EPHESA 6:11 - PATHIAN LEKHABU THIANGTHO (BSI)

¹¹ Diabol tawh kidona chu la zaw theina ding un, Pathian gâlvan bukim in kivan un.

EPHESA 6:11 ပူးပေါင်းရင်းမြစ်များ

NEHEMIAH 4:13

Tichun, kulbâng nung lam ah, a niamna pen pente, mun thawvenna vêl ah chun mipite chu a Inkuan kuan ah, chemjamte, cheichate leh a thalpiteu tawh kithuam chiat ah um dingin ka koi tai.

MARKA 13:22

Messiah lêmte leh jawlnei lêmte chu hung um intiu in, tepte’na leh thilmak lamdang tak tak hun mu sak intiu in, thei vang leh teldawte natiangle thep zaw gaw ding a hiu.

ROMTE 13:12

jan hi a bei vâng vâng ta’n, khua hung vâk ding ei tai; zia ziak chun, khawthim ah thilhite chu paitha’n vâkthuam in kithuam hitiu.

ROMTE 13:14

Lalpa Jesu Khrista ah chun kithuam zawu inla, taksa utna te pitin dingin bangma bawl kiu in.

1 KORINTH 10:13

Mitin chung ah patepna vântâng tilo la chung un patepna a tung kha puai. Pathian chu a ginum in, la zaw khêl uh chetna la chung un tunsak pua’n a; la thokzawna ding un chetna tawh kigual in taidawna lampi hun bawl piak in a.

2 KORINTH 10:4

Ei uh kigâlvannate chu taksa thil a hipua’n, kulpi det takte phiatna ding ah Pathian thilhithei tak chu ahi zawi.

2 KORINTH 11:3

Ahi’n la, gûl chun dawha thiam ah Evi a thep gual khan, Khrista ah takna leh thianthona ah kipat la lungthim uh susia kha’n au ti ka lauthawng hi.

2 KORINTH 2:11

Chutilochun Setan in lemchâng mu kha’n ah, a dawha chu la I hemaw pawngal un.

2 KORINTH 4:4

Khrista Pathian kibatpi, a lopi dan chanchinpha vâk in a salvâk theilona dingin, amau chu ahileh zia khawvel pathian hin ginglote lungthim chu a sukthûm piak ahi.

2 KORINTH 6:7

thutakna leh Pathian thilhitheinate chu nei in, changlam leh veilam ah dikna gâlvan ah kivan in;

EPHESA 4:14

Diklo tak ah juauthepna gual ah, pil gûkkhel ah mihing thêm kawm ah, ziltilna thigua’n langkhat langkhat ah a mût lumlet thei ding ah naupang I hi’ tâk lona ding un.

EPHESA 4:24

mihing thak, diktatna leh thianthona Pathian kibatpi ah siam ah chun kivan tau in.

EPHESA 6:13

Ziaziakchun, ni phalo ah chun la do zawu ah, la zaw nung ua le kipuk lo ah la din zing theina ding un, Pathian gâlvan bukim ah chun kithuam un.

KOLOSSA 3:10

Mihing thak ah chun la kivan tau ah, zia mihing thak chu het bukimna nei dingin, a siampa tawh kipua ah siamthak ahi.

1 THESSALONITE 5:8

Himaleh, ei uh vang chu sun ah mi I hiziak un, ginna leh hepina awmphaw chun kithuam in, hukdamna kinepna chu lukhuk ah mang in, ngaichâng tak in um hitiu.

HEBRAITE 7:25

Ziaziakchun, amau pauchap piak ding ah kumtuang ah a hin ziakin, ama ziak ah Pathian hun naite chu a tawp tiang in a hukdam thei hi.

JAKOB 4:7

Tichun, Pathian kiang in kitulut un. Diabol chu dodâl un, tichun hun jamsan in a.

1 PETER 5:8

Pilvâng tak in chingthei un; la mêlmau Diabol chu sakeibaknei kitum gual in a nêk ding hawl in a vâk vêl vêl hi.

JUDA 1:24

Tu’hin, kipûk lo ding ah hun vengthei leh, a lopina ma ah demna bei leh kipak tak ah koi theipa,

THUPUAN 12:9

Dragon lian, zia gulpitêk Diabol, Setan kiti, khawvel ah mi zosia thêmpa chu lei lam ah a nawtha tau a; chuleh, a sepaite le a nawtha khawm tau hi.

THUPUAN 19:20

Sahâng chu a man ua, jawlnei lêm a ma-âng ah thilmak bawl sek leh, sahâng tepte’na nei ding ah mi thêm zo sek kha, a paniu in mei leh kât ah kâng meidil ah chun a hing in a pai lut tau a.

THUPUAN 2:24

Himaleh, nanghaw Thuatira khua umte lak ah, zia zilsakna pom lo leh, mi khenkhat in, “Setan Thugil,” a titeu zil lo te kiang in zia hi ka gen hi: Puakgik dang hun guanbe ta pua’ng ka;

VAIHAWMTE 3:2

(Israel khangthakte’n a la hi’nat khak lo teu in kido dan a hun het ua, gâl bawldante a hun hil ua a het chian theina ding un.)