EPHESA 6:14 - PATHIAN LEKHABU THIANGTHO (BSI)

¹⁴ Ziaziakchun, ding unla, la kawng uh chu thutak in gâk unla, diktatna awmphaw chun kithuam un.

EPHESA 6:14 ပူးပေါင်းရင်းမြစ်များ

2 LENGTE 3:21

Moab mite zosia’n lengte chu amau do dingin a hung to tau hi ti a het phat un, gâlthuam ah kivan thei zosia, a naupang pen ah kipat a upa pen tiang in a kikodok ua, gamgi zul ah chun a kitiang tau a.

JOB LEKHABU 29:14

Dikna puan in ka kithuam ah, ei cheimawi un; ka thudikna chu puanâk chual leh, dialkop in ka mang hi.

ISAI 11:5

Dikna chu a kawnggâk hi’ntin, ginumna chu tâigâkna’n mang in a.

ISAI 59:17

Diktatna chu awmphaw gual in a âk a, a luchung in hukdamna thîk lukhuk a khuk hi; phuba lâkna chu sil leh chên gual ah, kithuamna’n a mang a, hachang thakna chun a kithuam hi.

LUKA 12:35

La kawng uh gâk unla, la thaumei uh vâksa’n um un;

ROMTE 13:12

jan hi a bei vâng vâng ta’n, khua hung vâk ding ei tai; zia ziak chun, khawthim ah thilhite chu paitha’n vâkthuam in kithuam hitiu.

2 KORINTH 6:7

thutakna leh Pathian thilhitheinate chu nei in, changlam leh veilam ah dikna gâlvan ah kivan in;

EPHESA 5:9

Thagau ga chu phatna zosia leh dikna leh thutak ahi ngal a.

EPHESA 6:13

Ziaziakchun, ni phalo ah chun la do zawu ah, la zaw nung ua le kipuk lo ah la din zing theina ding un, Pathian gâlvan bukim ah chun kithuam un.

1 THESSALONITE 5:8

Himaleh, ei uh vang chu sun ah mi I hiziak un, ginna leh hepina awmphaw chun kithuam in, hukdamna kinepna chu lukhuk ah mang in, ngaichâng tak in um hitiu.

1 PETER 1:13

Ziaziakchun, nasem dingin la lungthim uh kisazo unla, kisawizoi un; Jesu Khrista kilâk phat leh hepina hung tung ding chu lungthuai lo in kineppi zing un.

THUPUAN 9:17

ka la mudan ah chun, sakol leh a chung ah chuangte chu zia gual hi a hiu: A chung ah chuangte awmphawteu chu meiâm gual in a âm ah, suanghat gual ah tâk leh kât gual ah hat a hia; a sakollu teu chu sakeibaknei luchang gual a hia; a kam ua pat chun mei leh meikhu leh kât a pawt hi.

THUPUAN 9:9

Thîk awmphaw gual âwmphaw a nei un; a thajap git uh chu kidona sakol kângtalaite tai git gual ahi.