Lalpa‘n a ko chu, Lalpa ah mi zalen a hizing tho a; mi a zalen lai ah Khrista suak hi ding ah ko ah a um gual chu ahi.

2 KORINTH 1:12

Ka lung sung ua sia leh pha hetna dungzui ah ka suan uh chu zia hi ahi: Khawvel ah mite leh nangmau kiang ah hizaw diak in, taksa lam pilna hilo ah, Pathian thianthona leh titakna chun ka tawi uh ahi.

2 KORINTH 7:15

A thu la awi danteu, lau leh kithing kawm ah la lop danteu kha hia’n, a lunggil nangmau lam in a chêng zaw diak tai.

EPHESA 5:22

Jite haw, Lalpa kiang ah la kituklut gual un, la pawsalteu kiang in le kitulut un.

EPHESA 6:24

I Lalpau Jesu Khrista chuai lo ah hepite chung in, a hepina chu um zing ta hen. Amen.

PHILIPPI 2:12

Ziaziakchun, ka doitakte haw, thu la zop sek gual uh khan, tu’hin le, keima ka um bep hilo in, ka umlo sung ah hin sêm nasa zaw diak in, lau leh kithing pum in hukdam la hi’nau chu sêm bukim tau in.

PHILEMON 1:16

Tu’hin vang kei â dingin suak gual hi talo in, suak sâng ah chungnung zaw, suapi doi um tak a hizaw tai. Nang â ding vang ah chun taksa lam leh Lalpa lam in a hizaw diakna lawm ding e!

JOSHUA 24:14

Ziaziakchun, tu’hin Lalpa lau dan thiam unla, titakzet leh dik tak in a na sêm un; la pu leh pateu in Luipi gâl lam leh, Aigupta gam ah a na a sep piak uh pathiante kha paitha sik sek unla, Lalpa na bep sêm tau in.

1 PETER 3:2

Lau dan thiam ah la tawidan uh chu hun mu ding a hiu.