EPHESA 6:17 - PATHIAN LEKHABU THIANGTHO (BSI)

¹⁷ Chuleh, hukdamna lukhuk chu khuk in, Pathian thu, Thagau chemjam chu pan un.

EPHESA 6:17 ပူးပေါင်းရင်းမြစ်များ

2 SAMUEL 22:36

Nang in la hukdamna phaw leipe ta’n, lei panpi’na zal in lei sulian tai.

ISAI 49:2

Ka kam hi chemjam hiam tak gual in a siam a, a khutpêk lîm nuai ah chun ei sêlgu tai; thalchang kinawtval tak gual in ei siam a, a thalbawm sung in ei sêlmang tai.

ISAI 59:17

Diktatna chu awmphaw gual in a âk a, a luchung in hukdamna thîk lukhuk a khuk hi; phuba lâkna chu sil leh chên gual ah, kithuamna’n a mang a, hachang thakna chun a kithuam hi.

HOSEA 6:5

Ziaziakchun, jawlneite mang in amau ka sâttan ah, ka kam ah thute’n amau chu ka that tai; ka vaihawmna chu vâk gual in a kikhawdok hi.

ZEKARIAH 4:6

“Zia hi Zerubbabel kiang ah Lalpa thu hun gen chu ahi: Thagum hatna ziak hilo, thilhitheina ziak le hi diak lo in, ka thagau ziak bep in ahi, ti’n sepai honte Lalpa chun a ti’n.

MATTHAI 4:4

Himaleh, ama chun, “Mihing hi vaithum bep in hing pua’n tin, Pathian kam ah thu tin pawt in hing zaw’n a, ti zik ahi,” ti’n a dawnhu a.

MATTHAI 4:7

Jesu’n a kiang in, “Lalpa la Pathian chian kin, ti ah kizik ahi,” a ti kit a.

EPHESA 5:26

amau chu a sukthiantho theina dingin, a thu tui ah chun sil thiang in,

1 THESSALONITE 5:8

Himaleh, ei uh vang chu sun ah mi I hiziak un, ginna leh hepina awmphaw chun kithuam in, hukdamna kinepna chu lukhuk ah mang in, ngaichâng tak in um hitiu.

HEBRAITE 4:12

Pathian thu hi a hing ah, thil ahi’thei ah, chemjam hiamtua zosia sâng inle a hiam zaw’n, hinna leh thagau, gutua leh theng kikhen khop hial ah sun thei ahi; lungthim ah ngaitua leh tupte chu a hethei ngal ahi.

HEBRAITE 6:5

Pathian thuphate leh a hung tung ding thihitheina tep khate chu,

THUPUAN 1:16

Chun, a khut changlam ah chun aksi pasagi a chawi ah; a kam ah kipat chun chemjam hiamtua hiam tak gual in a hung pawt ah; a maisua chu nisa a sat phat lai tak gual ahi.

THUPUAN 12:11

Belamno thisan ziak leh, amau thu hiatsakna ziak leh, a hinnau chu thi ngam ah îtcha lo ah a la pan ziak un, zawna chu a chang tau hi.

THUPUAN 19:15

A kam in chemjam hiam, namtin a sukchimitna ding chu a pawt a; thîk tiang in vai hawm intin; Pathian Bangkim Hi’thei lungnatna uain sûkna khûk ah chun chil in a.

THUPUAN 2:16

Ziaziakchun, la lung hun hei in; achutilochun, hung vak ing ka tin, ka kam ah chemjam ah hin amau chu hun do ding ka hi.

1 SAMUEL 17:5

sum-engthik lukhuk a khuk ah; chuleh, thik puanâk chual in a kithuam ah; a thik puanâk chual chu shekel sawmnga gik ahi.

1 SAMUEL 17:58

Saul in a kiang ah chun, “Tangval, kua chapa la hi em?” ti’n a dong a. David in, “La suakpa, Beth-lehem mi Jesse chapa ka hi,” ti’n a dawnhu tai.