EPHESA 6:18 - PATHIAN LEKHABU THIANGTHO (BSI)

¹⁸ Thagau ah chun pauchapna leh dotna zosia’n huntin in pauchap un. Zia ding ah chun, mithiangtho zosia â dingin phatchuamngai tak thuak zo tak ah don in hu’ngai zing un.

EPHESA 6:18 ပူးပေါင်းရင်းမြစ်များ

1 LENGTE 8:52

La suakpa dotna leh la mi Israelte dotna lam ah hin la mit te’n la, nangma a hun ko phat si’n ua leh ngaitha sek in.

1 LENGTE 8:54

Solomon in Lalpa kiang ah zia pauchapna leh dotna hi a lat zaw phatin, Lalpa mâichâm âng ah khupdin ah a khut van lam ah a jakna mun ah kipat chun a hung thodok a;

1 LENGTE 8:59

Lalpa âng ah ka dotna thute hi, Lalpa I Pathian kiang ah sun leh jan in um zing hen la; a suakpa thu leh a mi Israelte’n nisi’n a mamaw dungzui ua a dotnau gual in ama’n umsak ta hen;

1 LENGTE 9:3

Lalpa‘n a kiang in, “Ka kiang ah la pauchapna leh la dotna chu ka ngaitha tai; zia la In sak hi ka suthiang ta’n; zia tak ah chun kumtuang dai dingin ka min ka koi tai; zia tak ah chun ka mitte leh ka lungthim bangtik lai ah le um zing ding ahi.

ESTHER 4:8

Mordekai in, ama chu Susa Inpi thusuak kizikna lekha chu, Esther kiang ah a umdan hilchian kawm ah a piak dingin a choisak ah; chuleh, lengpa kiang ah amau haw sukchigap lona ding ah lengpa kiangah don dinginle thu a thot a.

JOB LEKHABU 27:10

Hat Chungnung Pathian ah chun a kipakna diam uh? Pathian a ko zingna diam uh?

SAM 4:1

Aw, ka dikna Pathian, ka hun ko phat leh ei dawnhu in! Ka lungdon phat cheng leh lei panpi sek ngal a. Ka chung ah ja’ngai inla, ka pauchapna ngaitha’n.

SAM 6:9

Lalpa‘n ka dotna a he ta’n; Lalpa‘n ka pauchapna a pom tai.

ISAI 26:16

Aw Lalpa, lungdonni’n a hun hawl un, la thununna a chung ua a tun phat leh, la kiang ah pauchapna a sungtha sek ui.

DANIAL 6:10

Lekha kizik chu lengpa’n lem a sakpi’na’n a min a zik tai ti Danial in he maleh, a In ah chia to kit in, a Insawng chung lam ah tukvan Jerusalem lam nga’ hong in, a bawl ngai gual in, ni khat ah thumvei khiangkho ah Pathian kiang ah pauchap in, a min chu a pâk zing sek a.

DANIAL 9:20

Pauchap ah, ka gitlo’na leh ka mipi Israelte gitlona thupha chawi ah, Lalpa ka Pathian âng ah, ka Pathian tâng thiangtho ah ding ah dotpiakna bawl a,

HOSEA 12:4

Vansawlchâk tawh a kibuan un, a buan zo ta’n, kap pum in a maljawlna a don a; Bethel ah a kituakpi ah, zia chun a kiang in thu a gen tai.

ZEKARIAH 12:10

Chun, David Inkuan ah mite leh Jerusalem ah chêngte chung in, lainatna leh thûm piakna thagau buntha’ng ka tin; tichun, a la sut uh a mu phât ua leh, min a chapa neisun a sûn gual leh, a chatil a kâ khum gual un sûn ta’n au.

MATTHAI 17:21

Banghilehle, zia tawhbang hichu, pauchapna leh anngawlna longal in pawtdok pua’n a, a tia.

MATTHAI 26:41

Kivêng unla, thepna la lut lona ding un pauchap un; thagau in vang a ngapcha hen, taksa ahileh vang a hat lo ahi hi, a tia.

MARKA 13:33

Ziaziakchun, chingthei tak leh pilvâng tak in um zing un; a hun ding kuama’n la hepaw ngal un.

MARKA 14:38

Thepna la lut lona ding un kiging zingin pauchap un, thagau in vang a ngapcha’n, taksa vang a hat lo ahi,” a tia.

LUKA 21:36

Kiging zing unla, zia haw zosia chu la pumpel ua, Mihing Chapa âng ah la din theina ding un pauchap zing un, a tia.

LUKA 22:46

“Bangatia, ipmu la hiu em? Hung tho unla, thepna la lut lona ding un pauchap un,” a tia.

