EPHESA 6:13 - PATHIAN LEKHABU THIANGTHO (BSI)

¹³ Ziaziakchun, ni phalo ah chun la do zawu ah, la zaw nung ua le kipuk lo ah la din zing theina ding un, Pathian gâlvan bukim ah chun kithuam un.

EPHESA 6:13 ပူးပေါင်းရင်းမြစ်များ

THUGENTU 12:1

La khangdawn lai ni hin a hun siamtu chu hezing inla, ni phalote a hung tun masang leh, “Kipakna him him ka nei puai,” la ti’na ding kum in a hun nai masang leh,

AMOS 6:3

Nanghaw, ni phalo gamla tak ah koi ah, thagum ah vaihawmna hi’naite hilo la hiu em?

MALAKI 3:2

Aleh, a hung ni chu kua a hem thuak zo ah, a ma-âng ah ding zo ma ma ding? Ama chu hâlthianna mei leh puansawpte sabon mat lai gual ahi ngal a;

LUKA 21:36

Kiging zing unla, zia haw zosia chu la pumpel ua, Mihing Chapa âng ah la din theina ding un pauchap zing un, a tia.

LUKA 8:13

Chuleh, suangteu chung ah kethate chu ziate hi a hiu: Thu a het ua kipak tak ah pom ngal ziang; himaleh, zung him him a nei puau ah, sawt lo sung bep a ging un, thepna a hung um phat leh pûk kit ziang sekte hi a hiu.

ROMTE 13:12

jan hi a bei vâng vâng ta’n, khua hung vâk ding ei tai; zia ziak chun, khawthim ah thilhite chu paitha’n vâkthuam in kithuam hitiu.

2 KORINTH 10:4

Ei uh kigâlvannate chu taksa thil a hipua’n, kulpi det takte phiatna ding ah Pathian thilhithei tak chu ahi zawi.

EPHESA 5:16

Ni te hi a phat tâk lo ziakin, hun lemchâng a tam theipen hawl zing un.

EPHESA 5:6

Kuama’n thu manlo in hun thêm kiu hen; ziate ziak ah hin thu awilo chate chung ah Pathian lungnatna a tung sek hi.

KOLOSSA 4:12

Epaphras, la lak ua mi, Khrista Jesu suak hin chibai a hun bûk hi; Pathian dawi gual taphot ah, piting leh muan um tak ah la dindet theina ding un, pauchapnate’n a pang sek hi.

JAKOB 4:7

Tichun, Pathian kiang in kitulut un. Diabol chu dodâl un, tichun hun jamsan in a.

1 PETER 4:1

Chutichun, Khrista chun taksa ah a thok ziakin, nanghaw le zia gual lungthim ah chun kivan un; (taksa’ thuak ta chun gitlo a haisan tangal a.)

THUPUAN 3:10

Ka thu, thok gunchuna chu la vop zing ziakin, khawvel ah mi zosia patepna hung tung ding ah hin, patep ah la um phât leh keima’nle hun humbit ding ka hi.

THUPUAN 6:17

A lungnatna ni lopi chu a hung tun tâk hi, kua a hem pang zo ding?” a tiu a.