EPHESA 6:10 - PATHIAN LEKHABU THIANGTHO (BSI)

¹⁰ A tawp pen in ka suapite haw, Lalpa leh a hâtna thilhitheina ah chun hat tak in um unla.

EPHESA 6:10 ပူးပေါင်းရင်းမြစ်များ

1 KHANGTHU 28:10

Tu’hin, Lalpa chun a mun thiangtho In sa ding ah chun a hun têl ta’ngâl a; lunglut tak leh hat tak in um inla, sêm mualsua ta’n, ti’n a gen tai.

1 KHANGTHU 28:20

Zia ban ah chun, David in a chapa Solomon kiang ah chun zia gual hin a gen a: “Hat tak leh hangsan tak in um in, zia haw chu bawldok sik sek in. Lauthawng kin la, lungthuai diak kin; Lalpa Pathian, ka Pathian chun a hun umpi la hi.

2 KHANGTHU 15:7

Himaleh, nang vang kihihat in! La khut nasep zosia lamzang ding a hiziak in, la khut chu thâtdasak kin!” ti in.

SAM 138:3

Ka hun ko ni ma ma in, nang in lei dawnhu ta hen; ka thagau hatna lei hipun piak tai.

ISAI 40:28

He’kha lo la hem? A la he’kha nai lo la hem? Lalpa chu Kumtuang Pathian ahi’n, kawlmong tiang Siamtu chu ahi. Ama chu chau ngai lo leh chawl ngai lo ahi; a thil hiatthiamna chu suidaw ding gual ahi puai.

ISAI 40:31

himaleh, Lalpa ngâkte chu, a hatnau sukthak piak ah um in, mupi gual in a tha un leng sâng intiu in, tai intiu in, maleh, chawl pua’n au; lam zawt zawt maleu le basam diak pua’n au.

HAGGAI 2:4

Himaleh, aw Zerubbabel, kisuhangsan in, Lalpa‘n a tii; aw Jehozadak chapa thiampu lianpen Joshua, lungthuai him him kin; gam sung ah mipi zosiate haw, lungthuai kiu in, Lalpa‘n a tii. Sêm jel un, ka umpi zing ngal ah, sepai honte Lalpa‘n a tii.

ZEKARIAH 8:13

Aw Judah Inkuan leh Israel Inkuante haw, nam tin lak ah hânsia dong ah la umnau ah kipat khan hun hukdok ing ka tin, maljawlna bulpi’n hun siam ding ka hi tai. Lau him him kiu inla, la khutteu chu hi’hat tau in.

ZEKARIAH 8:9

Sepai honte Lalpa‘n zia gual hin a gen hi: Sepai honte Lalpa In, tempul ngei chu sakdaw kit a hitheina ding ah, In suangphûm lopi, a jawlneite thugen ma ma nanghaw tu’ni ngaithate hin, la khut uh hi’hat tau in.

1 KORINTH 16:13

Kivêng unla, ginna’n ding det in, hangsan tak leh hat tak in um un.

2 KORINTH 13:11

A kichaina dingin, suapite haw, mangpha! Kisutûp unla, lungmuang tak in um un; lungthim munkhat puu inla; kicham dial dial in um un; hepina leh chamna Pathian chu la kiang un um zing in a.

EPHESA 1:19

chuleh, ama gingcha ei haw ah a thilhitheina te’ gual lo, a hatna lopi sep dan gual jel ah,

EPHESA 3:16

a lopina hau dungzui in a Thagau jal in, la sunggil lam ua chun thilhitheina’ suk-hat ah la umtheina ding un, ka pauchap in;

DAN LEKHABU 31:23

Chuleh, Lalpa‘n Nun chapa Joshua chu mawpuakna a pia’n, a kiang in: “Hat tak leh hangsan tak in um in. Israel mipite hi a kiang ua ka kipautiamna gam ah chun pui lût ding la hi’ngâl ah; hun umpi zing ding ka hi,” a tia.

PHILIPPI 3:1

A tawp pen ah chun, ka suapite haw, Lalpa ah chun kipak un. Thu kibang ma ma la kiang ua hun zik kit hi kei â dingin chimchâk um a hipua’n, nang uh a dingin a phazaw ngal a.

PHILIPPI 4:13

Ei hi’hatpa Khrista jal ah chun bangkim bawlthei ka hi.

PHILIPPI 4:8

A tawp pen ah chun, suapite haw, a dik tapo, a za-um tapo, a fel tapo, a thiangtho tapo, a doi um tapo, a kithang mêlpha tapo, thil phazaw him him, pâkchâk ding him a um chun ziate chu ngaituau in.

KOLOSSA 1:11

Kipak tak ah bangkim thuak-hat tak ah la umtheina ding un, a thilhitheina nasa tak ah kipat hung pawtdok chun, bangkim in hun suhat hen la,

2 TIMOTHI 2:1

Chutichun, nang ka cha, Khrista Jesu ah hepina ah chun hat tak in um inla,

2 TIMOTHI 4:17

Himaleh Lalpa‘n ei dinpi in, ei hi’hat a; chutia, keima ziak ah chanchinpha gen kim ah um ding leh, Jentelte zosia’n a hettheina ding un. Tichun, sakeibaknei kam ah kipat hukdaw in ka um tai.

JOSHUA 1:9

Ziaziakchun, thu ka hun pia la hi: hat tak leh hangsan tak in um in; lau kin la, lunglel diak kin; Lalpa la Pathian chun la chiana taphot ah hun umpi zing ding ahi ngâl ah,” a ti tai.

1 PETER 3:8

A tawp pen in, la leng un lungthim munkhat nei in, kilainattua leh suapite kihepina leh thunuaigolna nei in um un.

1 PETER 4:11

Kua’n le thu a gen chun, Pathian thute gual in gen hen; kua’n le na a sep chun, Pathian in hatna a piak gual jel in sêm hen; tichun, Jesu Khrista ziakin Pathian chu bangkim ah chawihoi in um thei in a. Lopina leh vaihawmna chu kumtuang in ama â ahi ngal a.

1 PETER 5:10

Chun, hepina zosia Pathian, a kumtuang lopina chang ding ah Khrista ah hun kopa ngei chun, sawt lo la thok zaw phat ua leh hun tungding in, hun hi’det in, hun hi’hat ding ahi.

1 JOHAN 2:14

Naute haw, Pa chu la het tâk ziak un, la kiang un ka hun zik ahi. Pate haw, ama a lim ah kipat um zing chu, la het ziak un, la kiang un ka hun zik ahi. Tangvalte haw, nanghaw chu la hat un, Pathian thu nangmau ah a um zing ah, migilo chu la zaw tâk ziak un, la kiang un ka hun zik ahi.

1 SAMUEL 23:16

Saul chapa Jonathan chu Horesh ah David kiang in a hung a; zia tak ah chun Lalpa‘n a khut a suk-hat piak a.