LUKA 3:26

ama chu Maath chapa ahi’n, ama chu Mattathias chapa ahi’n, ama chu Semein chapa ahi’n, ama chu Joseph chapa ahi’n, ama chu Joda chapa ahi’n;

LUKA 3:37

ama chu Methuselah chapa ahi’n, ama chu Enok chapa ahi’n, ama chu Jared chapa ahi’n, ama chu Mahalalel chapa ahi’n, ama chu Kaina’n chapa ahi’n,

NASEPTE 1:14

Amau chu hun tin in lungthim munkhat pu’n a pauchap un, numei khenkhat, Jesu nu Mari tawh a suapite tawh le a hiu a.

NASEPTE 10:2

Ama chu Pathian ngaisak tak, a sunghawu ah Pathian lau tak ah khawsa mi, migentheite kiang ah le thilpiak chîng mi, Pathian kiang ah pauchap zing mi ahi.

NASEPTE 12:5

Peter chu suangkul ah a um lai in, kochuamte’n ama â dingin phatchuamngai tak in Pathian kiang in a la pauchap piak tau a.

NASEPTE 6:4

Kei uh ka hiu leh, pauchapnate leh thu nasepna’n kipia’ng kau,” a tiu a.

ROMTE 12:12

Kinepna lam ah chun kipak tak ah um in; thokna lam ah chun thuakzo tak in; gunchu tak in pauchap zing un.

ROMTE 8:15

Lau tak ah um kit ding ah suak hi’na thagau la chang puau in, cha hi’na thagau la chang uh a hizawi. Tichun, “Abba! He pa!” ti ah I ko phat ua leh,

GALATIA 4:6

Chuleh, chate la hi tâk ziak un Pathian in a Chapa Thagau chu, “Abba, He pa,” ti ah kiko in, I lung sung un a hun sawl ta ahi.

EPHESA 1:16

ka pauchapnate ah chun hun hezing in, nangmau ziakin kipak thu ka gen zing hi.

EPHESA 2:22

Nanghaw le ama ah chun, Thagau ah Pathian chênna mun ding ah lepkhawm la hitau hi.

EPHESA 3:18

Mithiangthote zosia tawh, a letdan, a sau dan, a sândan leh a thûkdan hetchian theina ding leh,

EPHESA 3:8

Keima, mithiangthote lak ah neupen sâng ah le neuzaw kiang ah hin, zia hepina chu piak ahi’n; Khrista hausakna suidaw guallote chanchin chu Jentelte kiang ah gen ding leh;

EPHESA 6:19

Chanchinpha thugûk chu hangsan tak ah gen ding ah ka kam ka kât ah, thu ka gen theina dingin ei pauchap piak un,

PHILIPPI 1:4

Nanghaw zosia â ding ah ka pauchapna taphot ah chun, lim tak in ka hun dot piak sek hi.

PHILIPPI 4:6

Bangmalo mai mai in lungkham kiu inla, bangkim ah pauchap leh don in, kipak thu gen kawm in, la dotnateu chu Pathian kiang in hiatsak zaw tau in.

KOLOSSA 1:3

Nang uh â ding ah pauchap zing in, I Lalpau Jesu Khrista Pa, Pathian kiang ah chun kipak thu ka gen sek ui.

KOLOSSA 1:4

Khrista Jesu la gindan uh leh, mithiangtho zosia chung ah hepina la nei dan uh ka het tâk ziak un;

KOLOSSA 4:2

Pauchap zing unla, kipak thu gen kawm in ngâk zing un.

1 THESSALONITE 5:17

Chawl lo in pauchap un.

1 TIMOTHI 2:1

Chutichun, a masa pen ah chun, thildot pauchapnate, pauchapna him himte, midang â ding ah pauchapnate leh kipak thu gennate hi mi zosia â ding ah nei piak dingin ka hun tîl la hi;

2 TIMOTHI 1:3

Ka pu leh pate’n a la ho gual un, sia leh pha thiang tak nei ah a na ka sep, Pathian kiang ah sûn leh jan ah ka pauchapnate ah chun nanghaw hun hezing in, kipak thu ka gen zing sek ahi.

PHILEMON 1:5

Lalpa Jesu lam leh mithiangtho zosiate lam ah, la hepina leh ginna chu hezing in,

HEBRAITE 5:7

Ama chun taksa a um lai khan thina kipat hukdok theipa kiang in, nasa tak ah kiko leh mitthi pum in pauchapna leh ni’na a lân ah, Pathian ki’châk dan a het ziakin ngaithâk in a um hi.

1 PETER 4:7

Himaleh, thil zosia tawpna chu a nai tai, ziaziakchun, la pauchap theina ding un lungthim dik tak pu’n chingthei un.

JUDA 1:20

Himaleh, doitakte haw, nang uh vang la ginna thiangtho chung ua chun kilemto unla, Thagau Thiangtho ah pauchap unla,

1 SAMUEL 1:12

Zia gual ah Lalpa kiangah a pauchap lai takah a muk phun chu Eli in a la en zing a.